ಮುಗಿಲು

• ಲೇಖಕರು
• ಇತ್ತೀಚಿನ ಬರಹಗಳು

ಪುನೀತ್ ಕುಮಾರ್ ವಿ

ಬೆಂಗಳೂರಿನಲ್ಲಿ ವಾಸಿಸುತ್ತಿರುವ ಇವರು ಕಂಪ್ಯೂಟರ್ ಸೈನ್ಸ್ ಇಂಜಿನಿಯರಿಂಗ್ ಪದವಿ ಪೂರ್ಣಗೊಳಿಸಿದ್ದಾರೆ. ಸಾಹಿತ್ಯದೆಡೆಗೆ ಒಲವು ಹೆಚ್ಚು. ಬರಹದಲ್ಲಿ ಅತೀವ ಆಸಕ್ತಿ. ಪುಸ್ತಕಗಳನ್ನು ಓದುವುದು ಇವರ ಪ್ರೀತಿಯ ಹವ್ಯಾಸ. ಕೆಲವು ಕಥೆ, ಕವಿತೆಗಳನ್ನು ರಚಿಸಿದ್ದಾರೆ, ಲೇಖನಗಳನ್ನೂ ಬರೆದಿದ್ದಾರೆ.

ಇತ್ತೀಚಿನ ಬರಹಗಳು: ಪುನೀತ್ ಕುಮಾರ್ ವಿ (ಎಲ್ಲವನ್ನು ಓದಿ)

• ಗುರಿ, ದಾರಿ, ಬದುಕು ಮತ್ತು ತಿರುವು..! - ಜುಲೈ 22, 2023
• ಪದಪದುಮಗಳು ಅರಳಿ ನಲಿವ ಪರಿ..! - ಅಕ್ಟೋಬರ್ 23, 2022
• ಕಿಟ್ಟೆಲ್ ಕೋಶ : ಕನ್ನಡದ ಅಪೂರ್ವ ನಿಘಂಟು! - ಮೇ 28, 2022

ಮುಗಿಲು ನಾಚಿಕೊಂಡರೆ ಅದರ ಮೋರೆ ಕೆಂಪು
ಮುದಗೊಂಡಾಗ ತಿಳಿನೀಲಿ, ಬಿಳುಪು
ದುಃಖ ಭಾವದ ಬಣ್ಣ-ನಸುಕಪ್ಪು

ಮುಗಿಲು ನಕ್ಕರೆ, ಇಳೆಗೆ ತುಂತುರು ಮಳೆ
ಮುಗಿಲು ಅತ್ತರೆ ಭಾರಿಮಳೆ
ಚಂಡಿ ಹಿಡಿಯೆ, ಬಿಡದ ಜಡಿ ಮಳೆ
ಬೇಸರಗೊಂಡಾಗ ಎತ್ತೆತ್ತಲೊ ಹಾರುವ ಹುಡಿಮಳೆ
ಮುಗಿಲು ಮುನಿದರೆ ಗುಡುಗು ಸಹಿತ;
ಅತಿರೌದ್ರ ತಾಳಿದರೆ ಚಂಡಮಾರುತ

ಮುಗಿಲ ಮನಸರಳಲು ಇಳೆಗೆ ಹೂಮಳೆ
ಮುಗಿಲ ಮನಕುಣಿಯಲಿ ಸಂಭ್ರಮದ ಹೊಳೆ

ಈ ಮುಗಿಲೊಂದು ಭಾವಗಳ ಸಂಕಲನ
ಮುಗಿಲನದು ಮೌನ ಸಂಚಲನ, ಆರ್ದ್ರ ಸಂವಹನ.