ಪ್ರಸ್ತುತ ಮಂಗಳೂರು ವಿಶ್ವವಿದ್ಯಾನಿಲಯದ ಕೊಂಕಣಿ ಪೀಠದ ಸದಸ್ಯೆ. ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡಮಿ ಸದಸ್ಯೆ.
ಮೂರು ಕವನ ಸಂಕಲನ ಸೇರಿದಂತೆ ಆರು ಪುಸ್ತಕಗಳು ಬಿಡುಗಡೆಗೊಂಡಿವೆ. ಶಿವಮೊಗ್ಗ ಕರ್ನಾಟಕ ಸಂಘದ ಜಿ.ಎಸ್.ಶಿವರುದ್ರಪ್ಪ ಕಾವ್ಯ ಪ್ರಶಸ್ತಿ, ಕನ್ನಡ ಸಾಹಿತ್ಯ ಪರಿಷತ್ತಿನ ದತ್ತಿ ಪ್ರಶಸ್ತಿ,ಜಿ.ಎಸ್. ಮ್ಯಾಕ್ಸ ಪ್ರಶಸ್ತಿಗಳು ಬಂದಿವೆ.ಆಕಾಶವಾಣಿ ಕಲಾವಿದೆ.
ಮೂರು ಕವನ ಸಂಕಲನ ಸೇರಿದಂತೆ ಆರು ಪುಸ್ತಕಗಳು ಬಿಡುಗಡೆಗೊಂಡಿವೆ. ಶಿವಮೊಗ್ಗ ಕರ್ನಾಟಕ ಸಂಘದ ಜಿ.ಎಸ್.ಶಿವರುದ್ರಪ್ಪ ಕಾವ್ಯ ಪ್ರಶಸ್ತಿ, ಕನ್ನಡ ಸಾಹಿತ್ಯ ಪರಿಷತ್ತಿನ ದತ್ತಿ ಪ್ರಶಸ್ತಿ,ಜಿ.ಎಸ್. ಮ್ಯಾಕ್ಸ ಪ್ರಶಸ್ತಿಗಳು ಬಂದಿವೆ.ಆಕಾಶವಾಣಿ ಕಲಾವಿದೆ.
ಇತ್ತೀಚಿನ ಬರಹಗಳು: ಪೂರ್ಣಿಮಾ ಸುರೇಶ್ (ಎಲ್ಲವನ್ನು ಓದಿ)
ಬೆಳಕಿಗೆ ತೆರೆದುಕೊಂಡಾಗಷ್ಟೇ ಕತ್ತಲಿನ ಪರಿಚಯ.
ಪೂರ್ಣಿಮಾ ಸುರೇಶ್ ಅವರ “ಪಾತ್ರ ಪರಿಚಯ” ಕವಿತೆಯಿಂದ
ಕವಿತೆ
ನಿನ್ನ ನಗೆ ನನ್ನಲಿ ಅಡಗಿದೆ
ನೀನು ಕಾಣಬೇಕಷ್ಟೆ.
ಗೋಡೆಯನ್ನು ಹೊತ್ತು ನಾವು
ಅಲೆದಾಯಿತು
ನೀನು ಬಿಡು! ಕೋಟೆಯನ್ನೇ
ಕಟ್ಟಿರುವೆ.
ಒಳಗಡೆ ಯುದ್ಧದ ತಾಲೀಮು,ತಂತ್ರ-
ಪ್ರತಿತಂತ್ರ,ಘೋಷಣೆ,
ಹರಿತಗೊಳ್ಳುವ ಖಡ್ಗಗಳು.
ಕೋಟೆಯಾಚೆಗಿನ ಈ ಮುಖ
ಕಾಣಿಸುವುದೆಂತು?
ಈ ಅಪಧಮನಿ
ಅಭಿದಮನಿಗಳಲ್ಲಿ ರಕ್ತದ ಜೊತೆ
ಭಾವಗಳೂ ಹರಿದಾಡುತ್ತವೆ.
ಎಲ್ಲೋ ಅಂಚಿನಲಿ ಬಾನು ಭುವಿ
ತುಟಿ ಒತ್ತಿದಾಗ
ನನ್ನೊಳಗಿನ ಕಡಲಲ್ಲಿ ಅಲೆಗಳ
ಅಬ್ಬರ.
ಅನ್ನಿಸುವುದು ಸಹಜ ತಾನೇ?
ಬೆಳಕಿಗೆ ತೆರೆದುಕೊಂಡಾಗಷ್ಟೇ
ಕತ್ತಲಿನ ಪರಿಚಯ.
ನನ್ನ ಬಾಹುಗಳನು ವಿಸ್ತರಿಸಿ
ಕೋಟೆ ಸಮೇತ
ನಿನ್ನ ಬಿಗಿದಪ್ಪುವಾಸೆ.
ಜಗವಿದು ಮಾಯೆ ಅನ್ನುವೆಯಾ?
ಈ ಸೆಳೆತ,
ಅರಿವಿಗೆ ನಿಲುಕದ ಅಧ್ಯಾತ್ಮ.
ನೀನು ತುಂಬಿದ ದರ್ಶನ.
ನನಗೆ ನನ್ನ ನಗೆಯನ್ನು
ಕಾಣುವ ತವಕ
ಪರಿಚಯಿಸು.
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ