'ಶಮ್ಮಿ ' ಎಂಬ ಕಾವ್ಯನಾಮ ದೊಂದಿಗೆ ಬರೆವ ಮಹಿಮಾ ಅವರುಶಿವಮೊಗ್ಗ ಜಿಲ್ಲೆಯಯವರು. ಸೊರಬ ತಾಲ್ಲೂಕಿನ ಅವಲಗೋಡು ಗ್ರಾಮದಲ್ಲಿ ಜನನ. ಕನ್ನಡ ಸಾಹಿತ್ಯ, ಸಂಸ್ಕೃತ ವಾಗ್ಮಯ,ಹಿಂದಿಯ ಸಾಹಿತ್ಯಇಷ್ಟದ ವಿಷಯಗಳು. ಸದ್ಯ ಗಂಡ ಮಗನೊಂದಿಗೆ ಬೆಂಗಳೂರಿನಲ್ಲಿ ವಾಸ... ಮಹಿಮಾ ಅವರು ತುಂಬಾ ವಿಭಿನ್ನವಾಗಿ, ದಿಟ್ಟವಾಗಿ ಸ್ತ್ರೀ ಸಂವೇದನೆಯನ್ನು ದಾಖಲಿಸುವ, ಆಪ್ತ ಚಿಂತನೆಗಳ ಕವಿತೆಗಳನ್ನು ಬರೆಯುವುದರಲ್ಲಿ ಎತ್ತಿದ ಕೈ..
ಇತ್ತೀಚಿನ ಬರಹಗಳು: 'ಶಮ್ಮಿ' (ಎಲ್ಲವನ್ನು ಓದಿ)
- ಅಸಂಗತ - ಜನವರಿ 30, 2022
- ಅಂಥಿಂಥ ಉರಿಯಲ್ಲ - ಜುಲೈ 19, 2020
ನೀನೆಂದರೇನೆಂದು
ತಿಳಿದಿಲ್ಲ ನಾನು,ನಾನೆಂದರೆ
ಏನೆಂದು ಕೂಡ ನೀ ಅರಿತಿಲ್ಲ…
ಎಲ್ಲೋ ಉದ್ದುದ್ದ ಚಾಚಿಕೊಂಡ
ಆಕಾರವೆ ಇರದ ಈ ಬದುಕಿನ
ಯಾವುದೋ ಬದಿಯಲ್ಲಿ ಸುರಿದ
ಮಳೆ ನೀನೇ ಇರಬೇಕು…
ಅಥವಾ
ನಿನ್ನೊಳಗಿನ ಕಲ್ಲು ಮಣ್ಣು‌ಹೊಲಸನೆಲ್ಲ ಹೊತ್ತು ಹಸಿರಾಗಿ ನಾನು ಕಾಣಿಸಿಕೊಳ್ಳುವಾಗ,
ಸಮುದ್ರದ ಅಷ್ಟೂ ತೆರೆಗಳಲ್ಲಿ
ಹೊಳೆಯುವನಂತೆ ತೋರಿಕೊಂಡ ಚಂದ್ರಬಿಂಬ ನೀನೇ ಇರಬೇಕು…
ಹೀಗೆ ನೀನು ನಾನೆಂಬ
ಹಳಹಳಿಕೆಗಳೆಲ್ಲ ನಮ್ಮೊಳಗೆ ಜಮೆಯಾಗುವ ಹೊತ್ತಿಗೆ ಹುಟ್ಟಿದ ಅಪರಿಚಿತತೆಯ ತಂದೆತಾಯಿಗಳು ನಾವು..
ಆದರು ನಾವಿಬ್ಬರು ಕಂಡ ಚಂದ್ರ
ಬೇರೆಯೇ ಆಗಿದ್ದನ್ನು…
ಮರೆಯಬಾರದು…
ಮತ್ತೊಮ್ಮೆ ಯಾವಾಗಲಾದರೂ
ಇದೇ ತೀರಕ್ಕೆ ಬಂದಾಗ ನಾನು ಹೂತಿಟ್ಟ ನನ್ನ‌ಅನಾಥ ಭಾವವನ್ನೂ
ನೀನು ಮರೆತು ಬಿಟ್ಟು‌ಹೋದ ಅಹಂಕಾರವನ್ನೂ ಎತ್ತಿಟ್ಟುಕೊಳ್ಳುವೆ….
ಆದರೂ ಉತ್ತರಿಸದ ಪ್ರಶ್ನೆ ಬಾಕಿಯಿದೆ
ನೀನು ಯಾಕಾದರೂ ಬರಬೇಕಿತ್ತು?
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ