ದೇವರಾಜ್ ನಾಯಕ ಮೂಲತಃ ಕರಾವಳಿಯ ಅಂಕೊಲಾ ತಾಲೂಕಿನಲ್ಲಿ ಹುಟ್ಟಿ ಬೆಳೆದದ್ದು. ಬಿ.ಟೆಕ್ ಪದವೀಧರರಾಗಿದ್ದು ಪ್ರಸ್ತುತ ಸಾಫ್ಟ್ವೇರ್ ಎಂಜಿನಿಯರ್ ಆಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಕನ್ನಡ ಪ್ರೇಮ ಮತ್ತು ಬರವಣಿಗೆಯ ಒಲವು ಹೊಂದಿದ್ದು ಅನೇಕ ಕವನಗಳನ್ನು ಬರೆದಿದ್ದಾರೆ ಹಾಗೂ ಕೆಲವು ಕವನಗಳು ಪತ್ರಿಕೆ ಮತ್ತು ಅಂತರ್ಜಾಲ ತಾಣದಲ್ಲಿ ಪ್ರಕಟಗೊಂಡಿವೆ. ಬುಕ್ ಬ್ರಹ್ಮ ನಡೆಸುವ ಅಗಸ್ಟ್(೨೦೨೦) ತಿಂಗಳ ' ಜನ ಮೆಚ್ಚಿದ ಕವಿತೆ' ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ.
ಇತ್ತೀಚಿನ ಬರಹಗಳು: ದೇವರಾಜ್ ನಾಯಕ (ಎಲ್ಲವನ್ನು ಓದಿ)
- ಅನವ್ಸಮೆಂಟು - ಮೇ 11, 2021
- ಕಾಣಸಿಗುವುದೆಂದು? - ಡಿಸಂಬರ್ 31, 2020
ಮದುವೆಯಾಗಬೇಕಿಲ್ಲ,
ಜೋಡಿ ಮಾಡಿಕೊಡಲಾಗುವುದು
ರಾಜಧಾನಿಗೆ ಹೊರಟ ಹಳ್ಳಿಯ
ಹಕ್ಕಿ ಹುಡುಕುತ್ತಿದ್ದ ಅನವ್ಸಮೆಂಟು!!!
ಅವ್ವ ಕಟ್ಟಿಕೊಟ್ಟ ಹುರಿಯಕ್ಕಿ ಉಂಡೆ,
ಅಲ್ಯುಮಿನ್ ಡಬ್ಬದಲ್ಲಿ ಭದ್ರವಾಗಿದೆ,
ಸುಟ್ಟ ಒಣಮೀನು!
ಅಪ್ಪ ವರ್ಷವಿಡೀ ಗೇದರೂ,
ಕೂಡಿಟ್ಟ ನಾಕಾಣೆಗೆ, ಇನ್ನೂ ಹತ್ತು ರೂ ಕಡಿಮೆ
ಧಣಿಗಳ ಮುಂದೆ ದರಿದ್ರನಂತೆ
ನಿಂತು ತಂದ ಸಾಲವೂ ತಿಜೋರಿಯಲ್ಲಿ
ಭದ್ರ.
ಕೊಟ್ಟು ಕೆಟ್ಟ ಬಲಿಗಿಂತ ಒಂದೆಜ್ಜೆ
ಮುಂದಿಟ್ಟಿದ್ದರೂ,
ಅಪ್ಪ ಅವ್ವ ತಾರಸಿಯನ್ನಾಗಲೇ
ಗುಡಿಸಲಿಗೆ ಹೊದಿಸಾಗಿದೆ , ಕನಸಲ್ಲಿ!!!
ಹಂಬಲಿಸುತ್ತಿದ್ದ ಅನವ್ಸಮೆಂಟ್ಗೆ
ಮೊಬೈಲ್ ಎಂಬ ಪೆಪ್ಪರ್ಮೆಂಟು.
ಜಾಲಾಡುತ್ತಾಳೆ ಡೇಟಿಂಗ್ ಗೆ,
ಬಣ್ಣಗಳ ಬದುಕ ಬಾಗಿಲ ತಟ್ಟಲು
ಒಂಟಿಕಾಲಲ್ಲಿ.
ರಾಶಿಯಲ್ಲಿ ಮಿಂದೆದ್ದು,ಕೊನೆಗೂ
ಸುಸ್ತಾಗಿ ಅಡಂ ತಡಂ ಹಾಕುತ್ತಾಳೆ ಆಯ್ಕೆಗೆ.
ಅತಿರೇಕಕ್ಕೆ, ಗೋಡೆಯಿಲ್ಲದ ಜಗ ಮರೆತು
ನಗ್ನವಾಗಿ ಬಿಡುತ್ತಾಳೆ.
ಹಳದಿಯ ಹಂಗಿಲ್ಲದೆ,
ಕಂಕಣದ ಕೆಂಪಿಲ್ಲದೆ,
ಸಪ್ತಪದಿಯ ಸೊತ್ತಿಲ್ಲದೆ,
ಅನವ್ಸಮೆಂಟನಲ್ಲಿ ಡಿಸ್ಕೌಂಟ್ಗೆ
ಸೇಲಾಗಿಬಿಡುತ್ತಾಳೆ..
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ