ಪ್ರಸ್ತುತ ಮಂಗಳೂರು ವಿಶ್ವವಿದ್ಯಾನಿಲಯದ ಕೊಂಕಣಿ ಪೀಠದ ಸದಸ್ಯೆ. ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡಮಿ ಸದಸ್ಯೆ.
ಮೂರು ಕವನ ಸಂಕಲನ ಸೇರಿದಂತೆ ಆರು ಪುಸ್ತಕಗಳು ಬಿಡುಗಡೆಗೊಂಡಿವೆ. ಶಿವಮೊಗ್ಗ ಕರ್ನಾಟಕ ಸಂಘದ ಜಿ.ಎಸ್.ಶಿವರುದ್ರಪ್ಪ ಕಾವ್ಯ ಪ್ರಶಸ್ತಿ, ಕನ್ನಡ ಸಾಹಿತ್ಯ ಪರಿಷತ್ತಿನ ದತ್ತಿ ಪ್ರಶಸ್ತಿ,ಜಿ.ಎಸ್. ಮ್ಯಾಕ್ಸ ಪ್ರಶಸ್ತಿಗಳು ಬಂದಿವೆ.ಆಕಾಶವಾಣಿ ಕಲಾವಿದೆ.
ಮೂರು ಕವನ ಸಂಕಲನ ಸೇರಿದಂತೆ ಆರು ಪುಸ್ತಕಗಳು ಬಿಡುಗಡೆಗೊಂಡಿವೆ. ಶಿವಮೊಗ್ಗ ಕರ್ನಾಟಕ ಸಂಘದ ಜಿ.ಎಸ್.ಶಿವರುದ್ರಪ್ಪ ಕಾವ್ಯ ಪ್ರಶಸ್ತಿ, ಕನ್ನಡ ಸಾಹಿತ್ಯ ಪರಿಷತ್ತಿನ ದತ್ತಿ ಪ್ರಶಸ್ತಿ,ಜಿ.ಎಸ್. ಮ್ಯಾಕ್ಸ ಪ್ರಶಸ್ತಿಗಳು ಬಂದಿವೆ.ಆಕಾಶವಾಣಿ ಕಲಾವಿದೆ.
ಇತ್ತೀಚಿನ ಬರಹಗಳು: ಪೂರ್ಣಿಮಾ ಸುರೇಶ್ (ಎಲ್ಲವನ್ನು ಓದಿ)
ಈ ಪರಿ ನಿನ್ನ ಬಣ್ಣಗಳ ವ್ಯಾಮೋಹ
ನನಗೆ ಅರ್ಥವಾಗದು.
ಅದೆಷ್ಟು ಬಣ್ಣಗಳ ಹಾಳೆಗಳನು
ಶೃದ್ಧೆಯಿಂದ ತಂದು ಹರಡುವೆ
ಕೆಂಪು,ಗುಲಾಬಿ,ಹಳದಿ..
ಇವೆಲ್ಲ ಸಿಗುವುದು ಅಷ್ಟು
ಸುಲಭವಲ್ಲ..
ಹದಗೊಂಡ ಶೋಧನೆ
ಗುಲಾಬಿ ಮುಂಜಾವಿನಲಿ ದಳಗಳನು ತೆರೆದಂತೆ ಅಘ್ರಾಣಿಸುವೆ.
ಹಳದಿಯಲಿ ಅಕ್ಷರಗಳು
ಅರಳುವ ಅಂದ ನೋಡಿ ಸಮ್ಮೋಹನ.
ನೀನು ಮೆಚ್ಚುವ ನೀಲ-ನಗುತ್ತಾನೆ.
ಕೆಂಪು ಪ್ರೀತಿ-ಬೆಳಕು
ಬಣ್ಣಗಳ ಅಸ್ತಿತ್ವವನು ವಿವರಿಸುತ್ತಾನೆ.
ಬಣ್ಣಗಳನು ಅಂಗೈಯಿಂದ
ಉದುರಿಸಿ
ಚಿಟ್ಟೆಗಳನು ಹಾರಿಸುತ್ತಾನೆ.
ಅವನಿಗೆ ಹೇಗೆ ಹೇಳಲಿ?
ಕವಿತೆಯ ಹುಟ್ಟು ಸುಲಭವಲ್ಲ
ಹಾಳೆಗಳು ಹಸನಾಗಬೇಕು.
ತವಕ,ಕಾತರದಲ್ಲಿ ಕಾದ ಅಕ್ಷರಗಳ
ಹಸಿ,ನವಿರು ಬೇನೆಗೆ
ಅನುವಾಗಬೇಕು.
ತೆರೆದುಕೊಳ್ಳುವ ಹಾಳೆಗಳ
ಕಾಂತತ್ವದಲಿ
ಅಕ್ಷರಗಳು ಅರಳುವುದೇ
ಒಂದು ಸೋಜಿಗ.
ಬಣ್ಣ ಬಣ್ಣದ ಹಾಳೆಗಳನ್ನು
ಜೋಡಿಸಿ
ಎದೆಗಾನಿಸಿಕೊಂಡೆ
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ