ಮೂಲತಃ ಉತ್ತರಕನ್ನಡದ ಸಿದ್ಧಾಪುರದವರಾದ ನೂತನ ಎಂ. ದೋಶೆಟ್ಟಿ ಅವರು ಆಕಾಶವಾಣಿಯಲ್ಲಿ ಕಾರ್ಯಕ್ರಮ ನಿರ್ವಾಹಕರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಇವರ ಏಳಕ್ಕೂ ಹೆಚ್ಚು ಕೃತಿ,ಕಾವ್ಯಗಳ ಸಂಕಲನಗಳು ಲೋಕಾರ್ಪಣೆಗೊಂಡಿದ್ದು, ಇವರ ಅನೇಕ ಬರಹಗಳು ನಾಡಿನ ಹಾಗೂ ಆಂಗ್ಲದ ಹೆಸರಾಂತ ಪತ್ರಿಕೆಗಳಲ್ಲಿ ಪ್ರಕಟಗೊಂಡಿವೆ.
ಇತ್ತೀಚಿನ ಬರಹಗಳು: ನೂತನ ದೋಶೆಟ್ಟಿ (ಎಲ್ಲವನ್ನು ಓದಿ)
- ವಿಂಗಡಿಸಿ ನೋಡು - ಅಕ್ಟೋಬರ್ 23, 2022
- ಆ ರಾತ್ರಿ - ಸೆಪ್ಟೆಂಬರ್ 15, 2021
- ಪ್ರಮಾಣ - ಸೆಪ್ಟೆಂಬರ್ 5, 2021
ದೂರದಲ್ಲೊಂದು
ದೀಪ ಉರಿಯುತಿದೆ
ರಾತ್ರಿ ಜಾರಿದ ಮೇಲೂ.
ಕತ್ತಲೆಯ ಕಳೆಯಲು ಅಲ್ಲ
ನೀರವತೆಯ ಸರಿಸಲೂ ಅಲ್ಲ
ಒಂದೊಂದು ಉಸಿರಿಗೂ ಲೆಕ್ಕ ಬರೆಯುತಿದೆ
ಅಲ್ಲೆಲ್ಲೋ ರೈಲಿನ ಕ್ಷೀಣ ಸದ್ದು
ಯಾರು ಯಾರೋ ಯಾರಿಗಾಗಿಯೋ ಹೊರಟಿದ್ದಾರೆ
ಮಂಪರಿನಲ್ಲೂ ಅರೆ ತೆರೆದ ಕಣ್ಣುಗಳು
ಹುಡುಕುತ್ತೇವೆ, ಬಯಸುತ್ತವೆ
ನಿಂತಾಗ ಹೊರ ನೋಡುತ್ತವೆ
ಅರೆ ಬರೆ ಜನರ ಸಂದಿನಲ್ಲಿ
ಎಲ್ಲೂ ದಕ್ಕದ್ದು ಇಲ್ಲಿ ದಕ್ಕೀತೆ?
ಒಪ್ಪಲು ಸಿದ್ಧವಿಲ್ಲ ಮನ
ಮತ್ತೆ ಮುಂದಿನ ನಿಲುಗಡೆ
ಅದರ ಮುಂದಿನದು…
ಕಳೆದ ನಿಲುಗಡೆಗಳನ್ನು ದೀಪ ಎಣಿಸುತಿದೆ
ಉಸಿರಿಗೆ ತಾಳೆ ಹಾಕಿ.
ದೀಪವಾರಿ ನಸುಕಿನ ನಿದ್ದೆಯಲ್ಲಿ
ಇನ್ನೊಂದು ನಿಲುಗಡೆಯ ಕನಸು.
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ