ಕರ್ಣಾಟಕ ಬ್ಯಾಂಕಿನಲ್ಲಿ ೩೩ ವರ್ಷ ಸೇವೆ ಸಲ್ಲಿಸಿ ೨೦೧೩ ರಲ್ಲಿ ನಿವೃತ್ತನಾಗಿದ್ದು ಈಗ ಹೈದರಾಬಾದಿನ ಹತ್ತಿರ ನೆಲೆಸಿದ್ದಾರೆ.
- ಸಾಜಿದಾ ಅಲಿಯಾಸ್ ಸಲ್ಮಾ - ಅಕ್ಟೋಬರ್ 29, 2024
- ರೇಟಿಂಗ್ ಗಳ ಧೋರಣೆ - ಅಕ್ಟೋಬರ್ 20, 2024
- ಬೇಲಿಯೇ ಎದ್ದು….. - ಸೆಪ್ಟೆಂಬರ್ 29, 2024
ಹೊರನಾಡಿನ ಕನ್ನಡಿಗರು
ಹೊಟ್ಟೆಪಾಡಿಗಾಗಿ ಗಡಿದಾಟಿದವರು
ಅಡಿಗಡಿಗೂ ಅವಾಂತರಗಳನೆದುರಿಸಿ
ಹೋರಾಟ ನಡೆಸುವವರು
ಕಾವೇರಿಯ ಕಾವೇರಿದಾಗ ಬೆಳಗಾವಿಯಲ್ಲಿ ಚಳುವಳಿ ಬಿಸಿಯಾದಾಗಕಾಸರಗೋಡಲ್ಲಿ ಕಲಕಲವಾದಾಗಎದೆ ಡವಡವಗುಟ್ಟಿಸಿಕೊಂಡವರು
ಕನ್ನಡ ನಾಡಿನ ಮೂಲೆ ಮೂಲೆಗಳಿಂದ
ಗುಳೆ ಬಂದು ತಮ್ಮ ನೆಲೆ ಹುಡುಕಿಕೊಂಡವರು
ಅಲ್ಲಿಯ ಭಾಷೆ ಕಲಿತು ಮಾತು ಬೆರೆಸಿ
ಅಲ್ಲಿಯವರೇ ಆಗಲು ಪ್ರಯತ್ನಿಸುವವರು
ಮನೆಮಾತಿನ ಕನ್ನಡ ಎಲ್ಲಿಯದಾದರೇನು
ಇತರೆ ಕನ್ನಡಿಗರೊಂದಿಗೆ ಬೆರೆತಾಗ
ನುಡಿಗನ್ನಡವನ್ನಾಡಿ
ಕನ್ನಡತನವನ್ನಿರಿಸಿಕೊಳ್ಳುತ್ತಿರುವವರು
ಮನೆಮಾತಿನ ಕನ್ನಡಕ್ಕೆ
ನೆಲೆಯಿದ್ದ ಭಾಷೆಯ ಪದ ಬೆರೆಸಿ
ಕಲಬೆರಿಕೆ ಭಾಷೆಯಲ್ಲೇ
ಕನ್ನಡವನ್ನು ಕಂಡುಕೊಳ್ಳುತ್ತಿರುವವರು
ದಾಸವಾಣಿಯ ಹೂರಣ
ಶರಣವಚನಗಳ ತಿರುಳು
ಮನಕ್ಕೆ ಒಗ್ಗಿಸಿಕೊಂಡು
ಸುತ್ತಮುತ್ತಲಿನ ಜನಕ್ಕೆ ಮಾದರಿಯಾದವರು
ಕಲೆ ಶಾಲೆಗಳ ಮೂಲಕ
ತಮ್ಮ ಅಸ್ತಿತ್ವವನ್ನು ಸಾರುತ್ತಾ
ಸಭೆ ಸಮಾರಂಭಗಳಲ್ಲಿ
ಕನ್ನಡವನ್ನು ಹುಟ್ಟುಹಾಕುತ್ತಾ ಹೆಮ್ಮೆ ಪಡುವವರು
ಸಮಾಜದ ಹಿತಕ್ಕೆ ಕೈಲಾದ ನೆರವು ನೀಡುತ್ತಾ
ಎಲೆಮರೆಯ ಕಾಯಿಯಂತೆ
ಹೊಂದಾಣಿಕೆಯ ಜೀವನ ಸಾಗಿಸುತ್ತಾ
ಜನಜೀವನದಲ್ಲಿ ಬೆರೆತು ಅವರಂತಾದವರು
ಎಲ್ಲಿ ನೆಲೆಸಿದರೂ ಕನ್ನಡವನ್ನು ಕನ್ನಡತನವನ್ನು
ತಮ್ಮೊಂದಿಗೆ ಹೊತ್ತು ತಂದು
ಅಲ್ಲಿಯ ಪರಿಸರಗಳ ಮೇಲೆ ತಮ್ಮ
ನಿಷ್ಟಾವಂತ ಛಾಪನ್ನು ಒತ್ತಿ ಬದುಕುವವರು
ಅಲ್ಲಿಯವರಂತಾಗುವ ಸಂಭ್ರಮದಲ್ಲಿ
ತಮ್ಮ ತಾಯ್ನಾಡಿನ ಅಗಲಿಕೆಯನ್ನು ಮರೆಯಲೆತ್ನಿಸುವವರು
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ