ದಾವಣಗೆರೆ ಜಿಲ್ಲೆಯ, ಚನ್ನಗಿರಿ ತಾಲೂಕಿನ,ಸಂತೇಬೆನ್ನೂರು ಹೋಬಳಿ ಕೇಂದ್ರದಲ್ಲಿರು ಎಸ್ಜೆವಿಪಿ ಸರ್ಕಾರಿ ಪದವಿಪೂರ್ವ ಕಾಲೇಜಿನಲ್ಲಿ ಆಂಗ್ಲ ಭಾಷಾ ಉಪನ್ಯಾಸಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ.
ಸಾಹಿತ್ಯದ ಓದು ಮತ್ತು ಕಾವ್ಯ ಕೃಷಿ ಇವರ ಪ್ರವೃತ್ತಿ. ಕಲೆ, ಸಂಗೀತ, ಸಂಸ್ಕೃತಿ, ಭಾಷಣ, ಚರ್ಚೆ ಇತ್ಯಾದಿಗಳು ಇವರ ಆಸಕ್ತಿಯ ವಿಷಯಗಳು.
ಇವರು ಸಂಕ್ರಮಣ ಸಾಹಿತ್ಯಸ್ಪರ್ಧೆ-೨೦೧೮ರ ಕಾವ್ಯ ವಿಭಾಗದಲ್ಲಿ ಬಹುಮಾನಿತರಾಗಿದ್ದಾರೆ.
- ಪ್ರಕೃತಿ - ಅಕ್ಟೋಬರ್ 11, 2022
- ತ್ರಿಶಂಕು - ಆಗಸ್ಟ್ 21, 2022
- ಬಿಟ್ಟು ಬಂದ ಊರು - ಮೇ 28, 2022
ಧಗಧಗ ದಹಿಸುತ್ತದೆ ಬೆಂಕಿ;
ಸುಯ್ಯನೆ ಸುಳಿಯುತ್ತದೆ ಗಾಳಿ;
ಜುಳುಜುಳು ಹರಿಯುತ್ತದೆ ನೀರು;
ಪರದೆ ಹೊದಿಸಿದಂತೆ ಪಸರಿಸಿದೆ ಬಾನು;
ಗಿರಗಿರ ತಿರುಗುತ್ತದೆ ಭೂಮಿ.
ಫರ್ಮಾನು ಹೊರಡಿಸಿಯಾರೆ
ಯಾರೋ
ಅವುಗಳಿಗೆ ಸುಮ್ಮನೆ ಇರಲು?
ಕಪ್ಪು ಬಿಳಿಯಲ್ಲ;
ನೀಲಿ ಹಸಿರಲ್ಲ;
ಹಳದಿ ಕೆಂಪಲ್ಲ.
ಈ ಬಣ್ಣಗಳೇಕೆ
ಅವವೇ ಬಣ್ಣಗಳಲ್ಲಿ
ಶೋಭಿಸುತ್ತವೆ?
ಹೇಳಬಹುದೆ
ಬಣ್ಣಗಳಿಗೂ
ಬಣ್ಣ ಬದಲಾಯಿಸಲು?
ಒದರುತ್ತದೆ ಕತ್ತೆ;
ಬೊಗಳುತ್ತದೆ ನಾಯಿ;
ಬುಸುಗುಡುತ್ತದೆ ಹಾವು;
ಕುಹೂ ಕುಹೂ ಹಾಡುತ್ತದೆ ಕೋಗಿಲೆ;
ಕಾವ್ ಕಾವ್ ಅನ್ನುತ್ತದೆ ಕಾಗೆ.
ಹಾಗಲ್ಲದೆ ಬೇರೆಯದೊಂದು
ನಾದ ಹೊಮ್ಮಿಸಬಹುದೆ?
ರಾಡಿಯಲ್ಲಿ ಮುಳುಗೇಳುತ್ತದೆ ಎಮ್ಮೆ;
ಚರಂಡಿಯಲ್ಲಿ ಆಡುತ್ತದೆ ಹಂದಿ;
ಗಾಳಿಯಲ್ಲಿ ಹಾರುತ್ತದೆ ಹಕ್ಕಿ;
ನೀರಿನಲ್ಲಿ ಈಸುತ್ತದೆ ಮೀನು.
ತಡೆಯಬಹುದೆ
ಅವುಗಳ ವಿಲಾಸವನು?
ಕೆಲವರು ದಪ್ಪ,
ಕೆಲವರು ತೆಳು;
ಕೆಲವರು ಬಿಳಿ,
ಮತ್ತೆ ಕೆಲವರು ಕಪ್ಪು;
ಕೆಲವರು ಗಿಡ್ಡ,
ಇನ್ನೂ ಕೆಲವರು ಉದ್ದ;
ಕೆಲವರು ಒಳ್ಳೆಯವರಂತೆ,
ಹಲವರು ಕೆಟ್ಟವರಂತೆ;
ಕೆಲವರು ಮಂದಬುದ್ಧಿಯವರು,
ಮತ್ತೆ ಕೆಲವರು ಅತೀ ಬುದ್ಧಿವಂತರು.
ಒಬ್ಬೇ ಒಬ್ಬ ದೇವರು;
ನಾಮಗಳು ಹಲವು.
ಒಬ್ಬನೇ ಕರ್ತನ ಸೃಷ್ಟಿ;
ತರಹೇವಾರಿ ಚರಾಚರಗಳು.
ರೇವಣಸಿದ್ದಪ್ಪ ಜಿ. ಆರ್.
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ