ಆಕಾಶವಾಣಿಯಲ್ಲಿ ಕಾವ್ಯಧಾರೆ, ಚಿಂತನ ಮತ್ತು ಕನ್ನಡ ಉಪನ್ಯಾಸಗಳು,ಅನೇಕ ಸಾಂಸ್ಕೃತಿಕ ಕಾರ್ಯಕ್ರಮಗಳಲ್ಲಿ ಸಕ್ರಿಯವಾಗಿ ಭಾಗಿ - ಇವೇ ಮೊದಲಾದ ಚಟುವಟಿಕೆಗಳು ಶ್ರೀ ಚಂದ್ರಶೇಖರ್ ಅವರ ಆಸಕ್ತಿಯ ದ್ಯೋತಕವಾಗಿದೆ.
ಅನುವಾದ ಸಾಹಿತ್ಯ, ಸಂಗೀತ, ಸಂಸ್ಕೃತ ,ಜ್ಯೋತಿಷ್ಯ ಸೇರಿದಂತೆ ಎಲ್ಲ ವಿಭಾಗಗಳಲ್ಲೂ ಇವರ ಕೊಡುಗೆ ಅಭಿನಂದನೀಯ.. ಹತ್ತಕ್ಕೂ ಹೆಚ್ಚು ಕೃತಿಗಳನ್ನು ಪ್ರಕಟಿಸಿದ್ದಾರೆ..
- ನಗಿ, ಕಳವೆಯ ನಾಟಿ - ಸೆಪ್ಟೆಂಬರ್ 8, 2022
- ಸಂಜೆಯ ಮಳೆ - ಜುಲೈ 17, 2021
- ಆಷಾಢದ ಗಾಳಿ ?️ (ಸಾನೆಟ್) - ಜುಲೈ 15, 2020
ನಾಡಿನ ಈ ಎದೆ ಗೂಡಿನ ಜಾಗ, ಗುನುಗುವ ಅದೆ ಸಾವೇರಿ
ಯಾಕೋ ಸಾಕಾಗಿದೆ ಬೇರೇನಿದೆ ದಾರಿ?
ಜಡಿಯುವ ಮಳೆಯಿದ ಹೊಡೆದಟ್ಟುವ ಗಾಳಿ
ಬೇಕೇ ಬೇಕಾಗಿದೆ ಮರುಬೇಸಗೆ ಪಾಳಿ
ಅರೆಮುಳುಗಿದ ಸಂಕವನೇರಿ ಕೆರೆಗುರುಳಿದ ಲಾರಿ
ಬರಿಜನರಿದ್ದರು ನಿಯಮಾವಳಿ ತೂರಿ
ಸರಿಯಿದು ಅಪಘಾತ, ಬದುಕಿದ್ದವ ತಾತ
ಅವನೊಬ್ಬನೆ ಸದ್ಯಕೆ ಮರಣವ ಗೆಲಿದಾತ
ಬರಿ ಕೆಸರೆರಚಾಟ ಕಿರಿಕಿರಿ ಕಿರುಚೀರಿ
ಸರಿಯಿರದುದು ತಿಳಿದಿರುವುದೆ ಮರೆತಿದೆ ಸರಿದಾರಿ
ಕರಿಮೋಡದ ಭಾರ, ಮಳೆ ಬಿದ್ದುದೆ ಘೋರ!
ಹತ್ತಿತೆ ವಾಹನ ರಸ್ತೆಯ ಬೈತಲೆಗೆ?
ಉಹು.. ಮರೆತಿದೆ ಹಾದಿಯೆ ಚಕ್ರದ ಕಂಗಳಿಗೆ
ಕೆರೆಯೊಡೆದಿದೆ ನೋಡಿ ಹಿರಿಮೀನುಗಳೊದ್ದಾಡಿ
ನಡುರಸ್ತೆಯ ಪಾಡಿಗೆ ನಗಿ, ಕಳವೆಯ ನಾಟಿ
(ತೋರಿಕೆ? – ರೋಡಲಿ ಬರಿ ಬಿತ್ತನೆ ಬೇಡ
ದೂರಕೆ ಕಣ್ಣಿಡಿ: ಬೆಳಸಿರಿ ಹಿರಿ ಕಾಡ!)
ಜಡಿ ಮಳೆಯತಿ, ಟ್ರಿಪ್ಪಾಗುವ ಸ್ವಿಚ್ಚು
ಹಳೆದೀಪವ ತೆಗೆ ಹಚ್ಚು
ಒರೆಸಿಡು ಲಾಟೀನಿನ ಮಸಿಹಳದಿಯ ಗಾಜು
ಮರೆಯದೆ ಕೊಳವೆಯ ಹುಸಿಬಿಳಿಬಣ್ಣದ ಮೋಜು
ಮಾಸಿದ ಮೀಸೆಯ ಮೇಲಿಡು ಕೈಯ
ಅಲ್ಲವೆ ನಿನ್ನುದ್ಯೋಗವೆ ರಾಜಕೀಯ
ಆಸೆಯ ದೋಸೆಗೆ ಎಣ್ಣೆಯ ಹುಯ್ಯಿ
ತಪ್ಪಿದ್ದರು ಇರದಿದ್ದರು ಬಯ್ಯಿ, ತೀರಿಸಿಕೋ ಮುಯ್ಯಿ.
ಬಿ.ಎಸ್. ಚಂದ್ರಶೇಖರ್
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ