ದೇವರಾಜ್ ನಾಯಕ ಮೂಲತಃ ಕರಾವಳಿಯ ಅಂಕೊಲಾ ತಾಲೂಕಿನಲ್ಲಿ ಹುಟ್ಟಿ ಬೆಳೆದದ್ದು. ಬಿ.ಟೆಕ್ ಪದವೀಧರರಾಗಿದ್ದು ಪ್ರಸ್ತುತ ಸಾಫ್ಟ್ವೇರ್ ಎಂಜಿನಿಯರ್ ಆಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಕನ್ನಡ ಪ್ರೇಮ ಮತ್ತು ಬರವಣಿಗೆಯ ಒಲವು ಹೊಂದಿದ್ದು ಅನೇಕ ಕವನಗಳನ್ನು ಬರೆದಿದ್ದಾರೆ ಹಾಗೂ ಕೆಲವು ಕವನಗಳು ಪತ್ರಿಕೆ ಮತ್ತು ಅಂತರ್ಜಾಲ ತಾಣದಲ್ಲಿ ಪ್ರಕಟಗೊಂಡಿವೆ. ಬುಕ್ ಬ್ರಹ್ಮ ನಡೆಸುವ ಅಗಸ್ಟ್(೨೦೨೦) ತಿಂಗಳ ' ಜನ ಮೆಚ್ಚಿದ ಕವಿತೆ' ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ.
ಇತ್ತೀಚಿನ ಬರಹಗಳು: ದೇವರಾಜ್ ನಾಯಕ (ಎಲ್ಲವನ್ನು ಓದಿ)
- ಅನವ್ಸಮೆಂಟು - ಮೇ 11, 2021
- ಕಾಣಸಿಗುವುದೆಂದು? - ಡಿಸಂಬರ್ 31, 2020
ವ್ಯವಧಾನವಿಲ್ಲದ ಬದುಕಿಗೊಂದು
ಪೂರ್ಣವಿರಾಮ,
ಇನ್ನೆಷ್ಟು ದಿನ?
ಅಲೆಗಾಗಿ ಕಾದು ಬೇಸತ್ತ ಬರಹ
ಮಲಗಿದೆ ಮರಳಮೇಲೆ.
ಕಾಣಸಿಗುವುದೆಂದು?
ನೂಕುನುಗ್ಗಲ ಪಯಣದಲ್ಲಿ
ನಾಸಿಕ ಕುಹರದೊಳ್ ಗಬ್ಬೆಬ್ಬಿಸಿದ
ಬೆವರ ಆಘ್ರಾಣ,ಮಾಸಿ,
ನಿಲ್ದಾಣ ಕಂಡರಳುವ ಕಂಗಳು!
ಕೂಸ ಕೈಹಿಡಿದು ಸ್ಕೂಲ್ನ
ಗೇಟ್ ನ ಮರೆಯಲ್ಲಿ ನಿಂತು
ದೇಶಗೆದ್ದ ಸಾಮ್ರಟನಂತೆ
ಮಂದಹಾಸದ ಮೊಗಗಳು
ಬೀಸುವ ಕೈಗಳನ್ನು!
ಬೇಸತ್ತ ಆಫೀಸ್ನ ಗೋಡೆಗಳು,
ಪಾಚಿಕಟ್ಟ ಊರ ಅರಳಿಕಟ್ಟೆ
ಕೇಳುವುದೆಂದು ಅವರಿವರ
ವದಂತಿಯ ಮಹಾಪೂರವನ್ನು!
ಒಡಲ ಖಾಲಿಮಾಡಿ ಕೂತ,
ತನ್ನೊಡಲ ತುಂಬಿ
ತಂಗಳ ಟಿಫನ್ ಬಟ್ಟಲು..
ಹಸಿವ ನೀಗಿಸಲು ಸಜ್ಜಾಗುವುದನ್ನು!
ಬಸ್ ನಿಲ್ದಾಣದ ಸುತ್ತ
ಚಿಟ್ಟೆಗಳ ಕಾಣ ಬರುವ ,
ಲೋನ್ ನಲ್ಲಿ ಕೊಂಡ ಬುಲೆಟ್ಗಳು
ಗುಡುಗುವುದನ್ನ , ಮನದಲ್ಲಿ
ಮಂಡಿಗೆ ತಿಂದಂತೆ ನಾಚಿ ನೀರಾಗೋ ಚಿಟ್ಟೆಗಳನ್ನು !
ಆದರೂ,
ಭಾವಗಳ ಪೂರ್ಣತೆಯಲ್ಲಿ
ನಗುಮೊಗದಿ ಕೆಸರಲ್ಲೂ ,
ಸ್ವಾಭಿಮಾನದ ಬದುಕ ಪಯಣಿಗನಂತೆ
ಗುಡಿ ಸೇರ್ವ ತಾವರೆಯಂತೆ
ಕಹಿ ಬರಹ ಅಳಿಸುವ ಅಲೆಯ
ನಿರೀಕ್ಷೆಯ ಹಪಹಪಿಸುತಿಹುದು ಜಗ.
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ