ಲೇಖಕರ ಬಗ್ಗೆ ಎರಡು ಮಾತು:
ಮೂಲತ: ಉತ್ತರ ಕನ್ನಡದವರಾದ ಅಂಜನಾ ಹೆಗಡೆಯವರು ಸದ್ಯ ಬೆಂಗಳೂರಲ್ಲಿ ನೆಲೆಸಿರುತ್ತಾರೆ. ‘ಕಾಡ ಕತ್ತಲೆಯ ಮೌನ ಮಾತುಗಳು’ ಇವರು ಪ್ರಕಟಿಸಿದ ಕವನಸಂಕಲನ. ಓದು-ಬರಹದ ಜೊತೆಗೆ ಗಾರ್ಡನಿಂಗ್ ಇವರ ನೆಚ್ಚಿನ ಹವ್ಯಾಸ.
ಮೂಲತ: ಉತ್ತರ ಕನ್ನಡದವರಾದ ಅಂಜನಾ ಹೆಗಡೆಯವರು ಸದ್ಯ ಬೆಂಗಳೂರಲ್ಲಿ ನೆಲೆಸಿರುತ್ತಾರೆ. ‘ಕಾಡ ಕತ್ತಲೆಯ ಮೌನ ಮಾತುಗಳು’ ಇವರು ಪ್ರಕಟಿಸಿದ ಕವನಸಂಕಲನ. ಓದು-ಬರಹದ ಜೊತೆಗೆ ಗಾರ್ಡನಿಂಗ್ ಇವರ ನೆಚ್ಚಿನ ಹವ್ಯಾಸ.
ಇತ್ತೀಚಿನ ಬರಹಗಳು: ಅಂಜನಾ ಹೆಗಡೆ (ಎಲ್ಲವನ್ನು ಓದಿ)
- ★ ಗ್ರೀಟಿಂಗ್ ಕಾರ್ಡುಗಳ ನೆನಪಿನಲ್ಲಿ ★ - ಜನವರಿ 14, 2021
- ಬಾಲ್ಕನಿಯ ಬೆಳಗು? - ಸೆಪ್ಟೆಂಬರ್ 22, 2020
- ಹಳೆ ಮಾರ್ಗಗಳ ಮಧ್ಯದಲ್ಲಿ - ಸೆಪ್ಟೆಂಬರ್ 10, 2020
ಪ್ರೀತಿಯ ದೇವಾ,
ಸುಂದರ ಮುಂಜಾವಗಳಲ್ಲಿ
ನಿನ್ನ ಕಾಲಡಿಗಳಲ್ಲಿ ತಲೆಯೂರಿ
ಸುಖದ ಮರಣವ ನೀಡೆಂದು
ಬೇಡುತ್ತಿದ್ದ ಹೃದಯವನ್ನೀಗ
ಬರಿದು ಮಾಡಿದ್ದೇನೆ
ದನಿಯಾಗಬೇಕಿದೆ
ಸ್ವಾತಂತ್ರ್ಯದ ಸಾಂಗತ್ಯಕ್ಕೆ
ನರಕದ ಭೀತಿಯ ತೊರೆದು
ಮನದ ಮಾತಿಗೆ ಕಿವಿಯಾಗಿ
ವಿರಮಿಸಲಿಕ್ಕಿದೆ ತುಸು ಹೊತ್ತು;
ಒಮ್ಮೆ ಆಲಿಸುತ್ತೇನೆ
ನಿಜದ ಮಾತುಗಳ
ನಿನ್ನ ರೂಪವ ಮರೆತು
ಹೊಸ ಚಿತ್ರ ಬರೆಯುತ್ತೇನೆ
ಕುಂಚ ಹಿಡಿಯಬೇಕಿದೆ;
ಮರುಳಾಗಬೇಕಿದೆ ಒಮ್ಮೆ
ಬಣ್ಣಗಳ ಮೋಹಕ್ಕೆ
ನನ್ನ ಕಾಲಿಗೆ
ನನ್ನದೇ ರೆಕ್ಕೆ ಕಟ್ಟಿಕೊಳ್ಳುತ್ತೇನೆ
ಗಾಳಿ ಬೀಸಿದೆಡೆಗೆ ಹಾರಬೇಕಿದೆ
ಅಪ್ಪಣೆಗಳ ಮೀರಿ;
ತೂಗಲಿಕ್ಕಿದೆ ನನ್ನೆದೆಯ ಭಾರ
ದೇವಾ,
ಬರಿದಾದ ಹೃದಯಕ್ಕೀಗ
ಅಭಿಮಾನದ ಬೇಡಿ ತೊಡಿಸಿ
ರಕ್ತ-ಮಾಂಸಗಳ ಬಂಧ ಬಿಡಿಸಿ
ಆತ್ಮದೊಂದಿಗೆ ಬೆಸೆಯುತ್ತೇನೆ!
ಮರೆಯಲು ಬಿಡು
ದೈನ್ಯದ ಪಾಠಗಳ;
ಅಹಮ್ಮಿನ ಗೆಜ್ಜೆ ತೊಟ್ಟು
ನರ್ತಿಸಬೇಕಿದೆ
ನೆಲವೆಲ್ಲ ನಾನಾಗಿ!
ಧೂಳಾಗಿ ನೆಗೆದು
ನಿವಾತವಾಗುತ್ತೇನೆ
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ