ಮೂಲತಃ ಉತ್ತರಕನ್ನಡದ ಸಿದ್ಧಾಪುರದವರಾದ ನೂತನ ಎಂ. ದೋಶೆಟ್ಟಿ ಅವರು ಆಕಾಶವಾಣಿಯಲ್ಲಿ ಕಾರ್ಯಕ್ರಮ ನಿರ್ವಾಹಕರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಇವರ ಏಳಕ್ಕೂ ಹೆಚ್ಚು ಕೃತಿ,ಕಾವ್ಯಗಳ ಸಂಕಲನಗಳು ಲೋಕಾರ್ಪಣೆಗೊಂಡಿದ್ದು, ಇವರ ಅನೇಕ ಬರಹಗಳು ನಾಡಿನ ಹಾಗೂ ಆಂಗ್ಲದ ಹೆಸರಾಂತ ಪತ್ರಿಕೆಗಳಲ್ಲಿ ಪ್ರಕಟಗೊಂಡಿವೆ.
ಇತ್ತೀಚಿನ ಬರಹಗಳು: ನೂತನ ದೋಶೆಟ್ಟಿ (ಎಲ್ಲವನ್ನು ಓದಿ)
- ವಿಂಗಡಿಸಿ ನೋಡು - ಅಕ್ಟೋಬರ್ 23, 2022
- ಆ ರಾತ್ರಿ - ಸೆಪ್ಟೆಂಬರ್ 15, 2021
- ಪ್ರಮಾಣ - ಸೆಪ್ಟೆಂಬರ್ 5, 2021
ಆ ರಾತ್ರಿ
ಗಟ್ಟಿ ಗುಂಡಿಗೆಯೂ ನಡುಗುವಂತೆ
ಗುಡುಗುಡಿಸಿತು ಗುಡುಗು
ಛಡ್ ಛಡಲ್ ಸಿಡಿಲು ಬಡಿದು
ದೀಪವಾರಿ ಕೋಣೆಯೆಲ್ಲ ಕಾವಳ
ನಿದ್ದೆಗೆ ಕತ್ತಲು ಪ್ರಿಯವಾದರೂ
ಭಯಕ್ಕೆ ಬೆಳಕ ಅಭಯ ಬೇಕು
ಮಸುಕು ಆಕಾರಗಳು ಹೆಣೆಯುವ ಸಂಚಿಗೆ
ಸಣ್ಣ ಕುಡಿಯಂಥ ಭರವಸೆಯ
ಲಾಲಿ ಹಾಡು ತೂಗಬೇಕು
ಹಚ್ಚಿಟ್ಟ ಮೇಣದಬತ್ತಿ ಗರಿಗೆದರಿ
ಕೋಣೆ ತುಂಬ ಕಣ್ಣ ಚಿತ್ರಿಸಿ
ನೀಡಿದ ನೋಟಗಳು
ಗಂಟ ಬಿಡಿಸಿ ನಂಟಾಗಿಸುವ ಸೋಜಿಗ!
ಬೆಳಕು ಹರಿದ ನೆಲದ ಮೇಲೆ
ಕರಗಿ ಕಲ್ಲಾದ ಮೇಣ
ಚಿತ್ತಾರ ಹರಡಿ
ಇರುವಿಕೆಯ ಸಾಕ್ಷಿ ಕೇಳಿತ್ತು
ಕತ್ತಲಿಗೆ ಬೆಳಕ ತುಂಬಲು
ಜೀವ ತೇದು
ತಾನು ಅಳಿದರೂ
ಉಳಿಸುವ ನಿರಾಳತೆಗಿಂತ
ಬೇರೆ ಪ್ರಮಾಣ ಬೇಕೆ?
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ