ಇವರು ನಿಮ್ಹಾನ್ಸ್ ಆಸ್ಪತ್ರೆಯಲ್ಲಿ ಹಿರಿಯ ಶುಶ್ರೂಷಕಿ ಆಫೀಸರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದು, ಸಾಹಿತ್ಯದಲ್ಲೂ ಆಸಕ್ತಿಯನ್ನು ಹೊಂದಿದ್ದಾರೆ.
ಇತ್ತೀಚಿನ ಬರಹಗಳು: ಲಕ್ಷ್ಮಿ ಕೆ ಬಿ (ಎಲ್ಲವನ್ನು ಓದಿ)
- ನೆನಪುಗಳ ನಾವಿಕ - ಸೆಪ್ಟೆಂಬರ್ 18, 2021
ಮರೆತ ನೆನಪುಗಳು
ಮರೆತು ನೆನಪಾಗಲು
ದುಃಖ ಉಮ್ಮಳಿಸಿ
ಅಳುವು ಬಿಕ್ಕಳಿಸಿ
ಧಾರಾಕಾರವಾಗಿ ಸುರಿಯುವುದು
ಇದು ಕಣ್ಣೀರೋ ಮಳೆಹನಿಯೋ?
ಮೋಡಗಳ ಬೆನ್ನಹಿಂದೆ
ನಿಂತು ಮರೆಯಾಗಿ
ಅಳುತಡೆದು ಮಡುಗಟ್ಟಿದ
ನೋವು ಹರಿದು
ಕಣ್ಣೀರ ಮಳೆಹನಿಯಾಗಿ
ಒಲವಿನೆದೆಯ ಭುವಿಯ ತಾಕಲು
ತಾಪದೊಡಲಲಿ ಬೆಂದು
ನೊಂದ ಭುವಿಯೊಡಲು
ನಗುವಾಗಿ ಮಗುವಾಗಿ
ಮಳೆಯೊಡನೆ ಒಲವಾಗಿ
ಸಂತಸದ ಭಾವದಲಿ
ಜಗಕ್ಕೆಲ್ಲ ಒಲವ ಚೆಲ್ಲಲು
ಕಷ್ಟ-ಸುಖಗಳ ಬಂಧ
ಜಗಕೆ ಒಲವಿನಾನಂದ
ನಗುವ ತೇರು ಅಳುವ ಸೂರು
ಮತ್ತದೇ ಬೇಸರ
ಆವಿಯಾಗಿ ಮುಗಿಲುಮುಟ್ಟಿದ
ನೋವ ನೆನಪುಗಳು
ಮತ್ತದೇ ನೆನಪುಗಳು
ನೆನಪಾಗಲು ಮರೆತು
ದುಃಖ ಉಮ್ಮಳಿಸಿ
ಅಳುವು ಬಿಕ್ಕಳಿಸಿ
ಧಾರಾಕಾರವಾಗಿ ಸುರಿಯುವುದು
ಮತ್ತೆ ತಾ ಹಗುರಾಗಲು
ಇದು ಕಣ್ಣೀರೋ ಮಳೆಹನಿಯೋ?
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ