ನಿನ್ನೆಯ ನೆನಪಿನ ಬುತ್ತಿಗೆ ನಾಳೆಯ ಭರವಸೆ ಪೋಣಿಸಿ ಇಂದಿನ ಬೆವರಿಗೆ ಕನಸ ಕೊಡುವವರು.
ಎಲೆಕ್ಟ್ರಾನಿಕ್ಸ್ ಮತ್ತು ಕಮ್ಯುನಿಕೇಷನ್ ಇಂಜಿನಿಯರ್, ವಿ ಎಲ್ ಎಸ್ ಐ(VLSI) ಉತ್ಸಾಹಿ ಮತ್ತು ಭಾವೋದ್ರಿಕ್ತ ಬರಹಗಾರ್ತಿ. ಸಮಾಜದ ಒಳಿತಿಗಾಗಿ ಕೆಲಸ ಮಾಡುವ ಹಲವಾರು ಎನ್‌ಜಿಒಗಳ ಭಾಗವಾಗಿದ್ದಾರೆ.
ಇವರ ಕಲ್ಪನೆ, ಗ್ರಹಿಕೆ ಮತ್ತು ಅನುಭವಗಳಿಗೆ ವಿರಾಮ ಮತ್ತು ಔಟ್‌ಪುಟ್ ಆಗಿರುವುದು ಇವರ ಕವಿತೆ.
ಎಲ್ಲಕ್ಕಿಂತ ಹೆಚ್ಚಾಗಿ ಹೊಸದನ್ನು ಸೃಷ್ಟಿಸಲು ಆಗೊಮ್ಮೆ ಈಗೊಮ್ಮೆ ಇವರಲ್ಲಿ ಕಿಚ್ಚು ಹಚ್ಚುವ ಒಳ ಅಂಶವೇ ಇವರಿಗೆ ಪ್ರೇರಣೆ.
"ಇಂದಿನ ಜಗತ್ತಿನಲ್ಲಿ, ಹೊಸ ಸಾಮಾನ್ಯವೆಂದರೆ ಹೊಂದಿಕೊಳ್ಳುವುದು ಮತ್ತು ನವೀಕರಿಸುವುದು, ತಾನು ತಾನಾಗಿರಲು, ಮಗುವಿನ ಕುತೂಹಲ ಉಳಿಸಿಕೊಳ್ಳಲು ನನ್ನ ದಾರಿ ನನ್ನ ಕವಿತೆ" ಅಂತ ಬಲವಾಗಿ ನಂಬಿರುವವರು.
"ನೀವು ನಿಮ್ಮ ರೆಕ್ಕೆಗಳಾಗಿರುವವರೆಗೂ ಹಾರಲು ಯಾವಾಗಲೂ ಒಂದು ಮಾರ್ಗವಿದೆ", ಎನ್ನುವುದು ಇವರ ತತ್ವ.
ಎಲೆಕ್ಟ್ರಾನಿಕ್ಸ್ ಮತ್ತು ಕಮ್ಯುನಿಕೇಷನ್ ಇಂಜಿನಿಯರ್, ವಿ ಎಲ್ ಎಸ್ ಐ(VLSI) ಉತ್ಸಾಹಿ ಮತ್ತು ಭಾವೋದ್ರಿಕ್ತ ಬರಹಗಾರ್ತಿ. ಸಮಾಜದ ಒಳಿತಿಗಾಗಿ ಕೆಲಸ ಮಾಡುವ ಹಲವಾರು ಎನ್‌ಜಿಒಗಳ ಭಾಗವಾಗಿದ್ದಾರೆ.
ಇವರ ಕಲ್ಪನೆ, ಗ್ರಹಿಕೆ ಮತ್ತು ಅನುಭವಗಳಿಗೆ ವಿರಾಮ ಮತ್ತು ಔಟ್‌ಪುಟ್ ಆಗಿರುವುದು ಇವರ ಕವಿತೆ.
ಎಲ್ಲಕ್ಕಿಂತ ಹೆಚ್ಚಾಗಿ ಹೊಸದನ್ನು ಸೃಷ್ಟಿಸಲು ಆಗೊಮ್ಮೆ ಈಗೊಮ್ಮೆ ಇವರಲ್ಲಿ ಕಿಚ್ಚು ಹಚ್ಚುವ ಒಳ ಅಂಶವೇ ಇವರಿಗೆ ಪ್ರೇರಣೆ.
"ಇಂದಿನ ಜಗತ್ತಿನಲ್ಲಿ, ಹೊಸ ಸಾಮಾನ್ಯವೆಂದರೆ ಹೊಂದಿಕೊಳ್ಳುವುದು ಮತ್ತು ನವೀಕರಿಸುವುದು, ತಾನು ತಾನಾಗಿರಲು, ಮಗುವಿನ ಕುತೂಹಲ ಉಳಿಸಿಕೊಳ್ಳಲು ನನ್ನ ದಾರಿ ನನ್ನ ಕವಿತೆ" ಅಂತ ಬಲವಾಗಿ ನಂಬಿರುವವರು.
"ನೀವು ನಿಮ್ಮ ರೆಕ್ಕೆಗಳಾಗಿರುವವರೆಗೂ ಹಾರಲು ಯಾವಾಗಲೂ ಒಂದು ಮಾರ್ಗವಿದೆ", ಎನ್ನುವುದು ಇವರ ತತ್ವ.
ಇತ್ತೀಚಿನ ಬರಹಗಳು: ರಕ್ಷಿತ ಜಿ ಎಂ (ಎಲ್ಲವನ್ನು ಓದಿ)
- ಕವಿಯಾಗಬಾರದಿತ್ತು ನಾನು - ಜುಲೈ 23, 2022
ಇಂದಿನ ಜೀವಂತ ಮಜಲುಗಳಿಗೆ
ನೆನ್ನೆಯ ಮುಸುಕು ಹೊದಿಸಿ
ನೆನಪುಗಳ ಪೋಣಿಸಿ
ಆಗುಹೋಗುವಿನ ಪ್ರಾಣಕ್ಕೆ
ಕನಸ ಕೊಡಬಾರದಿತ್ತು ನಾನು,
ಕವಿಯಾಗಬಾರದಿತ್ತು ನಾನು.
ಅಲ್ಲೆಲ್ಲೋ ಕುಸುಮವೊಂದು ಅರಳಲು
ಕಂಪನ್ನು ಇಲ್ಲಿ ಸವಿದು
ಗೋಡೆಗಳ ನಡುವೆ ಪದಗಳ ತುಂಬಿಸಿ
ಕಿಸೆಯಲಿದ್ದ ಬೀಗಕ್ಕೆ
ಕೀಲಿ ಕೊಡಬಾರದಿತ್ತು ನಾನು,
ಕವಿಯಾಗಬಾರದಿತ್ತು ನಾನು.
ದೂರದಲ್ಲಿನ ಚಂದ್ರನ ನೋಡಿ
ಹದಿನಾರು ಹರೆಯದ ಯೌವನಕ್ಕೆ
ಸಾಲು ಸಾಲು ಗಂಟುಗಳ ಬಿಡಿಸಿ
ಬೆಳದಿಂಗಳ ರಹಸ್ಯ ಹೇಳಿ
ಹೃದಯ ಕೆಡಿಸಬಾರದಿತ್ತು ನಾನು,
ಕವಿಯಾಗಬಾರದಿತ್ತು ನಾನು.
ಅವರಿವರ ವ್ಯಥೆಯ ನೋಡಲು
ಕತೆಯೊಂದನ್ನು ಹೆಣೆಯುತ್ತಾ
ಮುಖ ಪುಟಕ್ಕೂ ಹಿಂಬದಿಯ ತೋರಿಸಿ
ಮಂಜಿನ ಮುಖವಾಡ ಧರಿಸಿ
ಮೋಸ ಮಾಡಬಾರದಿತ್ತು ನಾನು,
ಕವಿಯಾಗಬಾರದಿತ್ತು ನಾನು.
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ