ಚಿಕ್ಕಮಗಳೂರು ಜಿಲ್ಲೆಯ ತರೀಕೆರೆಯವರಾದ ಮಧುಸೂದನ ಅವರು ಕಾವ್ಯ,ಕತೆ,ಬರಹಗಳಲ್ಲಿ ಕೃಷಿ ಮಾಡಿದವರು. ಸಾಹಿತ್ಯ ಪತ್ರಿಕೆಯ ಸಂಪಾದಕರೂ ಆಗಿರುವ ಇವರಅಸಹಾಯಕ ಆತ್ಮಗಳು’ ಕಥಾ ಸಂಕಲನ ಹಾಗೂ, ’ದುರಿತ ಕಾಲದ ದನ” ಎಂಬ ಕವನ ಸಂಕಲನ ಬಿಡುಗಡೆಯಾಗಿವೆ.
ಇತ್ತೀಚಿನ ಬರಹಗಳು: ಕು.ಸ.ಮಧುಸೂದನ ರಂಗೇನಹಳ್ಳಿ (ಎಲ್ಲವನ್ನು ಓದಿ)
- ಕವಿತೆ ಹುಟ್ಟುವುದಕ್ಕೆ ಹೊತ್ತು ಗೊತ್ತಿಲ್ಲ - ಆಗಸ್ಟ್ 6, 2023
- ಇದೇನು ನಾಟಕವಲ್ಲ - ಜನವರಿ 30, 2022
- ಕು.ಸ.ಮಧುಸೂದನರ ಎರಡು ಕವಿತೆಗಳು - ಡಿಸಂಬರ್ 21, 2021
ವಿದಾಯ ಹೇಳುವಾಗ
ಪರಸ್ಪರ ವಿನಿಮಯಿಸಿಕೊಂಡಿದ್ದನ್ನೆಲ್ಲ
ಹಿಂದಿರುಗಿಸಿಬಿಡಬೇಕೆಂಬುದು
ಪ್ರೇಮದ ಹಳೆ ನಿಯಮವಂತೆ
ಏನೆಲ್ಲ ವಿನಿಮಯಿಸಿಕೊಂಡಿದ್ದೆವು
ಹೊಸತರಲ್ಲಿ ಪ್ರೇಮಪತ್ರಗಳು
ಯಾವ್ಯಾವುದೊ ಹಬ್ಬ ಹುಣ್ಣಿಮೆಗಳ
ಗ್ರೀಟಿಂಗ್ ಕಾರ್ಡುಗಳು
ಇದೀಗ ಹಳದಿಗಟ್ಟಿರಬಹುದಾದ ಹಾಳೆಗಳ
ಹಳೆಯ ಪುಸ್ತಕಗಳು
ಮತ್ತೇನು ನೆನಪಿದೆ?
ನೀನೊಂದು ಪಟ್ಟಿ ಮಾಡು.
ಏನಿಲ್ಲ ಇಷ್ಟೇನೆ ಎಂದೆಷ್ಟು ಸುಲಭವಾಗಿ ಹೇಳಿಬಿಟ್ಟೆ
ನೆನಪಿಸಿಕೊ
ಅದೆಷ್ಟು ಸಂಜೆಗಳ
ಏಕಾಂತಗಳನ್ನು
ಹಂಚಿಕೊಂಡಿದ್ದೆವು!
ಹೇಗೆ ಹಿಂದಿರುಗಿಸುವುದು
ಸುಕ್ಕಿರದಂತೆ ನಿನ್ನ ಸೀರೆಯ ನೆರಿಗೆಗಳ
ಅವುಗಳೊಳಗೆ ಕಳೆದುಹೋದ ನನ್ನ ಯೌವನದ
ಬಿರುಬೀಸು ಗಳಿಗೆಗಳ!
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ