ಅಯ್ಯೋ ರಾಮ..!!

• ಲೇಖಕರು
• ಇತ್ತೀಚಿನ ಬರಹಗಳು

ನಾಗರತ್ನ ಎಂ ಜಿ.

ಭಾರತೀಯ ಸ್ಟೇಟ್ ಬ್ಯಾಂಕ್ ನಲ್ಲಿ ವ್ಯವಸ್ಥಾಪಕಿಯಾಗಿ ಸ್ವಯಂ ನಿವೃತ್ತಿ ಪಡೆದ
ನಾಗರತ್ನ ಎಂ.ಜಿ. ಅವರು ಬರೆದ ಸಣ್ಣಕಥೆ,ಲೇಖನ ಬಹಳ ಹಿಂದೆ ತುಷಾರ, ವನಿತಾ, ಲಂಕೇಶ್ ಪತ್ರಿಕೆ ಗಳಲ್ಲಿ ಪ್ರಕಟವಾಗಿದ್ದವು.

ಇತ್ತೀಚಿನ ಬರಹಗಳು: ನಾಗರತ್ನ ಎಂ ಜಿ. (ಎಲ್ಲವನ್ನು ಓದಿ)

• ಅಯ್ಯೋ ರಾಮ..!! - ಮಾರ್ಚ್ 31, 2023
• ನೀನೇ ಅಪ್ಪ.. - ಜೂನ್ 19, 2022
• ಶಿಕ್ಷೆ - ನವೆಂಬರ್ 21, 2021

ನೋವಿಗಾದರೂ ಸಾವಿಗಾದರೂ
ಕಣ್ಣಲ್ಲಿ ಹನಿಯಾಗುವಾಗ
ಅಯ್ಯೋ ರಾಮ..

ಅಚ್ಚರಿ ಆನಂದದ
ಮಿಳಿತದಲ್ಲಿ ನಗುವಾಗುವಾಗ
ಅಯ್ಯೋ ರಾಮ..

ಸಿಟ್ಟಿಗೆ ಸಿಡುಕಿಗೆ
ಗುಡುಗುವಾಗ
ಅಯ್ಯೋ ರಾಮ..

ಪೇಚಾಟಕ್ಕೂ ಪೀಕಲಾಟಕ್ಕೂ
ಅಯ್ಯೋ ರಾಮ…

ಮಾತಿಗೊಮ್ಮೆ ನೆನೆದರೂ
“ಅಯ್ಯೋ” ಎನ್ನುತ್ತಲೇ
ಕರೆವರಲ್ಲ ನಿನ್ನ ರಾಮ…

ನಿನ್ನ ಕಷ್ಟ ಕೋಟಲೆ
ಕಂಡು “ಅಯ್ಯೋ”!!
ಎನುವರೇ ರಾಮ…??

ನೆನೆವುದೆಂದಿಗೆ ನಿನ್ನನ್ನು
ಆರಾಮವಾಗಿ ರಾಮ…???

ಕಾಯಲಾರೆಯ ಜಗವ
“ಅಯ್ಯೋ ” ಎನಿಸದೆ ರಾಮ…??