ಮತ್ತೆ ಮಳೆ..

• ಲೇಖಕರು
• ಇತ್ತೀಚಿನ ಬರಹಗಳು

ಡಾ. ಅಜಿತ್ ಹರಿಶಿ

ಇತ್ತೀಚಿನ ಬರಹಗಳು: ಡಾ. ಅಜಿತ್ ಹರಿಶಿ (ಎಲ್ಲವನ್ನು ಓದಿ)

• ನೂರು ನೂರು ತರಹ - ಏಪ್ರಿಲ್ 13, 2021
• ಅಜಿತ್ ಹರೀಶಿ - ಜೂನ್ 28, 2020
• ಮತ್ತೆ ಮಳೆ.. - ಜೂನ್ 6, 2020

ಮತ್ತೆ ಮಳೆ ಪ್ರೀತಿಯ ಹಾಗೆ
ಸುರಿಯುತ್ತದೆ ಧಾರಾಕಾರ
ಒಮ್ಮೊಮ್ಮೆ ಬರೀ ಗುಡುಗು
ಸಿಡಿಲಿನ ಹೂಂಕಾರ
ಮತ್ತೊಮ್ಮೆ ಎಡೆಬಿಡದೆ
ನಯವಾಗಿ ಬಿತ್ತರ

ಮತ್ತೆ ಮಳೆ ವ್ಯಸನದ ಹಾಗೆ
ಬಿಟ್ಟೇನೆಂದರೂ ಬಿಡದು
ಕಾಡುವುದು ಹೋಗೆಂದರೂ
ಬೇಕೆಂದಾಗ ಬರದೇ
ಮಾಡುವುದು ಚಡಪಡಿಕೆ
ಮಗದೊಮ್ಮೆ ಮೈಮರೆಸುವುದು

ಮತ್ತೆ ಮಳೆ ಜೀವನದ ಹಾಗೆ
ಏರಿಳಿತದ ನಡಿಗೆ
ಆಗಾಗ ಸಿಂಚನ
ಜೊತೆಗೊಂದಿಷ್ಟು ಕಂಪನ
ಇನ್ನೇನು ಮುಗಿದೇ ಹೋಯ್ತು
ಅಂದಾಗಲೂ
ಮತ್ತೆ ಬರುವ ರೋಮಾಂಚನ !