ಶಿರಸಿ ಹತ್ತಿರ ಹಳ್ಳಿಗದ್ದೆಯ ಮಹೇಶ್ ಹೆಗಡೆ ಪ್ರಸ್ತುತ ಬೆಂಗಳೂರಿನಲ್ಲಿ ವಾಸವಾಗಿದ್ದಾರೆ.
ವೃತ್ತಿಯಲ್ಲಿ ಔಷಧ ಕಂಪೆನಿಯಲ್ಲಿ ಮಾರ್ಕೆಟಿಂಗ್ ಮ್ಯಾನೇಜರ್ ಆಗಿರುವ ಮಹೇಶ್ ಹವ್ಯಾಸದಲ್ಲಿ ಪುಸ್ತಕಓದುವುದು, ಗಝಲ್, ಕವನ, ರುಬಾಯಿ, ಹಾಯ್ಕು, ಚುಟುಕು, ಹನಿಗವನ ಹೀಗೆ ಹಲವಾರು ಸಾಹಿತ್ಯದ ವಿಭಾಗಗಳಲ್ಲಿ ಬರಹ. ಸಂಗೀತದಲ್ಲಿ ಆಸಕ್ತಿ. ತಬಲಾ ಕಲಿತಿದ್ದು ಅದನ್ನು ನುಡಿಸುತ್ತಾರೆ.
ಮಹತಿ - ಇವರ ಚೊಚ್ಚಲ ಗಝಲ್ ಸಂಕಲನ ಬಿಡುಗಡೆಗೆ ಸಿದ್ಧವಾಗಿದೆ.
ವೃತ್ತಿಯಲ್ಲಿ ಔಷಧ ಕಂಪೆನಿಯಲ್ಲಿ ಮಾರ್ಕೆಟಿಂಗ್ ಮ್ಯಾನೇಜರ್ ಆಗಿರುವ ಮಹೇಶ್ ಹವ್ಯಾಸದಲ್ಲಿ ಪುಸ್ತಕಓದುವುದು, ಗಝಲ್, ಕವನ, ರುಬಾಯಿ, ಹಾಯ್ಕು, ಚುಟುಕು, ಹನಿಗವನ ಹೀಗೆ ಹಲವಾರು ಸಾಹಿತ್ಯದ ವಿಭಾಗಗಳಲ್ಲಿ ಬರಹ. ಸಂಗೀತದಲ್ಲಿ ಆಸಕ್ತಿ. ತಬಲಾ ಕಲಿತಿದ್ದು ಅದನ್ನು ನುಡಿಸುತ್ತಾರೆ.
ಮಹತಿ - ಇವರ ಚೊಚ್ಚಲ ಗಝಲ್ ಸಂಕಲನ ಬಿಡುಗಡೆಗೆ ಸಿದ್ಧವಾಗಿದೆ.
ಇತ್ತೀಚಿನ ಬರಹಗಳು: ಮಹೇಶ್ ಹೆಗಡೆ ಹಳ್ಳಿಗದ್ದೆ (ಎಲ್ಲವನ್ನು ಓದಿ)
- ಹಸಿವು - ಮೇ 28, 2022
- ಮಹೇಶ್ ಹೆಗಡೆ ಗಝಲ್ಸ್ - ನವೆಂಬರ್ 28, 2021
ಹಸಿವು……!!?
ಎಲ್ಲ ಜೀವಿಗಳ ಜಾತಕದಲ್ಲಿ
ಕಾಡುವ ಶನಿ ಗ್ರಹ
ಬಿಸಿಯೂಟವಿರಲಿ ಬಾಡೂಟವಿರಲಿ
ಹೊಟ್ಟೆ ಹಸಿದವನಿಗೆ ವ್ಯತ್ಯಾಸವಿಲ್ಲ
ನಾಲಿಗೆಯಲಿನ್ನೂ ಚಪಲವಿದ್ದರೆ
ಅದು ಬೇರೆ ರೀತಿಯ ಹಸಿವು
ಸೂರ್ಯನಿಗಿಂತಲೂ ಮೊದಲೇ ಎದ್ದು
ಸಮಯಕ್ಕಿಂತಲೂ ವೇಗವಾಗಿ
ಎದ್ದು ಬಿದ್ದು ಓಡುತ್ತಿರುವವರ ಹಸಿವು
ಅವರವರಿಗೆ ಮಾತ್ರ ಗೊತ್ತು
ಕಂಡ ಕನಸುಗಳನೆಲ್ಲ
ನನಸಾಗಿಸಿಕೊಳ್ಳುವ ಧಾವಂತದಲ್ಲಿ
ಧರೆಗಿಳಿದು ಬಂದ ಮೂಲ ಕಾರಣ
ಕಂಡುಕೊಳ್ಳುವ ಹಸಿವು
ಮರೆತೇ ಹೋಗುತ್ತದೆ
ಎಷ್ಟು ಮಸಿ ತುಂಬಿದರೂ ಮತ್ತೆ ಮತ್ತೆ
ಬರಿದಾಗುವ ಲೇಖನಿ.
ಅಕ್ಷರಗಳ ಹಸಿವಿದ್ದಲ್ಲಿ
ಹಸಿವು, ನಿರ್ಜೀವ ವಸ್ತುಗಳಿಗೂ
ವಿಸ್ತರಿಸಿಕೊಳ್ಳುವುದು ವೇದ್ಯ
ಮತ್ತೆ ಮತ್ತೆ ಮನಬಂದಂತೆ ವಕ್ಕರಿಸುವ
ಹಸಿವನಿಂಗಿಸಲು ಹಗಲಿಡೀ ಹೋರಾಡಿ
ರಾತ್ರಿ ಉಂಡು ಮಲಗಿದರೆ,
ಚಿಗುರುವುದು ಅಲ್ಲಿ ಮತ್ತೊಂದು ಹಸಿವು…!
ಹೆಚ್ಚಿನ ಬರಹಗಳಿಗಾಗಿ
ಗಣೇಶನ ಕೈಯಲ್ಲಿಯ ಲಾಡು
ಮಹಾಸಾಗರವಾದಳು
ಹರಿಹರಪುರ ಗ್ರಾಮವೂ, ಲೊವೆಂಥಾಲ್ ಎಂಬ ಪಾದ್ರಿಯೂ..