ಇವರು ಮೂಲತಃ ಉತ್ತರ ಕನ್ನಡ ಜಿಲ್ಲೆಯವರು. ಪ್ರಸ್ತುತ ಸರಕಾರಿ ಪ್ರೌಢಶಾಲೆ ವಿಟ್ಲದಲ್ಲಿ ಆಂಗ್ಲ ಭಾಷಾ ಶಿಕ್ಷಕರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಸಾಹಿತ್ಯವನ್ನು ಕಲಿತು, ಬೋಧಿಸುತ್ತಿರುವುದರಿಂದ ಸಾಹಿತ್ಯದಲ್ಲಿ ಸಹಜವಾಗಿ ಆಸಕ್ತಿಯಿದೆ . ರಾಜ್ಯಮಟ್ಟದ ಕವನ ಸ್ಪರ್ಧೆಗಳಲ್ಲಿ ಭಾಗವಹಿಸಿ ಬಹುಮಾನ ಪಡೆದಿದ್ದಾರೆ.
ಇತ್ತೀಚಿನ ಬರಹಗಳು: ನಿರಂಜನ ಕೆ ನಾಯಕ (ಎಲ್ಲವನ್ನು ಓದಿ)
- ಪೊರೆವ ತಂದೆ - ಜುಲೈ 8, 2024
- ತರಗತಿ ಕೋಣೆ - ಡಿಸಂಬರ್ 31, 2023
- ಸರ್ವಧರ್ಮ ಸಮನ್ವಯ - ನವೆಂಬರ್ 4, 2023
ನನ್ನ ತರಗತಿ ಕೋಣೆ
ಈ ದೇಶದ ಪ್ರತಿಬಿಂಬ
ಹಲವು ಭಾವ, ಹಲವು ವೇಷ
ನನಗದೆ ಬಲು ಜಂಭ
ಏಕತೆಯಲಿ ಕೂಡಿ ಕಲಿವ
ನಾವೇ ಭವ್ಯ ಭವಿಷ್ಯ
ಜ್ಞಾನದ ಅಭ್ಯುದಯಕೆ
ಸತ್ಯದರ್ಶನ ಮುಖ್ಯ
ಒಂದೇ ಸೂರು
ಚಿಂತನೆ ಅದರಡಿ ನೂರು
ತತ್ವ ಅದಾವುದಾದರೇನು
ಮನುಜತ್ವಕೆ ನಮ್ಮ ಮತ
ಹಿಡಿದ ಈ ಪುಸ್ತಕ
ತೊಟ್ಟ ಈ ಬಟ್ಟೆ
ಎಲ್ಲವೂ ಈಗ ವಿವಾದ
ಮೂಡದಿರಲಿ ನಮ್ಮಲಿ ಬೇಧ
ಒಟ್ಟಿಗೆ ಕೂತು ಉಣ್ಣುವ
ಅನ್ನಕೆ ಇರದು ಮತ
ನಮ್ಮ ಸ್ನೇಹವೇ ಅಮೃತ
ನಾಳೆಗೂ ಶಾಶ್ವತ
ಒಳಗಣ್ಣ ತೆರೆಸುವುದೇ
ನಿಜದಿ ಶಿಕ್ಷಣ
ಅರಿವ ಕಣ್ಣಲಿ
ಅಂಧಕಾರ ದಮನ!!
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ