ಶಿವಮೊಗ್ಗ ಜಿಲ್ಲೆ, ತೀರ್ಥಹಳ್ಳಿ ತಾಲೂಕಿನ ಅರಳಸುರಳಿ ಗ್ರಾಮ ಇವರ ಹುಟ್ಟೂರು. ಕುವೆಂಪು ವಿಶ್ವವಿದ್ಯಾಲಯದಲ್ಲಿ ಕಾಮರ್ಸ್ ವಿಭಾಗದಲ್ಲಿ ಪದವಿ ಪಡೆದಿದ್ದು ಪ್ರಸ್ತುತ ಹುಟ್ಟೂರಿನಲ್ಲಿ ಕೃಷಿಯಲ್ಲಿ ತೊಡಗಿಕೊಂಡಿದ್ದಾರೆ. ಹವ್ಯಾಸೀ ಬರಹಗಾರರಾಗಿದ್ದು ಕವನ, ಲಲಿತ ಪ್ರಬಂಧ ಹಾಗೂ ಸಣ್ಣಕಥೆಗಳು ಇವರ ಬರಹದ ಮುಖ್ಯ ಪ್ರಕಾರಗಳು. ಇವರ ಬರಹಗಳು ರಾಜ್ಯದ ಹಲವು ಪತ್ರಿಕೆಗಳಲ್ಲಿ ಪ್ರಕಟವಾಗಿವೆ.
ಇತ್ತೀಚಿನ ಬರಹಗಳು: ವಿನಾಯಕ ಅರಳಸುರಳಿ (ಎಲ್ಲವನ್ನು ಓದಿ)
- ದೀಪಾವಳಿ - ಜೂನ್ 16, 2021
- ತೆರೆಯಲು ಮರೆತ ಪುಟಗಳ ನಡುವೆ.. - ಮೇ 1, 2021
- ಅಮ್ಮನಿಗೊಂದು ಸ್ಮಾರ್ಟ್ ಫೋನ್ - ಫೆಬ್ರುವರಿ 20, 2021
ದೀಪಾವಳೀ.. ದೀಪಾವಳೀ..
ಹಳೆಮನೆಯ ಹಾಳಿರುಳ ದೀಪಾವಳಿ,
ಮಗ ಬರದ, ಸೊಸೆಯಿರದ ದೀಪಾವಳಿ,
ಮುದಿಜೀವದೆದೆಕುದಿಯ ದೀಪಾವಳಿ.
ಹಿಂದೆ ಆ ಗುಡಿಸಲಲಿ ಬಂಧುಗಳ ಬರುವಿನಲಿ
ಎಲ್ಲರೊಳಗೊಂದಾದ ದೀಪಾವಳಿ;
ಇಂದು ಐಶ್ವರ್ಯದಲಿ, ವೈಭವದ ಮಹಲಿನಲಿ
ನಾನಷ್ಟೇ, ನನಗಷ್ಟೇ ದೀಪಾವಳಿ.
ಸಿರಿವಂತ ಸುಟ್ಟಂಥ ಮದ್ದುಗಳ ಬಡಪೋರ
ಮತ್ತೆ ಸಿಡಿಸಿರೆ ಅಂದು ದೀಪಾವಳಿ;
ಇಂದ್ಯಾರೂ ಇಲ್ಲದ ಊರಿನಂಗಳದಲ್ಲಿ
ಮಿಣುಕು ಹುಳುಗಳ ಬೆಳಕೆ ದೀಪಾವಳಿ.
ಒಂದೇ ತೊಟ್ಟಿಲಿನಿಂದ ಎದ್ದು ದೂರಕೆ ನಡೆದ
ಎಲ್ಲರಲು ಅವರವರ ದೀಪಾವಳಿ;
ಮನೆ, ಮಹಲು, ಗುಡಿಸಲು ಎಲ್ಲೆಡೆಗೂ ಬಂದಾಯ್ತು
ಮನಕಷ್ಟೇ ಬಾಕಿಯಿದೆ ದೀಪಾವಳಿ.
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ