ಪ್ರೀತಿ

• ಲೇಖಕರು
• ಇತ್ತೀಚಿನ ಬರಹಗಳು

ಡಾ. ಸುಮ ಡಿ. ಗುಡಿ

ಡಾ. ಸುಮ.ಡಿ. ಗುಡಿ ಅವರು ಚರ್ಮರೋಗ ವೈದ್ಯೆಯಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.
ಬಳ್ಳಾರಿಯಲ್ಲಿ ವಾಸವಾಗಿರುವ ಇವರಿಗೆ ಕನ್ನಡ, ಕವಿತೆ, ಸಾಹಿತ್ಯ ಸದಾ ಖುಷಿ ಕೊಡುವಂಥದ್ದು.

ಇತ್ತೀಚಿನ ಬರಹಗಳು: ಡಾ. ಸುಮ ಡಿ. ಗುಡಿ (ಎಲ್ಲವನ್ನು ಓದಿ)

• ಪ್ರೀತಿ - ಮೇ 28, 2022

ಬಿಸಿಲು ಧಗೆ ಧಗೆ
ದ್ವೇಷ ಹಗೆ, ಹೊಗೆ
ನಿಡಿದುಸಿರು ತೀರದ ಬೇಗೆ
ಬೇಸಿಗೆಯ ಪರಿತಾಪ
ನೇಸರನಿಗೆಷ್ಟೊ ಹಿಡಿಶಾಪ
ಬೇಡವಾಯಿತು
ಬಿಸಿಯದೆಲ್ಲವೂ, ಬಿಸುಪು
ಕೊನೆಗೆ ಬೆಚ್ಚಗಿನ ಪ್ರೀತಿಯೂ…
ಅರೆರೆ, ಇದೇನಾಯಿತೆಂದು
ಪ್ರೀತಿರಹಿತ ಭುವಿಗೆ ಹೆದರಿ,
ಕೂಡಿಕಟ್ಟಿ ಮೇಘ ಕರಗಿ
ಅವನಿ ಕಾವನು ತಣಿಸಿತು…
ಮೊದಲ ಸಿಂಚನ, ರೋಮಾಂಚನ
ತೊಯ್ದ ಹೃದಯದಿ ಮತ್ತೆ ಸುಳಿಯಿತು
ಗ್ರೀಷ್ಮ ಪ್ರೇಮದ ಹಂಬಲ