ಈ ಸಮಾಧಿಗಳು ಎಂದೂ………

• ಲೇಖಕರು
• ಇತ್ತೀಚಿನ ಬರಹಗಳು

ಯಮುನಾ ಕಂಬಾರ

ಬೆಳಗಾವಿಯ ರಾಮದುರ್ಗ ದವರಾದ ಶ್ರೀಮತಿ ಯಮುನಾ ಕಂಬಾರ ರವರು ಮುಖ್ಯೋಧ್ಯಾಪಕರಾಗಿ ನಿವೃತ್ತರಾಗಿದ್ದಾರೆ. An anthology: An Orphan Of Iraq
And An anthology: My shadow ಇವರ ಪ್ರಕಟಿತ ಇಂಗ್ಲಿಷ್ ಕೃತಿಗಳು.ಕನ್ನಡದಲ್ಲಿ : ಕಥಾ ಸಂಕಲನ: ಎರಡು ಫೈಲುಗಳ ನಡುವೆ, ಪ್ರೀತಿ ಅಂದರೆ-ಕವನ ಸಂಕಲನ. ಕಥೆ,ಕವಿತೆ,ವಿಮರ್ಶೆಗಳು ಪತ್ರಿಕೆಗಳಲ್ಲಿ ಪ್ರಕಟವಾಗುತ್ತಿವೆ.

ಇತ್ತೀಚಿನ ಬರಹಗಳು: ಯಮುನಾ ಕಂಬಾರ (ಎಲ್ಲವನ್ನು ಓದಿ)

• ಕಪ್ಪಿನ ನಂಬಿಕೆ-ಭಾಮಿನಿ ಷಟ್ಪದಿಯ ಪದ್ಯ - ನವೆಂಬರ್ 23, 2023
• ಕರ್ಮದ ಧರ್ಮ - ಅಕ್ಟೋಬರ್ 24, 2023
• 99099 - ನವೆಂಬರ್ 20, 2022

(ಫೆಬ್ರುವರಿ ೧೪, ಪುಲ್ವಾಮಾ ದಾಳಿಯಲ್ಲಿ ಸತ್ತ ೪೦ ಯೋಧರ ನೆನಪಿನಲ್ಲಿ)

ಈ ಸಮಾಧಿಗಳು ಎಂದೂ
ನರಳುವುದಿಲ್ಲ……!!
ನಗೆ ಬೀರಿ , ದೇಶವಾಸಿಗಳ ಜೀವದಲಿ ಭರವಸೆಯ ಜ್ಯೋತಿಯಾಗಿವೆ…..!!!!

ಈ ಸಮಾಧಿಗಳು ಎಂದೂ….
ಮನದ ಆಸೆಗಳ ಧರಿಸಿ
ಕನಸುಗಳ ಹೊತ್ತಿಸಲಿಲ್ಲ
ದೇಶದ ನಾಗರಿಕರ ಆಸೆಗಳಲ್ಲಿ ಒಂದಾಗಿ ಅವರ ಕನಸುಗಳಲ್ಲಿ ಕಣ್ತೆರೆಯುತ್ತಿವೆ…….!!

ಈ ಸಮಾಧಿಗಳು ಎಂದೂ…….ಸತ್ತೆವೆಂದು ಘೋಷಿಸಿಕೊಂಡಿಲ್ಲ.
ಈ ನೆಲದ ಮೇಲೆ ಜೀವಿ ಇರುವವರೆಗೂ ಅಮರವೆಂದು ಭೋರ್ಗರೆಯುತ್ತಿವೆ…….!!

ಈ ಸಮಾಧಿಗಳು ಎಂದೂ …..
ಅನಾಥವೆಂದು ಅಳುತ್ತಿಲ್ಲ
ನಾಡಿನ ಉದ್ದಗಲಕ್ಕೂ ಹಬ್ಬಿ ತಮ್ಮ ನೆತ್ತರ ನಸೆಯ ಹಬ್ಬದಲ್ಲಿವೆ…….!!

ಈ ಸಮಾಧಿಗಳು ಎಂದೂ …..
ಸೋಲು, ನೋವು , ಗಾಯಗಳ ನೆರಳಿನಲ್ಲಿಲ್ಲ
ಮಣ್ಣಿನ ಗೆಲುವಿನ ಹೋರಾಟದಲ್ಲಿ ಮುನ್ನುಗ್ಗುತ್ತಿವೆ…….!!