ತೀರಿದ ಪಯಣದಲಿ

• ಲೇಖಕರು
• ಇತ್ತೀಚಿನ ಬರಹಗಳು

ನಾ ದಿವಾಕರ

ಕೋಲಾರ ಜಿಲ್ಲೆಯ ಬಂಗಾರಪೇಟೆಯವರಾದ ನಾ. ದಿವಾಕರ ಕೆನರಾ ಬ್ಯಾಂಕಿನಲ್ಲಿ 35 ವರ್ಷದ ಸೇವೆಯ ಬಳಿಕ ಸ್ವಯಂ ನಿವೃತ್ತಿಯಾದವರು.
ಪ್ರವೃತ್ತಿಯಿಂದ ಲೇಖಕರು. ಅನೇಕ ಲೇಖನ ಬರಹ, ಅನುವಾದ ಮತ್ತು ಕವಿತೆಗಳನ್ನು ರಚಿಸಿದ್ದಾರೆ .
ದಿವಾಕರ್ ಅವರ ಇಪ್ಪತ್ತಕ್ಕೂ ಹೆಚ್ಚು ಪುಸ್ತಕಗಳು ಪ್ರಕಟವಾಗಿದ್ದು, ಪ್ರಥಮ ಕವನ ಸಂಕಲನ ಅಚ್ಚಿನಲ್ಲಿದೆ.

ಇತ್ತೀಚಿನ ಬರಹಗಳು: ನಾ ದಿವಾಕರ (ಎಲ್ಲವನ್ನು ಓದಿ)

• ಭಾರತದಲ್ಲಿ ಕಳೆದುಹೋಗುತ್ತಿರುವ ವೈಜ್ಞಾನಿಕ ಪ್ರಜ್ಞೆ - ಸೆಪ್ಟೆಂಬರ್ 3, 2022
• ನವ ಭಾರತ ಹಿಂಸೆಯ ತಾಣವಾಗುತ್ತಿದೆಯೇ ? - ಮೇ 1, 2022
• ಯುದ್ಧೋನ್ಮಾದದ ಅಲೆಯೂ ಪ್ರಜಾತಂತ್ರದ ಆಶಯಗಳೂ - ಮಾರ್ಚ್ 1, 2022

ದಾಟಿ ಹೋಗಲೊಂದು ಸೇತು
ದಾಟದಿರಲೊಂದು ಗೋಡೆ ,,,
ಚಿಮ್ಮಲಣಿಯಾದ ಮನಸ್ಸಿಗೆ
ಕಾರ್ಮೋಡದಲ್ಲಿನ ಹಣತೆ ;

ಪಾದದಡಿಯ ಕೀರಲು ಧ್ವನಿ
ಅಂತರಾತ್ಮದ ಚೀತ್ಕಾರ ,,,
ಬೊಗಸೆಯೊಳಗಿನ ಇಳೆಗೆ
ಮುಂಬೆಳಕಿನ ಸುಪ್ರಭಾತ ;

ಬೂದಿಯೊಳಗಿನ ತುಣುಕು
ಹಸಿಕೆಂಡದೊಳಗಿನ ಬೇಗೆ ,,,
ಅಂತರಾಳದ ಕಿಡಿಗಳಿಗೆ
ಉಸಿರಾಗುವ ಜೀವಕಾಯ ;

ಶಿಥಿಲ ಬೇರಿನ ವೇದನೆ
ಉರಿವ ತರಗೆಲೆಗಳ ಕಾವು ,,,
ಹಸಿರೆಲೆಯಂಚಿನ ಇಬ್ಬನಿಗೆ
ಮಧುರ ಸ್ಪರ್ಶದ ತಾಣ ;

ಶಮನ ಕಾಣದ ನೋವು
ಸವೆದ ಬದುಕಿನ ಮೊರೆತ ,,,
ತೀರ ದಾಟಿದ ಸಂಚಾರಿಗೆ
ಚಿತೆಯ ಮೇಲಿನ ಚೀಲ ;

ಜೀವ ಭಾವದ ಕದನ
ಕಳೆದ ಹಾದಿಯ ಮಸಣ ,,,
ಮಣ್ಣ ಕಣಗಳ ಉಸಿರಲ್ಲಿ
ಬೆಂದ ಬದುಕಿನ ಸಾರ್ಥಕ್ಯ !