ರೇಶ್ಮಾಗುಳೇದಗುಡ್ಡಾಕರ್ ಅವರ ವಿಜ್ಞಾನದ ಪದವೀಧರರು. ಪುಸ್ತಕಗಳ ಓದು ಜೊತೆಗೆ ಕವಿತೆ, ಲೇಖನ ಬರೆಯುವದು ಮೆಚ್ಚಿನ ಹವ್ಯಾಸ.2006 ರ ಕರ್ನಾಟಕ ಸಾಹಿತ್ಯ ಅಕಾಡೆಮಿ ವಾರ್ಷಿಕ ಹೊತ್ತಿಗೆ "ಕವಿತೆ - 2006 " ರಲ್ಲಿ ಇವರ ಗಾಂಧಿ ಕವನ ಪ್ರಕಟವಾಗಿದೆ.
ಇತ್ತೀಚಿನ ಬರಹಗಳು: ರೇಶ್ಮಾ ಗುಳೇದಗುಡ್ಡಾಕರ್ (ಎಲ್ಲವನ್ನು ಓದಿ)
- ಮುಗಿಲ ಮಳೆ …. - ಏಪ್ರಿಲ್ 18, 2021
- ಡಾರ್ಕ್ ಮೋಡ್ - ಏಪ್ರಿಲ್ 4, 2021
- ಸಾಗರದೊಳಗಿನ ಮೌನ - ಅಕ್ಟೋಬರ್ 24, 2020
ವಿಶಾಲ ಬಯಲಲ್ಲಿ ಹರಡಿದ
ಬದುಕು ಚಿಗುರುವದು ಕಾಲನ
ಆರೈಕೆಯಲಿ ಕವಲೂಡೆದು
ಮನ್ನುಗ್ಗುವುದು ತಡೆಗಳ ಸರಿಸಿ …..
ಎಷ್ಟು ಮಾತುಗಳು ಲೆಕ್ಕವಿಲ್ಲದಷ್ಟು ದನಿಗಳು ,
ಲಕ್ಷಾಂತರ ಕಣ್ಣುಗಳು ,ಮನದೊಳಗಣ
ಮನಸ್ಸು ಎದುರಾದರೂ
ಒಡಲಾಳದ ಮೌನ ತಣ್ಣಗೆ ಮಡುಟ್ಟಿದೆ
ದಿನ ದಿನಕ್ಕೂ ಗಟ್ಟಿಯಾಗಿ ಮತ್ತೇ
ನಿರಾಳವಾಗಿ ಗದ್ದಲದ ಜಗತ್ತಿನಲ್ಲೆ
ಉಸಿರಾಡುತ್ತದೆ ! ನಿರುತ್ತರವಾಗಿ
ಸಂಘರ್ಷದ ಅಲೆಗಳು ನಿತ್ಯವು
ನೂರಾರು ಬಂದು ಅಪ್ಪಳಿಸುವವು
ಭಾವನೆಯ ದಡಕ್ಕೆ ,ತಿರು ತಿರುಗಿ
ಬರುವ ಉದ್ವೇಗಗಳು ಸಹ ಆರ್ಭಟಿಸಿ
ತೆಪ್ಪಗೆ ಶರಣಾಗುವವು ತಣ್ಣನೆಯ ಮೌನಕ್ಕೆ…..
ಈ ಮೌನವೆಂಬ ಗುರುವೇನು ಸಿದ್ದಾರ್ಥನ ಬುದ್ದ ಮಾಡಿದುದು ?
ರೌದ್ರವಿಸಿದ ಅಂಗುಲಿಮಾಲನನ್ನು
ಮಗುವಾಗಿಸಿದ್ದು ?
ತ್ರೇತಾಯುಗ ಸೀತೆಯನ್ನು ಕಷ್ಟಗಳಿಗೆ
ಕಲ್ಲಾಗಿಸಿ ರಾಮನಿಗೆ ದಿಟ್ಟೆಯಾಗಿಸಿದ್ದು ?
ಯುಗ ಯುಗಳಿಗೆ ಅಳಿಯದೇ ರೂಪಕವಾಗಿ
ಎಲ್ಲರೊಳಗೂ ಅಡಗಿರುವದು.
ನೋವಿನ ಪರಿಚಯ ಬೇಕು
ಜೀವಕೆ ಒಲವಿನ ಆಳ ತಿಳಿಯಲು
ಎಲ್ಲ ಭಾವಗಳಲಿ ಬೆರೆತು
ನಿರ್ಮಲವಾಗಿ ಹರಿಯಲು ಬತ್ತದೆ,
ಯುಗಯುಗಗಳಿಗೂ
ಎದೆಯೊಳಗೆ ಮೌನ
ಪ್ರತಿಧ್ವನಿಸುತ… ಹೊಸ
ಹೊಸ ಜನನಕ್ಕೆ ಆಧಾರವಾಗಿ
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ