ಇನ್ನೇನು ಬೇಕಿದೆ…?

• ಲೇಖಕರು
• ಇತ್ತೀಚಿನ ಬರಹಗಳು

ರಮ್ಯಾ ವಿನಯ್

ಶಿರಸಿಯ ಮೂಲದ ರಮ್ಯಾ ಈಗ ಉಡುಪಿಯ ನಿವಾಸಿ.

ಓದಿದ್ದು ಎಮ್ ಎ ಸಮಾಜ ಶಾಸ್ತ್ರ.
ಫ್ಯಾಶನ್ ಡಿಸೈನಿಂಗ್ ಅಲ್ಲಿ ಆಸಕ್ತಿ ಇದ್ದಿದ್ದರಿಂದ, ಮದುವೆಯ ನಂತರ ಕಲಿತು, ವಿರಾಮದ ವೇಳೆಯಲ್ಲಿ ಎಂಬ್ರಾಯ್ಡರಿ ಕೆಲಸವನ್ನು ಮಾಡುವುದು ಇವರ ಹವ್ಯಾಸ​. ಸಂಗೀತದಲ್ಲಿ ತುಂಬಾ ಆಸಕ್ತಿ ಇರುವುದರಿಂದ ಹಿಂದೂಸ್ತಾನಿ ಸಂಗೀತವನ್ನು ಕಲಿಯುತ್ತಿದ್ದಾರೆ. ಹನಿಗವನ, ಕವಿತೆಗಳನ್ನು ಬರೆಯುತ್ತಾರೆ.

ಇತ್ತೀಚಿನ ಬರಹಗಳು: ರಮ್ಯಾ ವಿನಯ್ (ಎಲ್ಲವನ್ನು ಓದಿ)

• (ಹುಸಿ)ನಿರೀಕ್ಷೆ - ಜನವರಿ 22, 2022
• ಇನ್ನೇನು ಬೇಕಿದೆ…? - ಏಪ್ರಿಲ್ 6, 2021
• ರಮ್ಯ- ಬಿಂದು - ಜನವರಿ 21, 2021

ನಿನ್ನ ಚಿತ್ರವೇ ತುಂಬಿರುವ
ಕನಸ ಕಣ್ಣುಗಳಿಗೆ
ಕಪ್ಪನೆಯ ಕನ್ನಡಕವೊಂದನು
ತೊಡಿಸಿ
ಪರರಿಂದ ನೋಟವನೇ
ಮರೆಮಾಚಬೇಕಿದೆ..

ಜನಜಂಗುಳಿಯ ನಡುವೆಯೂ
ನುಗ್ಗಿಬರುವ ನಿನ್ನ
ನೆನಪುಗಳನ್ನೆಲ್ಲಾ ಬದಿಗೊತ್ತಿ
ಮುನ್ನಡೆಯುವ ಶಕ್ತಿ
ಈ ಪುಟ್ಟ ಹೃದಯಕ್ಕೆ ನೀಡಬೇಕಿದೆ..

ಬೆಚ್ಚನೆಯ ತೋಳನ್ನು
ಬಯಸಿದ್ದ ಹಸಿಮನವ
ಹುಸಿ ಭರವಸೆಯ
ರಜಾಯಿ ಹೊದ್ದಿಸಿ,
ತುಸು ರಮಿಸಲು
ಸಮಯವು ಇನ್ನೂ ಬೇಕಿದೆ..

ಪಡುವಣದಂಚಿನಲಿ
ಕರಗಲೆಂದೇ ಹೊರಟ
ದಿನಮಣಿಯಂತೆ
ಕತ್ತಲ ಬಯಲನೇ
ಬಯಸಿದ ನಿನಗೆ
ವಿದಾಯದ ಹೊರತು
ಇನ್ನೇನು ಬೇಕಿದೆ?