ಅಬ್ಳಿ ಹೆಗಡೆ ಲೇಖನಾಮದ ಸುಬ್ರಹ್ಮಣ್ಯ ಹೆಗಡೆ,ಉತ್ತರಕನ್ನಡ ಜಿಲ್ಲೆಯಹೊನ್ನಾವರದವರು. ವೃತ್ತಿಯಲ್ಲಿ ಅಡಿಕೆ ಕೃಷಿ, ಪ್ರವೃತ್ತಿಯಲ್ಲಿ ಸಾಹಿತ್ಯದ ಓದು,ಬರಹ.. ಇವರ ಎರಡು ಕಿರು ಕಾದಂಬರಿಗಳು ಪ್ರಕಟಣೆಯ ಹಂತದಲ್ಲಿವೆ. ಕವಿತೆ ಇವರ ಅಚ್ಚುಮೆಚ್ಚಿನ ಸಾಹಿತ್ಯ ಪ್ರಕಾರ. ಅನೇಕ ಕವನಗಳು ಅಂತರ್ಜಾಲ ಪತ್ರಿಕೆಗಳಲ್ಲಿ ಪ್ರಕಟವಾಗಿವೆ.
ಇತ್ತೀಚಿನ ಬರಹಗಳು: ಅಬ್ಳಿ ಹೆಗಡೆ (ಎಲ್ಲವನ್ನು ಓದಿ)
- ನನ್ನ ಈ…ಮನೆ - ಜುಲೈ 25, 2022
- ಬದುಕ ಮಧ್ಯ - ಆಗಸ್ಟ್ 22, 2021
- ಒಂದು ಸ್ವಗತ - ಜೂನ್ 30, 2021
ಕಾಲ ಕಳೆದಂತೆಲ್ಲ…
ಹಾವು ಹಗ್ಗವಾಗುವದು.
ಹಾಲಾಹಲ ಹಾಲಾಗುವದು.
ವ್ಯರ್ಥ ಹಾಡುಗಳೆಲ್ಲ
ಅರ್ಥ ಪಡೆಯುವದು
ಕಲ್ಲು ಕಲೆಯಾಗುವದು
ಜೊಳ್ಳು ಕಾಳಾಗುವದು
ರುದ್ರ ಭೀಕರ ಸೃಷ್ಟಿ
ಮೋಹಗೊಳಿಸುವದು…
ಸಟೆಯು ದಿಟವಾಗುವದು
“ಮಾಟ” ಮಠವಾಗುವದು
ಕಾಳ ರಾತ್ರಿಯು ಕಳೆದು
ಹಗಲು ಮೂಡುವದು..
ಸಾವು ,ಹುಟ್ಟಾಗುವದು
ನೋವು, ನಲಿವಾಗುವದು
“ಕತ್ತೆ” ಅರಚಿದರೂನು
ಗಾನವಾಗುವದು…
“ಹಾದರ”ದ ಕತೆ ,ಕಾವ್ಯ,
ಕಾಮದಾಟವು, ಪ್ರೇಮ.
“ಜೊಲ್ಲು, ಪಂಚಾಮೃತವು
ಬದುಕಿನೊಳಗೆ…
ಸಾವು, ಹುಟ್ಪಿನ ಮಧ್ಯೆ
ಸತ್ತ ಬದುಕಿನ ಚಿತ್ರ
ಎಡೆಬಿಡದೆ ಸುತ್ತುತಿದೆ
ಮೇಲೆ ಕೆಳಗೆ…..!
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ