ಮೂಲತಃ ಉತ್ತರಕನ್ನಡದವರಾದ ಇವರು ಬೆಂಗಳೂರಿನಲ್ಲಿ ಕೂಡ ಶಿಕ್ಷಣ ಪಡೆದಿದ್ದಾರೆ. "ಕನ್ನಡ ಕಾವ್ಯದ ಪರಿಪ್ರೇಕ್ಷ್ಯದಲ್ಲಿ ಕಾವ್ಯ ಮತ್ತು ತಾತ್ತ್ವಿಕತೆಗಳ ಸಂಬಂಧ" ಕುರಿತು ಡಾ.ಕೆ.ವಿ.ನಾರಾಯಣರ ಮಾರ್ಗದರ್ಶನದಲ್ಲಿ ಸಿದ್ಧಪಡಿಸಿದ ಮಹಾಪ್ರಬಂಧಕ್ಕೆ ಹಂಪಿಯ ಕನ್ನಡ ವಿಶ್ವವಿದ್ಯಾಲಯದಿಂದ ಡಾಕ್ಟರೇಟ್ ದೊರಕಿದೆ.ಟಪಾಲುಬಸ್ಸು ಕೃತಿಗೆ (ಲಲಿತಪ್ರಬಂಧ) ಕರ್ನಾಟಕ ಸಾಹಿತ್ಯ ಅಕಾಡೆಮಿಯ ಪುಸ್ತಕ ಪುರಸ್ಕಾರ ಲಭಿಸಿದೆ. (೨೦೧೨).
- ಮರಿಹಕ್ಕಿ ಮರಳಿತು ಕಾಡಿಗೆ… - ಅಕ್ಟೋಬರ್ 29, 2024
- ಕೆಟ್ಟಿದ್ದು ಕಾಲವಲ್ಲ ಮತ್ತು ಒಡಲ ನುಡಿಗಳು - ಮಾರ್ಚ್ 25, 2023
- ಕಲಿಕೆಯ ಮಾಧ್ಯಮವಾಗಿ ಕನ್ನಡ - ನವೆಂಬರ್ 27, 2022
ಬುಧವಾರ ಕುಮಟೆಲಿ ಸಂತೆ -ತರ
ತರದ ತರಕಾರಿ ತರಬಹುದಂತೆ
ಕತಗಾಲ ಹೆಗಡೆ ಕೂಜಳ್ಳಿ-ಮತ್ತೆ
ಹತ್ತಿರದ ಎಷ್ಟೊಂದು ಊರುಗಳು ಹಳ್ಳಿI
ಬೆಳ ಬೆಳಗೇ ಹಳ್ಳಿಗರು ಬಂದು-ವಿಧ
ವಿಧದ ತರಕಾರಿಗಳ ಹೊತ್ತು ತಂದು
ಕೂಗಿ ಮಾರುವರಕ್ಕ ಬನ್ನಿ-ಒಳ್ಳೆ
ತರಕಾರಿಗಳ ಕೊಂಡು ತಿನ್ನಿ
ಹೀರೇಕಾಯ್ ಬದನೆಕಾಯ್ ಬೆಂಡೆ- ಮತ್ತೆ
‘ಬಸಳೆಯೂ’ ಗಿಡಬಸಳೆ ಕೆಂಪ್ ಹರಗೆ ತೊಂಡೆ
ಕೂಗಿ ಮಾರುವರಣ್ಣ ಬನ್ನಿ-ಒಳ್ಳೆ
ತರಕಾರಿಗಳ ಕೊಂಡು ತಿನ್ನಿ
ಬಯಲುಸೀಮೆಯ ಮಂದಿ ಬಂದು- ವಿಧ
ವಿಧದ ಸೊಪ್ಪು ಧಾನ್ಯಗಳ ತಂದು
ಕೂಗುವರು ಬಾರವ್ವ ಅಕ್ಕಾ-ಒಳ್ಳೆ
ಸೊಪ್ಪು ಕಾಳು ಬೇಳೆ – ಬೇರೆಲ್ಲೂ ಸಿಕ್ಕಾ
ಕೊಳ್ಳಿರಿ ಇನ್ನೀಟು ಅಕ್ಕಾ- ಎಲ್ಲಾ
ತಾಜಾ ಅದಾವು ಗ್ಯಾರಂಟಿ ಪಕ್ಕಾ
ಗುಲಾಬಿ ಗೊಂಡೆ ಸೇವಂತಿ- ನೋಡಿ
ಮೂಸಿದರೆ ಈಗಲೇ ಕೊಳ್ಳಬೇಕಂತಿ
ಸಂತೇಲಿ ಜನರು ಭರಪೂರಾ- ಅಬ್ಬಾ
ಕೊಳ್ಳುವರು ಹಣ್ಣು ತರಕಾರಿಗಳ ಪೂರಾ
ಕಾಲೇಜು ಬ್ಯಾಂಕು ಎಲ್ಲೈಸಿ-ಮತ್ತೆ
ಬಿಯೆಸ್ಸೆನ್ನೆಲ್ಲು – ಕೆಲಸ ಪೂರೈಸಿ
ಕೊಳ್ಳುವರು ಸೊಪ್ಪು ಕಾಳುಗಳ- ಓಹೋ
ಜನರಿಂದು ಬಂದಿಹರು ಬಹಳ
ಸಂತೆ ಮಾಡುವರೆಲ್ಲ ಭಾರಿ – ಮತ್ತೆ
ಹೇಳುವರು ಯಾಕೋ ರೇಟೇ ದುಬಾರಿ
ಭಾರೀ ಮಜ ಬಂದಿದೆ ಸಂತೆಗೆ- ಹೋಯ್
ಮಳೆ ಬರುವ ಹಾಂಗೀದು ಈ ಸಂಜೆ ಸಂತಿಗೆ
ಆದರೂ ವ್ಯಾಪಾರ ಜೋರು- ತಾಜಾ
ತರಕಾರಿ ಯಾರು ಬೇಡ ಅಂದಾರು?
ಎಲ್ಲಾ ಸಾಮಾನೂ ಖಾಲಿ-ಆಹಾ
ಮುಗಿಯಿತು ಇವತ್ತು ಸಂತೆಯ ಪಾಳಿ
ಬರುವುದು ಮತ್ತೆ ಬುಧವಾರ- ನಾವು
ಕಾಯುವೆವು ಮತ್ತೆ ಬಿರುಸು ವ್ಯಾಪಾರ..
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ