ಸರಕಾರಿ ಪದವಿ ಪೂರ್ವ ಕಾಲೇಜಿನಲ್ಲಿ ಉಪನ್ಯಾಸಕಿ. ಲೇಖನ, ಕವಿತೆ, ಕಥೆ, ಲಲಿತ ಪ್ರಬಂಧ, ಮಕ್ಕಳ ಕಥೆಗಳನ್ನು ಬರಿಯೋದು ಹವ್ಯಾಸ. ಪತ್ರಿಕೆಗಳಲ್ಲಿ ಪ್ರಕಟ ಆಗಿವೆ. ( vk, SK, ವಿಶ್ವವಾಣಿ, ಕನ್ನಡ ಪ್ರಭ, ಹೊಸ ದಿಗಂತ, ಪ್ರಜಾವಾಣಿ, ವಾರ್ತಾಭಾರತಿ, ತರಂಗ, ಅವಧಿ, ಸಂಗಾತಿ, ಬುಕ್ ಬ್ರಹ್ಮ )
ಇತ್ತೀಚಿನ ಬರಹಗಳು: ಮಾಲಾ.ಮ. ಅಕ್ಕಿಶೆಟ್ಟಿ (ಎಲ್ಲವನ್ನು ಓದಿ)
- ಹೈಕುಗಳು - ಜುಲೈ 15, 2021
ಸರಿಯುವವನಿದ್ದರೆ, ಬೇಗ ಸರಿದು ಬಿಡು
ಅಷ್ಟಷ್ಟೇ ಸರಿ ಬೇಡ
ಹಿಂಸೆ ದೇವರಿಗೂ ಕಷ್ಟ
***
ಜನನ ಮರಣದ ಆಟದಲ್ಲಿ
ಹೀಗೆ ಅರಳಿ ಘಮ ಕೊಟ್ಟು
ಹಾಗೆ ಕ್ಷಣ ಹೊತ್ತಿನಲ್ಲಿ ಭೂಮಿಯನ್ನ
ಅಪ್ಪಿಕೊಳ್ಳುವವು ಹೂವುಗಳು
***
ತುಂಬಿದೊಟ್ಟೆಗೆ ತುತ್ತಿನ
ಒಂದು ಅಗುಳೂ ಭಾರ
ಹಳಸಿದ ಸಂಬಂಧ ಯಾವ ಲೆಕ್ಕ!!!
***
ಮೌನ ತುಟ್ಟಿಯಾದಂತೆ
ಸಂಬಂಧ ಸೋವಿ
ವಿಮುಕ್ತಿ ಬೇಗ
***
ಅನವಶ್ಯಕ ಪ್ರೀತಿ
ಕಾಳಜಿಯೆಂಬ
ವಿಷ ಮತ್ತೊಂದಿಲ್ಲ
***
ಮೌನಕ್ಕೆ ದೂರ
ಸಮೀಪದ ಭಿಡೆ
ಬಂಗಾರದ ಗುಂಜಿಯಷ್ಟಿಲ್ಲ
***
ಬದುಕು ಅನಿವಾರ್ಯ
ಅಂದುಕೊಂಡಾಗ
ಅದರ ಸಾರವಿಲ್ಲ
***
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ