ಚಿಕ್ಕಮಗಳೂರು ಜಿಲ್ಲೆಯ ತರೀಕೆರೆಯವರಾದ ಮಧುಸೂದನ ಅವರು ಕಾವ್ಯ,ಕತೆ,ಬರಹಗಳಲ್ಲಿ ಕೃಷಿ ಮಾಡಿದವರು. ಸಾಹಿತ್ಯ ಪತ್ರಿಕೆಯ ಸಂಪಾದಕರೂ ಆಗಿರುವ ಇವರಅಸಹಾಯಕ ಆತ್ಮಗಳು’ ಕಥಾ ಸಂಕಲನ ಹಾಗೂ, ’ದುರಿತ ಕಾಲದ ದನ” ಎಂಬ ಕವನ ಸಂಕಲನ ಬಿಡುಗಡೆಯಾಗಿವೆ.
ಇತ್ತೀಚಿನ ಬರಹಗಳು: ಕು.ಸ.ಮಧುಸೂದನ ರಂಗೇನಹಳ್ಳಿ (ಎಲ್ಲವನ್ನು ಓದಿ)
- ಕವಿತೆ ಹುಟ್ಟುವುದಕ್ಕೆ ಹೊತ್ತು ಗೊತ್ತಿಲ್ಲ - ಆಗಸ್ಟ್ 6, 2023
- ಇದೇನು ನಾಟಕವಲ್ಲ - ಜನವರಿ 30, 2022
- ಕು.ಸ.ಮಧುಸೂದನರ ಎರಡು ಕವಿತೆಗಳು - ಡಿಸಂಬರ್ 21, 2021
ಜೊತೆಗಿದ್ದವರೆಲ್ಲ ಎದ್ದು ಹೋದರೂ
ಒಂಟಿ ಕಾಲಲ್ಲೇ ನಿಂತು
ಮಾತಾಡುತ್ತಲೇ ಇದ್ದಾಳೆ…
ಅವನು ಪರಿಚಯಿಸಿದ ನಕ್ಷತ್ರಗಳ ಜೊತೆಗೆ…
ಮುಗಿದ ಇರುಳಿಗೆ ತೆರೆದು ಬಾಗಿಲು
ಬಂದ ಹಗಲಿನಲ್ಲೂ
ಮಾತಾಡುತ್ತಲೇ ಇದ್ದಾಳೆ..
ಅವನು ಬಿಟ್ಟು ಹೋದ ಏಕಾಂತದ ಜೊತೆಗೆ…
ಅಸ್ಥವ್ಯಸ್ಥವಾದ ಹಾಸಿಗೆ ದಿಂಬುಗಳ
ಹೊದಿಕೆಗಳ ಬದಲಿಸುತ್ತ
ಮಾತಾಡುತ್ತಿದ್ದಾಳೆ…
ಉಟ್ಟ ಬಟ್ಟೆಗಳು ಮುಚ್ಚಿಟ್ಟ ಗುಟ್ಟುಗಳ
ರಟ್ಟಾಗಿಸಿದಾ ನಸುಗತ್ತಲಲಿ ಮೀಯುತ್ತಿರುವ ಕೊಣೆಯ ಜೊತೆಗೆ..
ಕೊನೆಯಿರದ ಕಡಲತಡಿಯ ಕತ್ತಲಲಿ
ಕಡುಗಪ್ಪಾದ ನೀಲಿಯ ನೆನಸಿಕೊಂಡು
ಮಾತಾಡುತ್ತಲೇ ಇದ್ದಾಳೆ….
ತೆರೆಗಳ ಜೊತೆ..
ಉಣ್ಣುವಾಗ ನೆತ್ತಿಗೇರಿ ಬಿಕ್ಕಳಿಸಿದವನ
ತಲೆ ತಟ್ಟಿ ನೀರು ಕುಡಿಸಿ
ಬೀಳ್ಕೊಟ್ಟವಳಿನ್ನೂ ಮಾತಾಡುತ್ತಲೇ ಇದ್ದಾಳೆ..
ಎದ್ದು ಹೋದವನುಳಿಸಿ ಹೋದ ಹೆಜ್ಜೆ
ಗುರುತಿನ ಹಾದಿಯ ಜೊತೆಗೆ..
ಟಿಪ್ಪಣಿ- ಈ ಮೇಲೆ ಬಳಸಿದ ಚಿತ್ರವು 1881 ರಲ್ಲಿ ಎಡ್ಗರ್ ಡಗಾಸ್ ರಚಿಸಿದ ಚಿತ್ರ. ಪಬ್ಲಿಕ್ ಡೊಮೇನ್ ಫ್ರೀ usage by ಶಿಕಾಗೋ ಆರ್ಟ್ ಇನ್ಸ್ಟಿಟ್ಯೂಟ್
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ