ಪ್ರತಿಷ್ಠಿತ ಜೆಎನ್ಯು ದಿಂದ ಡೆವಲಪ್ಮೆಂಟ್ ಸೋಶಿಯಾಲಜಿ ಅಭ್ಯಾಸ ಮಾಡಿರುವ ಶ್ರೀಯುತರು ಐಸಿಎಸ್ಎಂ ನ್ಯೂ ಡೆಲ್ಲಿ ಯಲ್ಲಿ ಪ್ರಾಚಾರ್ಯರು ಹಾಗೂ ಸಂಶೋಧನಾ ಸಂಸ್ಥೆಯ ಮುಖ್ಯಸ್ಥರಾಗಿಯೂ ಸೇವೆ ಸಲ್ಲಿಸಿದ್ದಾರೆ.
- ಕಳೆದು ಹೋಗುತ್ತಿದ್ದೇವೆ - ಸೆಪ್ಟೆಂಬರ್ 5, 2020
ಬದುಕು ಏಕೋ ಬರೀ ಶೂನ್ಯವಾದಂತೆ
ಬಾಳಿನ ಅಂದ-ಚಂದ, ಸುಂದರ ಕ್ಷಣಗಳು
ಎಲ್ಲಾ ಬರಡಾದಂತೆ ಭಾಸವಾಗುತ್ತಿದೆ.
ಬೆಳಗಾಗುತ್ತದೆ ದಿನ ಕಳೆಯುತ್ತದೆ
ಬೆಳಕು ಮುಳುಗುತ್ತದೆ ರಾತ್ರಿ ಆವರಿಸುತ್ತದೆ
ಮುಂಜಾವಿನ ತಂಗಾಳಿ ಹಸಿರು ಹುಲ್ಲಿನ ಮೇಲೆ
ಇಬ್ಬನಿಗಳು ಎಲ್ಲೋ ಮಾಯವಾದಂತೆ ಅನ್ನಿಸುತ್ತಿದೆ
ಯಾವುದೋ ಭರಾಟೆಯ ಸುದ್ದಿ
ಟಿ.ವಿ. ಚಾನೆಲ್‌ಗಳ ತುಂಬೆಲ್ಲಾ ಆರ್ಭಟಿಸುತ್ತಿದೆ
ವರ್ತಮಾನ ಪತ್ರಿಕೆಗಳ ಮುಖಪುಟಗಳೆಲ್ಲಾ
ಕೆಂಪು-ಕೆಂಪು, ಬಾರೀ ಬೇಸರ, ಹೆದರಿಕೆ
ನಾಚಿಕೆ ತರುವಂತಹ ವಾತಾವರಣ
ಯಾರಿಗೂ ಯಾರ ಮೇಲೂ ಭಯ-ಭೀತಿ
ದಯ-ಧರ್ಮ, ಪ್ರೀತಿ-ಆದರ-ಗೌರವಗಳಿಲ್ಲ.
ಎಲ್ಲೆಲ್ಲೂ ಸ್ವೇಚ್ಛಾಚಾರ! ಹಣ-ತೋಳ್ಬಲದ ಉಬ್ಬರ
ಅಹಂಕಾರ-ಅಟ್ಟಹಾಸ, ಪರಸ್ಪರ ಕಾಲೆಳೆಯುವ ಪೈಪೋಟಿ
ಮುಗಿಲೆತ್ತರಕ್ಕೆ ಬೆಳೆದು ನಿಂತ ಕಾಂಕ್ರಿಟ್ ಕಾಡು
ಶುದ್ಧಗಾಳಿ-ನೀರಿಗಾಗಿ, ಪ್ರೀತಿ-ವಾತ್ಸಲ್ಯಕ್ಕಾಗಿ ತಡಕಾಟ
ಕಾರು-ಮೋಟಾರು, ಮೆಟ್ರೋ ರೈಲುಗಳಲ್ಲಿ
ತುಂಬಿತುಳುಕುತ್ತಿರುವ ಜನಸಂದಣಿ
ಯಾರು ಯಾರಿಗೂ ಪರಿಚಿತರಿಲ್ಲ
ಓಡಾಟ-ಹೊಡೆದಾಟ, ಅರೆಚಾಟ-ಬೊಬ್ಬೆ
ಟ್ವಿಟರ್, ವಾಟ್ಸ್‌ಆಪ್, ಫೇಸ್‌ಬುಕ್,
ಮೊಬೈಲ್ ಮೆಸೇಜುಗಳಲ್ಲಿ ಕಳೆದು ಹೋಗುತ್ತಿದ್ದೇವೆ
ಹೆಚ್ಚಿನ ಬರಹಗಳಿಗಾಗಿ
ನಂಬಿಕೆಯ ವರ್ಷಧಾರೆ
ನಮ್ಮಲ್ಲೇ ಇಹುದೇ ನಮ್ಮ ಸುಖ!
ಹುಚ್ಚು ಅಚ್ಚುಮೆಚ್ಚಾದಾಗ