ಇವರು ಉಜಿರೆಯ ಎಸ್ ಡಿ ಎಂ ಕಾಲೇಜಿನಲ್ಲಿ ಪದವಿ ಶಿಕ್ಷಣವನ್ನು ಪಡೆದು, ಸರಕಾರಿ ಶಾಲೆಯೊಂದರಲ್ಲಿ ಈಗ ಗಣಿತ ಶಿಕ್ಷಕಿಯಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ೯೦ರ ದಶಕದಿಂದಲೂ ಬರೆಯುತ್ತಿರುವ ಇವರ ಬರಹಗಳು ಉದಯವಾಣಿ, ತುಷಾರ ಇತ್ಯಾದಿ ಪತ್ರಿಕೆಗಳಲ್ಲಿ ಪ್ರಕಟವಾಗಿವೆ.
ಇತ್ತೀಚಿನ ಬರಹಗಳು: ಯಮುನಾ ಜಿ (ಎಲ್ಲವನ್ನು ಓದಿ)
ಹಚ್ಚಿರಿ ಹಣತೆಯನು
ಮಮತೆಯ ಕಿಚ್ಚಿನಲಿ,
ನುಚ್ಚುನೂರಾಗಿಹ
ಮನದ ಸೂರೊಳು
ತುಂಬಿರುವ ತಮವ
ಹೊಡೆದೋಡಿಸಲು..
ಬಿತ್ತಿರಿ ಬಾಂಧವ್ಯವನು
ಬತ್ತಿದೆದೆಯಲಿ ಪ್ರೀತಿ
ಭಾವೈಕ್ಯತೆಯ ಸಾರಿ
ಚೈತನ್ಯ ತುಂಬಿರಿ
ಜಾತಿ,ಮತ,ಪಂಥಗಳ
ಅಂಧಕಾರವ ಅಡಗಿಸಿ…
ಮರೆಯಿರಿ ಪಟಾಕಿ ಗದ್ದಲವ
ಅಳಿದವರ ನೆನಪೊಂದೇ ಸಾಕು!
ಆಕಾಶ ಬುಟ್ಟಿಯ ತುಂಬಾ
ಬಣ್ಣಬಣ್ಣದ ಕನಸ ತುಂಬಿ
ಬಡವರೊಡಲಿನ ಸೊಡರು
ಚೆಲ್ಲಲಿ ಎಲ್ಲೆಡೆ ಬೆಳಕಿನೋಕುಳಿಯ…
ಒಲುಮೆಯ ಪ್ರಭೆಯಲ್ಲಿ
ಮೇಳೈಸಿ ಬೆಳಗಲು
ಅನುದಿನವು ದೀವಳಿಗೆ
ದೀನ ದುರ್ಬಲರಿಗೆ!
ಪ್ರಜ್ವಲಿಸಿ ದೀವಿಗೆಯ ಜ್ವಾಲೆಯಲಿ
ಸಾಗಲಿ ನವ ಮನ್ವಂತರದೆಡೆಗೆ…!!
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ