ಮೂಲತಃ ಉತ್ತರಕನ್ನಡದ ಸಿದ್ಧಾಪುರದವರಾದ ನೂತನ ಎಂ. ದೋಶೆಟ್ಟಿ ಅವರು ಆಕಾಶವಾಣಿಯಲ್ಲಿ ಕಾರ್ಯಕ್ರಮ ನಿರ್ವಾಹಕರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಇವರ ಏಳಕ್ಕೂ ಹೆಚ್ಚು ಕೃತಿ,ಕಾವ್ಯಗಳ ಸಂಕಲನಗಳು ಲೋಕಾರ್ಪಣೆಗೊಂಡಿದ್ದು, ಇವರ ಅನೇಕ ಬರಹಗಳು ನಾಡಿನ ಹಾಗೂ ಆಂಗ್ಲದ ಹೆಸರಾಂತ ಪತ್ರಿಕೆಗಳಲ್ಲಿ ಪ್ರಕಟಗೊಂಡಿವೆ.
ಇತ್ತೀಚಿನ ಬರಹಗಳು: ನೂತನ ದೋಶೆಟ್ಟಿ (ಎಲ್ಲವನ್ನು ಓದಿ)
- ವಿಂಗಡಿಸಿ ನೋಡು - ಅಕ್ಟೋಬರ್ 23, 2022
- ಆ ರಾತ್ರಿ - ಸೆಪ್ಟೆಂಬರ್ 15, 2021
- ಪ್ರಮಾಣ - ಸೆಪ್ಟೆಂಬರ್ 5, 2021
ಮನದಲ್ಲಿ ಹಸಿರು ಗಿಡ ನೆಡು
ಹಾಡು ಹಕ್ಕಿ ಬಂದೇ ಬರುವುದು
ಒಂದು ದಿನ…
ಚೀನಿ ಗಾದೆಯ ನಂಬಿ
ಎದೆಯಂಗಳದಲ್ಲಿ
ನಗುವ ಹಸಿರು ಗಿಡ
ಹಾಡು ಕೇಳಿದೆ
ಹೊರಟ ನಿಟ್ಟುಸಿರಿಗೂ
ಶಾಂತತೆಯ ಪಾಠ..
ಮೈಯೆಲ್ಲ ಕಿವಿಯಾಗಿ
ಕಾಯುತಿದೆ ಹಸಿರು ಗಿಡ
ಮನದ ಪ್ರತಿ ಮೀಟಿನಲೂ
ಹಕ್ಕಿ ಗಾನದ ಕನವರಿಕೆ
ಗಳಿಗೆಗಳ ಲೆಕ್ಕ
ಸರಿ ಹೋಗಲೇ ಇಲ್ಲ
ಹಕ್ಕಿ ಬರುವುದೋ ಇಲ್ಲವೋ
ಹಾಡು ಕೇಳುವುದೊ ಇಲ್ಲವೊ
ಮನೆ ಕರಗಿ ಹರಿಯಿತು
ಗಿಡದಲ್ಲಿ ಹಸುರಿತ್ತು
ತಾನು ಅತ್ತು ನಗುವ ಹಂಚಿ
ಗಾದೆಯ ಉಳಿಸಿತ್ತು.
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ