ಕವಿ,ಕಥೆಗಾರ,ಬರಹಗಾರರಾಗಿ ಕೆ.ಆರ್.ಎಸ್. ಮೂರ್ತಿ ಅವರದ್ದು ಚಿರಪರಿಚಿತ ಹೆಸರು. ಐ.ಐ.ಎಸ್.ಸಿ.(IISc) ಸ್ನಾತಕೋತ್ತರ ಪದವಿ(ಕಂಪ್ಯೂಟರ್‌ ಸೈನ್ಸ್), ಜಪಾನಿನಲ್ಲಿ ಉನ್ನತ ವ್ಯಾಸಂಗ ಪದವಿಗಳನ್ನು ಪಡೆದ ನಂತರ ಅನೇಕ ಐ.ಟಿ. ಸಂಸ್ಥೆಗಳಲ್ಲಿ ಸೇವೆ.ಸಿಂಗಪೂರಿನ ಯೂನಿವರ್ಸಿಟಿಗಳ ಸ್ನಾತಕೋತ್ತರ ವಿಭಾಗದಲ್ಲಿ ಪ್ರಾಚಾರ್ಯರಾಗಿ ಹಾಗೂಇನ್ಸ್ಟಿಟ್ಯೂಟ್ ಆಫ್ ಸಿಸ್ಟಮ್ಸ್ ಸೈನ್ಸ್ ಸಂಸ್ಥೆಯಲ್ಲಿ ಟೆಕ್ನಿಕಲ್ ಡೈರೆಕ್ಟರ್ ಆಗಿ ಹಲವು ವರ್ಷಗಳ ಕೆಲಸ ನಿರ್ವಹಣೆ.ಮೊದಲಿನಿಂದಲೂ ಚಿತ್ರಕಲೆ, ಸಂಗೀತ ಮತ್ತು ಸಾಹಿತ್ಯದಲ್ಲಿ ಅಪಾರ ಆಸಕ್ತಿ.
ಇವರ ಮೂರು ಕವನ ಸಂಕಲನಗಳು ಹೊರಬಂದಿದ್ದು ಮತ್ತೊಂದು ಪ್ರಕಟಣೆಗೆ ಸಿದ್ದವಿದೆ. ಇವರ ಕುತೂಹಲಕರ ಧಾರಾವಾಹಿ, ಕಥೆಗಳು ಮತ್ತು ಕವನಗಳು ತರಂಗ ವಾರಪತ್ರಿಕೆ, ಕಸ್ತೂರಿ ಮಾಸಪತ್ರಿಕೆ, ಸಿಂಗಾರ,ಸಾಹಿತ್ಯ ಸಿರಿ ಇತ್ಯಾದಿ ಸಂಚಿಕೆಗಳಲ್ಲಿ ಮತ್ತು ಅಂತರ್ಜಾಲ ಸಾಹಿತ್ಯತಾಣಗಳಲ್ಲಿ ಪ್ರಕಟವಾಗಿವೆ.
ಇವರ ಮೂರು ಕವನ ಸಂಕಲನಗಳು ಹೊರಬಂದಿದ್ದು ಮತ್ತೊಂದು ಪ್ರಕಟಣೆಗೆ ಸಿದ್ದವಿದೆ. ಇವರ ಕುತೂಹಲಕರ ಧಾರಾವಾಹಿ, ಕಥೆಗಳು ಮತ್ತು ಕವನಗಳು ತರಂಗ ವಾರಪತ್ರಿಕೆ, ಕಸ್ತೂರಿ ಮಾಸಪತ್ರಿಕೆ, ಸಿಂಗಾರ,ಸಾಹಿತ್ಯ ಸಿರಿ ಇತ್ಯಾದಿ ಸಂಚಿಕೆಗಳಲ್ಲಿ ಮತ್ತು ಅಂತರ್ಜಾಲ ಸಾಹಿತ್ಯತಾಣಗಳಲ್ಲಿ ಪ್ರಕಟವಾಗಿವೆ.
ಇತ್ತೀಚಿನ ಬರಹಗಳು: ಕೆ.ಆರ್.ಎಸ್. ಮೂರ್ತಿ (ಎಲ್ಲವನ್ನು ಓದಿ)
- ತೂತುಗಳ ತಲೆಮಾರು - ನವೆಂಬರ್ 26, 2020
- ಜೇಡ ಮತ್ತು ಅವನು - ಆಗಸ್ಟ್ 2, 2020
- ಉಸಿರೇ ಓ ಉಸಿರೆ - ಜುಲೈ 23, 2020
ಕುಗ್ಗಿ ಹಿಗ್ಗುತಿರಲು ಸ್ನಾಯು
ಕೆ.ಆರ್.ಎಸ್.ಮೂರ್ತಿ ಅವರ ಕವಿತೆಯಿಂದ…
ಮಿಡಿದ ಕೋಶವಿಡದೆ ಆಯು?
ಶ್ರಮ ಸತತಕೆ ಸಂಕುಚನ
ಮಹಾಧ್ಯಾನ ಆಕುಂಚನ!
ಸಕಲ ಮಹತ್ವ ನಿನ್ನದಾಗೆ
ಇದೊ ವಂದನೆ… ಉಸಿರೆ!
ಹಸಿಯುಸಿರೆ? ಬಿಸಿಯುಸಿರೆ?
ಸೊಕ್ಕುಸಿರೆ? ಬಿಕ್ಕುಸಿರೆ?
ಏದುಸಿರೆ?… ನಿಟ್ಟುಸಿರೆ?
ಎಲ್ಲಿ ಬದುಕು?… ನಿಂತರೆ!
ಜೀವ ಜೀವಾಳದಂತೆ
ಉಚ್ಛ್ವಾಸ ನಿಶ್ವಾಸ ಮಮತೆ
ಮೆರೆದಿದೆ ಈ ಜೀವನ
ಆಗಲಿಹುದೆ ಪಾವನ?
ಕುಗ್ಗಿ ಹಿಗ್ಗುತಿರಲು ಸ್ನಾಯು
ಮಿಡಿದ ಕೋಶವಿಡದೆ ಆಯು?
ಶ್ರಮ ಸತತಕೆ ಸಂಕುಚನ
ಮಹಾಧ್ಯಾನ ಆಕುಂಚನ!
ಉಸುರಿನೊಳಗದೇನು ಲಾಸ್ಯ
ನಗುವು ಅಳುವು ತಿಳಿಯ ಹಾಸ್ಯ
ಮನ ಬೆಳಗಿದೆ ನಿತ್ಯ ನಿತ್ಯ
ಇಹದ ಚೆಲುವನಿಡಲು ಸ್ವಾಸ್ಥ್ಯ
ಅನಿಲ ಆಮ್ಲಜನಕ ವರವು
ಬನ-ಕಾನನ ಪೊರೆವ ಸೊಗವು
ಕೊಡುತ ಜೀವ, ಕಾಯಕೆ
ಮಾಡಲೇನು? ಋಣ ಮುಕುತಿಗೆ
ತೀರಬೇಕು ಇರದೆ ಸೊಲ್ಲು
ಉಸಿರುಸಿರಿನ ಋಣದ ಪಾಲು
ಮರದ ಕೆಡವು ತಡೆಯಲೆ?
ಮರವನೆರಡು ಬೆಳೆಸಲೆ?
ಹನಿ ಹನಿಯಲಿ ನೀರ ಹಳ್ಳ
ತೆನೆ ತೆನೆಯಲಿ ಕಾಳು ಬಳ್ಳ
ಋಣ ತೀರಲಿ ಪಾತ್ರಕೆ
ಘನತೆಯ ಕಿರು ಅರಿವಿಗೆ!
ಇದೊ ವಂದನೆ ಉಸಿರೆ
ಚಿರಋಣಿ ನಾ ಹಸಿರೆ
ಇದೊ ವಂದನೆ ಹಸಿರೆ
ಚಿರಋಣಿ ನಾ ಉಸಿರೆ!
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ