ಮೂಲತಃ ಉತ್ತರಕನ್ನಡದ ಸಿದ್ಧಾಪುರದವರಾದ ನೂತನ ಎಂ. ದೋಶೆಟ್ಟಿ ಅವರು ಆಕಾಶವಾಣಿಯಲ್ಲಿ ಕಾರ್ಯಕ್ರಮ ನಿರ್ವಾಹಕರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಇವರ ಏಳಕ್ಕೂ ಹೆಚ್ಚು ಕೃತಿ,ಕಾವ್ಯಗಳ ಸಂಕಲನಗಳು ಲೋಕಾರ್ಪಣೆಗೊಂಡಿದ್ದು, ಇವರ ಅನೇಕ ಬರಹಗಳು ನಾಡಿನ ಹಾಗೂ ಆಂಗ್ಲದ ಹೆಸರಾಂತ ಪತ್ರಿಕೆಗಳಲ್ಲಿ ಪ್ರಕಟಗೊಂಡಿವೆ.
ಇತ್ತೀಚಿನ ಬರಹಗಳು: ನೂತನ ದೋಶೆಟ್ಟಿ (ಎಲ್ಲವನ್ನು ಓದಿ)
- ವಿಂಗಡಿಸಿ ನೋಡು - ಅಕ್ಟೋಬರ್ 23, 2022
- ಆ ರಾತ್ರಿ - ಸೆಪ್ಟೆಂಬರ್ 15, 2021
- ಪ್ರಮಾಣ - ಸೆಪ್ಟೆಂಬರ್ 5, 2021
ಎವೆ ಮುಚ್ಚಿದ ಮಂದಹಾಸ
ನೊಂದ ಮನ ಕಂಡುಕೊಂಡ ಸಾಂತ್ವನ
ಚಕ್ರವರ್ತಿಯ ಸಿಂಹಾಸನದ ನರಳುವಿಕೆ
ಶವದ ಮುಂದಿನ ರೋದನ
ಕ್ಷಣ ಹೊತ್ತಿಗೆಲ್ಲ ನಶ್ವರ
ಇಷ್ಟೆಯೇ ಬದುಕು?
ಸುಖಲೋಲುಪತೆಯಿಂದ ದೂರ
ತೆರೆದ ದಾರಿ
ತುಂಡು ಭೂಮಿಯೊಡೆಯನ
ತೆಕ್ಕೆಯಲ್ಲಿ ವಿಶ್ವ ಸೆರೆಯಾದ ಪರಿ !
ಸಂಸಾರ ಗೌಣ
ನೋವು ದುಃಖಗಳ ತಾಣ
ಮಡಿವಂತಿಕೆಯ ಮುದುಡಿದ್ದ ಕಂಗಳು
ಸಂಸಾರದಲ್ಲೂ ಇಹುದು ನಿರ್ವಾಣ
ತನು ಮನ ಧನದ ಕರ್ಮಗಳ ತಪ
ಆಚರಣೆಯ ಸತ್ಯ ಶುದ್ಧತೆ
ಮೋಹ ಮಾಯಗಳ ವಿಮುಖತೆ
ಹೊಸ್ತಿಲಾಚೆಯ ವಿಶ್ವ ವಾಸದ ಹೆಜ್ಜೆ
ಗಡಿರೇಖೆಗಳ ದಾಟಿ ನಿಂತ ಹಿರಿಮೆ
ನಿರ್ವಾಣಕ್ಕೆ ತೆರೆದ ಮಾರ್ಗ
ಇಲ್ಲಿಹುದು ಅಲ್ಲಿಯೂ ಇಹುದು
ಅಲ್ಲಿಹುದು ಇಲ್ಲಿಯೂ ಇಹುದು
ಎಲ್ಲವೂ ನೋಟದಲ್ಲಿಹುದು
ಅರಿವಿನ ತೇಜ ಮಂದಹಾಸವಾಗುಳಿದಿಹುದು.
ಹೆಚ್ಚಿನ ಬರಹಗಳಿಗಾಗಿ
ಅವಳು ಬಂದಿದ್ದಳು
ಬಿ.ಆರ್.ಲಕ್ಷ್ಮಣರಾವ್
ನವೋನ್ಮೇಷ ಪುಸ್ತಕ ಲೋಕಾರ್ಪಣೆ