ವೃತ್ತಿಯಲ್ಲಿ ವೈದ್ಯರಾಗಿ, ಕಾವ್ಯ,ಸಾಹಿತ್ಯಗಳಲ್ಲಿಅಪಾರ ಆಸಕ್ತಿ ಹೊಂದಿರುವ ಗೋವಿಂದ ಹೆಗಡೆ, ಕಥೆ, ಕವಿತೆ, ಅಂಕಣ ಬರಹ, ಲೇಖನ,ಅನುವಾದ ಇತ್ಯಾದಿ ಪ್ರಕಾರಗಳಲ್ಲಿ ವ್ಯವಸಾಯ ಮಾಡಿದ್ದಾರೆ. ಮೈಸೂರು ದಸರಾ ಕವಿಗೋಷ್ಠಿ, ಧಾರವಾಡ ಸಾಹಿತ್ಯ ಉತ್ಸವಗಳಲ್ಲಿತಮ್ಮ ಕವಿತೆಗಳನ್ನುಪ್ರಸ್ತುತಪಡಿಸಿದ್ದಾರೆ. ಪ್ರಾಚಾರ್ಯ ಎಚ್ಚೆಸ್ಕೆಜನ್ಮಶತಮಾನೋತ್ಸವ*'ಎಚ್ಚೆಸ್ಕೆ ಬೆಳಕು'* ಕಾರ್ಯಕ್ರಮದಲ್ಲಿ *ಕವಿಗೋಷ್ಠಿಯ ಅಧ್ಯಕ್ಷತೆ* ವಹಿಸಿದ ಗೌರವ ಇವರದು. ಕನ್ನಡ ಪುಸ್ತಕ ಪ್ರಾಧಿಕಾರದ ಯುವ ಬರಹಗಾರ ಪ್ರಶಸ್ತಿ ಪುರಸ್ಕೃತರು. 'ಕನಸು ಕೋಳಿಯ ಕತ್ತು' ಮತ್ತು 'ಪೇಟೆ ಬೀದಿಯ ತೇರು' ಎಂಬ ಎರಡು ಕವನ ಸಂಕಲನಗಳನ್ನು ಪ್ರಕಟಿಸಿದ್ದಾರೆ. ಇವರ ಬರಹಗಳು ಅನೇಕ ಪತ್ರಿಕೆಗಳಲ್ಲಿ ಹಾಗೂ ಆಕಾಶವಾಣಿ ಕೇಂದ್ರಗಳಿಂದ ಪ್ರಕಟ ಹಾಗೂ ಪ್ರಸಾರವಾಗಿವೆ.
ಇತ್ತೀಚಿನ ಬರಹಗಳು: ಡಾ. ಗೋವಿಂದ್ ಹೆಗಡೆ (ಎಲ್ಲವನ್ನು ಓದಿ)
- ಗಜಲ್ - ಫೆಬ್ರುವರಿ 27, 2024
- ಗಜಲ್ - ಜನವರಿ 19, 2023
- ಬನ್ನಿ,ಮತ್ತೆ ಬನ್ನಿ-ರೂಮಿ ಕವಿತೆಗಳು - ಸೆಪ್ಟೆಂಬರ್ 17, 2022
ಆಗಬಹುದಿತ್ತು ನಾನು ಒಬ್ಬ
ದನಗಾಹಿ
ದನ ಮೇಯಿಸುತ್ತ ಮೈ ತೊಳೆಯುತ್ತ
ಅವುಗಳ ಮೈಯ ಉಣ್ಣೆ ಹೆಕ್ಕಿ
ಸಾಯಿಸುತ್ತ
ಗಂಗೆದೊಗಲು ನೀವುತ್ತ
ಅವು ಕೋಡು ಬೀಸುವಾಗ
ಕೊಂಚ ಹುಷಾರಾಗಿರಬೇಕು
ಕಣ್ಣಿಗೆ ಬಡಿಯದಂತೆ
ಆಗೀಗ ಬಿದಿರು ಕತ್ತರಿಸಿ
ತೂತು ಕೊರೆದು ಊದಲು
ಪುರುಸೊತ್ತಾಗಿ
ಹಸಿರಿನ ಹುಲ್ಲು ಬೇಣದಲ್ಲಿ
ನೀಲಿ ಆಕಾಶದಲ್ಲಿ
ಮೈಚೆಲ್ಲಿ ಧೇನಿಸುತ್ತ
ಒಂದೇ ಒಂದು ಹುಲ್ಲು ಎಸಳಲ್ಲಿ
ಬ್ರಹ್ಮಾಂಡ ಕಾಣುತ್ತ
ಇಲ್ಲವೇ ರಾಶಿರಾಶಿ ಕತ್ತರಿಸಿ
ದನದ ಮುಂದೆ ಒಟ್ಟುತ್ತ
ಎಲ್ಲವೂ ನಿಜ ಅಥವಾ
ಯಾವುದೂ ಅಲ್ಲ
ಎಲ್ಲದಕ್ಕೂ ಅರ್ಥ
ನೆನಪುಗಳಲ್ಲಿ ಮಾತ್ರ
ಆ ಹಕ್ಕಿಯ ಇಂಪಾದ ಕೂಗು
ಆ ಹೂವಿನ ಮೈಮರೆಸುವ ಗಂಧ
ಅವಳ ಕಮ್ಮನೆಯ ಮೈ ಬಿಸುಪು
ಕವಿತೆ ಬರೆಯುವುದು ಮತ್ತು
ಜೀವಿಸುವುದರ ನಡುವೆ
ಅಂಥ ಫರಕ್ಕೇನೂ ಇಲ್ಲ
ಕ್ರಿಯೆಯ ಹೊರತಾಗಿ.
ಟಿಪ್ಪಣಿ: ಈ ಕವಿತೆಗಾಗಿ ಉಪಯೋಗಿಸಿದ ಚಿತ್ರ ಜಾರ್ಜೆಸ್ ೧೮೮೧ ರ ಚಿತ್ರ..ಸೌಜನ್ಯ: Yale ವಿಶ್ವವಿದ್ಯಾಲಯ ಆರ್ಟ್ಸ್ ಗ್ಯಾಲರಿ
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ