ಪಂದ್ಯ

• ಲೇಖಕರು
• ಇತ್ತೀಚಿನ ಬರಹಗಳು

ತ್ರಿವೇಣಿ ಜಿ ಎಚ್

ಶ್ರೀಮತಿ ತ್ರಿವೇಣಿ ಜಿ ಎಚ್ ಅವರು ಚಿಕ್ಕಮಗಳೂರು ಜಿಲ್ಲೆಯ ಕಡೂರಿನವರು. ವೃತ್ತಿಯಲ್ಲಿ ಪ್ರೌಢಶಾಲಾ ಶಿಕ್ಷಕಿ.

ಕವಿತೆ ಬರೆಯುವ ಹವ್ಯಾಸವನ್ನು ರೂಢಿಸಿಕೊಂಡಿದ್ದು, ಈ ಕ್ಷೇತ್ರದಲ್ಲಿ ಅವರಿಗೆ ಅತೀವ ಆಸಕ್ತಿ. ಕಾಲೇಜು ದಿನಗಳಲ್ಲಿ ಭದ್ರಾವತಿ ಆಕಾಶವಾಣಿ ಕೇಂದ್ರದಲ್ಲಿ ಯುವ ವಾಣಿ ವಿಭಾಗದಲ್ಲಿ ಕವಿತೆಗಳನ್ನು ಓದಿದ್ದಾರೆ.
ಕರ್ನಾಟಕ ಲೇಖಕಿಯರ ಸಂಘ ಬೆಂಗಳೂರು ಇವರು ೨೦೦೩ರಲ್ಲಿ ನಡೆಸಿದ ಸ್ಪರ್ಧೆಯಲ್ಲಿ ಇವರ ಕವಿತೆಗೆ ಪ್ರಶಸ್ತಿ ಬಂದಿದೆ. ಇತ್ತೀಚೆಗೆ ಜನಮಿತ್ರ ಪತ್ರಿಕೆಯವರು ನಡೆಸಿದ ರಾಜ್ಯ ಮಟ್ಟದ ಸ್ಪರ್ಧೆಯಲ್ಲಿ ತೃತೀಯ ಬಹುಮಾನ ಬಂದಿದೆ.

ಇತ್ತೀಚಿನ ಬರಹಗಳು: ತ್ರಿವೇಣಿ ಜಿ ಎಚ್ (ಎಲ್ಲವನ್ನು ಓದಿ)

• ಜುಗಲ್ ಬಂಧಿ - ಆಗಸ್ಟ್ 1, 2021
• ಪಂದ್ಯ - ಜೂನ್ 8, 2021
• ಕೆಲವು ಚುಟುಕುಗಳು - ಮೇ 18, 2021

ಇದೆಂಥ ವಿಚಿತ್ರ ಅಲ್ಲವೆ?
ಆಟಗಾರರು ಇಬ್ಬರೇ…

ಮಾತು ಮತ್ತು ಮೌನ….

ಮೌನ ಕೆಣಕುವ ಮಾತು
ಮಾತ ಹಿಂಡುವ ಮೌನ
ನಡುವೆ ಸಾಗುವ ಪಂದ್ಯ….
ಗೆಲುವ ಮಾನದಂಡವೇನು?
ಸರಳ ಸೂಚನೆಗಳ ಹೊರತಾಗಿಯೂ
ಪರಸ್ಪರರ ನಡುವೆ ನಡೆವ ಪಂದ್ಯ.

ಮುಗುಳ್ನಗೆ ಬೀರಿ
ಸವಾಲು ಹಾಕಿದಿರೋ
ಒಮ್ಮೆಲೇ
ಅನುರಾಗದಂಚಿಗೆ  ಮಾತಿನ ಓಟ…
ಬಿಗಿದ ತುಟಿಗೆ ಈಗ ಮೌನದ ಆಟ…
ಮರುಕ್ಷಣವೇ,
ಅಹವಾಲು ಸ್ವೀಕಾರ
ವಿಚಾರಣೆ…
ಕಣ್ಣುಗಳಿಗೆ ಕಡಿವಾಣ.
ಆಟದಲ್ಲಿ ನಿರತರಾದವರಿಗೆ ರಿಯಾಯಿತಿ ಇ(ರುವುದಿ)ಲ್ಲ.

ಬೆಚ್ಚಿ ಬಿದ್ದ ಮಾತು
ಎಷ್ಟೇ ಪ್ರಯತ್ನಿಸಿದರೂ ಹೊರಬಾರದೆ
ಒಳಗೆ ಸರಿದು..
ಅಲ್ಲೊಂದು ಬಾಂಧವ್ಯ ಮೂಡಬಹುದು
ನಾ ನಿನ್ನ ಬಿಡಲಾರೆ ಎನ್ನಬಹುದು

ಊಹೂಂ,

ಬೇಕಾಗಿಲ್ಲ ಸೋಲು ಗೆಲುವು

ಹಾಗಾಗಿ
ಆಟ ನಿರಂತರ ನಡೆಯುತ್ತಲೇ
ಇರುತ್ತದೆ; ಅವರವರ ಮಿತಿಗಳಲ್ಲಿ.