ಜನರು ಸುಳ್ಳಾಡುತ್ತಾರೆ

• ಲೇಖಕರು
• ಇತ್ತೀಚಿನ ಬರಹಗಳು

ದೀಪಕ್ ಜೋಶಿ

ಶ್ರೀಯುತ ದೀಪಕ್ ಜೋಶಿ ಅವರು ವೃತ್ತಿಯಲ್ಲಿ ಸ್ಟೇಟ್ ಬ್ಯಾಂಕ್ ಉದ್ಯೋಗಿ.
ಪ್ರಸ್ತುತ ಬೆಳಗಾವಿಯಲ್ಲಿ ವಾಸ
ಹವ್ಯಾಸಿ ಬರಹಗಾರ. ನಾಡಿನ ಕೆಲ ಪತ್ರಿಕೆಗಳಲ್ಲಿ ಕೆಲವು ಕವನ, ಕಥೆಗಳು ಪ್ರಕಟವಾಗಿವೆ.

ಇತ್ತೀಚಿನ ಬರಹಗಳು: ದೀಪಕ್ ಜೋಶಿ (ಎಲ್ಲವನ್ನು ಓದಿ)

• ಜನರು ಸುಳ್ಳಾಡುತ್ತಾರೆ - ನವೆಂಬರ್ 21, 2020

ಅಂದು ಸೂರ್ಯಗ್ರಹಣ
ಮೇಲೆ ಬಿಸಿಲು ರಣರಣ

ಮಧ್ಯಾಹ್ನದ ಮಂಪರಿನ ನಿದ್ದೆ
ಕೆಟ್ಟ ಕೂಗೊಂದು ಕೇಳಿ ಎದ್ದೆ

ಅಂಗಳದಲ್ಲಿದ್ದ ಆಕೆಗೆ ದಾನಿಗಳ ನಿರೀಕ್ಷೆ
ನೀಡಲೊಲ್ಲರಾರೂ ಗ್ರಹಣಮೋಕ್ಷದ ಭಿಕ್ಷೆ

ಛಲಬಿಡದವಳ ಕೂಗು ಹಿಡಿ ಅನ್ನಕ್ಕಾಗಿ
ಕರುಳಲ್ಲೊಂದು ಚೀಲ, ಅದರಲ್ಲಿಯ ಕೂಸಿಗಾಗಿ

ಕೂಗಲ್ಲ ಅದು ಭಯಂಕರ ಆರ್ತನಾದ
ಇದರ ಗುರು ತಾನೆಂದು ಹಸಿವಿನ ವಾದ

ತಾರಕಕ್ಕೇರಿತು ಧ್ವನಿ, ಕೃಷವಾದರೂ ದೇಹ
ಆಗಲೇ ಹುಟ್ಟಿತೊಂದು ಎನಗೆ ಸಂದೇಹ

“ಜನರು ಸುಳ್ಳಾಡುತ್ತಾರೆ
ಬಡತನಕ್ಕಿಲ್ಲ ಧ್ವನಿ ಎಂದು”