ಚಿಕ್ಕಮಗಳೂರು ಜಿಲ್ಲೆಯ ತರೀಕೆರೆಯವರಾದ ಮಧುಸೂದನ ಅವರು ಕಾವ್ಯ,ಕತೆ,ಬರಹಗಳಲ್ಲಿ ಕೃಷಿ ಮಾಡಿದವರು. ಸಾಹಿತ್ಯ ಪತ್ರಿಕೆಯ ಸಂಪಾದಕರೂ ಆಗಿರುವ ಇವರಅಸಹಾಯಕ ಆತ್ಮಗಳು’ ಕಥಾ ಸಂಕಲನ ಹಾಗೂ, ’ದುರಿತ ಕಾಲದ ದನ” ಎಂಬ ಕವನ ಸಂಕಲನ ಬಿಡುಗಡೆಯಾಗಿವೆ.
ಇತ್ತೀಚಿನ ಬರಹಗಳು: ಕು.ಸ.ಮಧುಸೂದನ ರಂಗೇನಹಳ್ಳಿ (ಎಲ್ಲವನ್ನು ಓದಿ)
- ಕವಿತೆ ಹುಟ್ಟುವುದಕ್ಕೆ ಹೊತ್ತು ಗೊತ್ತಿಲ್ಲ - ಆಗಸ್ಟ್ 6, 2023
- ಇದೇನು ನಾಟಕವಲ್ಲ - ಜನವರಿ 30, 2022
- ಕು.ಸ.ಮಧುಸೂದನರ ಎರಡು ಕವಿತೆಗಳು - ಡಿಸಂಬರ್ 21, 2021
ಹೊತ್ತು ಕಂತಿದ ಮೇಲೆ
ದಿಕ್ಕುಗಳ ಗುರುತಿಸಲಾಗುವುದಿಲ್ಲ.
ಪುರಾಣ
ಇತಿಹಾಸಗಳ ಕಲಸು ಮೇಲೊಗರದಲಿ
ವರ್ತಮಾನಕೊಂದು ಸ್ಪಷ್ಟತೆಯಿರುವುದಿಲ್ಲ.
ಎಡಬಲಗಳ
ಆಡಂಬೋಲದಲ್ಲಿ
ನಡುವಿನವನ ಮಾತುಗಳಿಗೆ
ಕವಡೆ ಕಿಮ್ಮತ್ತಿರುವುದಿಲ್ಲ.
ಪಂಥೀಯರುಗಳ
ಪಂಥಾಹ್ವಾನದ ಸಂತೆಯೊಳಗೆ
ದಿಕ್ಕಟ್ಟು ನಿಂತ ಅನಾಥ ಮಗು
ಹಾಲು ಕುಡಿಸುವವರಿಲ್ಲ.
ನಿನ್ನೆಯವರೆಗು
ನಿಜವೆಂದುಕೊಂಡಿದ್ದ ನಂಬಿಕೆಗಳೀಗ
ಮಿಥ್ಯವೆನಿಸುತಿವೆ.
ನಾಳೆಗಾಗಿಯೆಂದು
ಹರಿವಾಣದಲ್ಲಿಟ್ಟು ಬಡಿಸಿದ
ಹೊಸ ಸಿದ್ದಾಂತಗಳು
ಭರವಸೆ ಮೂಡಿಸುತಿಲ್ಲ.
ಕಂಗಾಲಾಗಿ ನಿಂತವನಿಗೀಗ
ನೆರಳೂ
ನಿಜ ನುಡಿಯುತಿಲ್ಲ.
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ನಂಬಿಕೆಯ ವರ್ಷಧಾರೆ