ಮಲೆನಾಡಿನ ಹುಡುಗಿ! ಉತ್ತರಕನ್ನಡದ ಸಿದ್ದಾಪುರ ತಾಲೂಕಿನ ಅಂಚಿನ ಊರೊಂದರ ದಟ್ಟಕಾನನದ ಮಧ್ಯ ಪುಟ್ಟಮನೆಯೊಂದರಲ್ಲಿ ಹುಟ್ಟಿ, ಕಡಲ ತೀರದ ಕಾಲೇಜಿನಲ್ಲಿ ಓದಿ ಬೆಳೆದವರು. ವೃತ್ತಿಯಲ್ಲಿ ಸಾಪ್ಟವೇರ್ ಇಂಜಿನೀಯರ್. ಗಾಳಿಬೀಸಿದಾಗೆಲ್ಲಾ ಕಾಗದದ ಮೇಲೆ ಲೇಖನಿ ಆಡಿಸುವುದು ಹವ್ಯಾಸ. ಸಮಯ ಸಿಕ್ಕಾಗ ತೋಚಿದ್ದು ಗೀಚಲು ಇಷ್ಟ. ಬೆಂಗಳೂರಿನ ಧಾವಂತಕ್ಕೂ ಊರಿನ ಆಹ್ಲಾದತೆಗೂ ಕೊಂಡಿಯಾಗಿ ಬೆಸೆದುಕೊಂಡವರು! ಭಾವನೆಗಳನ್ನ ಮಾತಿಗಿಂತ ಬರಹದಲ್ಲಿ ಚಂದವಾಗಿ ವ್ಯಕ್ತಪಡಿಸಿಬಹುದೆಂದು ನಂಬಿದವರು. ಇರುವುದರಲ್ಲೇ ಒಪ್ಪಓರಣವಾಗಿ ಜೀವನವನ್ನ ಅಪ್ಪಿಕೊಂಡವರು..
ಇತ್ತೀಚಿನ ಬರಹಗಳು: ಪೂರ್ಣಿಮಾ ಜೋಶಿ (ಎಲ್ಲವನ್ನು ಓದಿ)
- ಬಾ ವರ್ಷಧಾರೆ… - ಮೇ 28, 2022
ಹನಿ ಹನಿ ಚುಂಬಿಸು ವರ್ಷವೇ
ಇಳೆಯ ಕೋಪ ತಣಿಸೋವರೆಗೆ..
ಹಸಿರ ಸೀರೆ ತೊಡಿಸೋವರೆಗೆ
ಮರಳಿ ಮರಳಿ ಸುರಿ
ಮಳೆಯ ರಿಮಿಝಿಮಿ
ನಾದವೊಂದೆ ಕೇಳೋ ತೆರದಿ
ಅವನಿಯ ಹೃದಯ ತಂತಿ ಮೀಟಿ
ಒಡಲು ತುಂಬಿ ಹರಿಯೋವರೆಗೆ
ಝರಿಯು ಧುಮ್ಮಿಕ್ಕುವವರೆಗೆ
ಜಲಧಿ ಬಳಸಿ ಅಬ್ಬರಿಸುವವರೆಗೆ..
ಸುರಿ ಸುರಿ ನೀ, ಸುಂದರಿ ಧರೆ
ಮಂಜ ಮುಸುಕ ಹೊದೆವವರೆಗೆ
ಫಸಲು ತುಂಬಿ ತುಳುಕೋ ತನಕ
ಕೆಸರ ಗಂಧ ತೊಳೆವ ತನಕ
ಬಸಿರು ಭುವಿಯ ನಗಿಸೋವರೆಗೆ
ಮಿಂದ ಇಳೆಯ ಶೃಂಗರಿಸೋ ಬಗೆ!
ಮತ್ತೆ ಬಾ ಇಳೆಗೆ…
ನೀಡು ತುತ್ತ ಈ ಜೀವರಾಶಿಗೆ
ಸುರಿದು ಮಳೆಯಾಗಿ
ಜೀವ ಸುಧೆಯಾಗಿ
ಮನದ ಬೇಗೆಯ ತಣಿಸೆ..
ಸಮೃದ್ಧಿಯ ತುಂಬಿ ಸಂಭ್ರಮಿಸಿ
ನಳನಳಿಸಲು ಈ ಧರೆ…
ಬಾ ವರ್ಷಧಾರೆ..!!
ಹೆಚ್ಚಿನ ಬರಹಗಳಿಗಾಗಿ
ಗಣೇಶನ ಕೈಯಲ್ಲಿಯ ಲಾಡು
ಮಹಾಸಾಗರವಾದಳು
ಹರಿಹರಪುರ ಗ್ರಾಮವೂ, ಲೊವೆಂಥಾಲ್ ಎಂಬ ಪಾದ್ರಿಯೂ..