ಮೊರೆತ

• ಲೇಖಕರು
• ಇತ್ತೀಚಿನ ಬರಹಗಳು

ಮಹಿಮಾ ಭಟ್ ಧಾರವಾಡ

ಪತ್ರಿಕೋದ್ಯಮ ಕನ್ನಡ ಸಾಹಿತ್ಯದ ವಿದ್ಯಾರ್ಥಿ.
ಈಗ ಕಳೆದ ಎರಡು ವರ್ಷದಿಂದ ಪದವಿ ಕಾಲೇಜಿನಲ್ಲಿ ಪ್ರಾಧ್ಯಾಪಕಿಯಾಗಿ ಕೆಲಸ ನಿರ್ವಹಿಸುತ್ತಿದ್ದಾರೆ.
ಬರಹ, ಯಕ್ಷಗಾನ, ಭರತನಾಟ್ಯ, ನಾಟಕ ಇವರ ಹವ್ಯಾಸ.

ಇತ್ತೀಚಿನ ಬರಹಗಳು: ಮಹಿಮಾ ಭಟ್ ಧಾರವಾಡ (ಎಲ್ಲವನ್ನು ಓದಿ)

• ಮೊರೆತ - ಜನವರಿ 24, 2023

ಕಾಣದೂರಿನ​ ತೀರದಲಿ ನಿಂತಿಹೆನು
ದಿಟ್ಟಿಸಿದರೂ ಕಾಣದಾಯಿತು ನನಗೆ
ಕಡಲ ಅಬ್ಬರದ ನೊರೆತಕೆ ಕೇಳದಾಯಿತು ನಿನಗೆ
ನೊರೆತ, ಮೊರೆತಗಳ ನಡುವೆ ಬೆಸೆಯುವುದೇ ಸಲುಗೆ?

ನೀನಲ್ಲಿ, ನಾನಿಲ್ಲಿ ಕಾಣುವುದೇ ಚಹರೆ
ಒಮ್ಮೆಯಾದರೂ ನೋಡುವೆನೇ ನಾ ನಿನ್ನ ಮೋರೆ
ಅಲ್ಲಿಯವರೆಗೂ ಕೇಳುವುದೇ ನನ್ನೀ ಕರೆ
ಆದರೂ ಏನೀ ಪ್ರೀತಿಯ ಬೆಸುಗೆ?

ಸಾಕಾಗಿದೆ ವಿರಹದ ಭಾವಕೆ
ಮನ ಹಪಹಪಿಸಿದೆ ಪದೇ ಪದೇ
ಬೇಡುತಿದೆ ಹೃದಯ ಪ್ರೇಮಕೆ
ಬಸವಳಿದಿದೆ ಮನ ನಿನ್ನ ಮೋಹಕೆ

ಒಮ್ಮೆ ಬಂದು ಹೋಗು ಎದೆಯಲ್ಲಿ ಬೆಚ್ಚಗೆ ಇಡುವೆ
ನೆನಪಲ್ಲಿ ಅಚ್ಚಳಿಯದೆ ನೀ ನನ್ನಲ್ಲೇ ಉಳಿವೆ
ದಿನಗಳನ್ನು ಸ್ಮೃತಿಯಲಿ ಹಾಗೇ ಕಳೆವೆ
ನೀ ಮಾಡುತಿರುವೆ ಹೃದಯದ ಸುಲಿಗೆ