ಪ್ರಕಟಿತ ಕೃತಿ: ಏಕಾಂಗಿಯ ಕನವರಿಕೆಗಳು(ಕವನ ಸಂಕಲನ)
- ಮೈಖೇಲ್ ಜಾಕ್ಸನ್ ಎಂಬ ಲೋಕ ಕಂಡ ಮಾಂತ್ರಿಕ - ಡಿಸಂಬರ್ 21, 2021
- ಪ್ರೀತಿ ಹಂಚುತ ಸಾಗು - ನವೆಂಬರ್ 24, 2021
- ನನ್ನ ಕವಿತೆಗಳಿಗೊಂದಷ್ಟು ಜಾಗ ನೀಡಿ - ನವೆಂಬರ್ 3, 2021
ಪವಿತ್ರ ಅಲ್ಲಾಹನ ನಾಮದಲಿ
ಜಿಹಾದಿನ ನೇಮದಲಿ
ಶಾಂತಿಯ ಧರ್ಮವನ್ನು
ಭಯೋತ್ಪಾದನೆಯ ಧರ್ಮವಾಗಿಸಿದ ಉಮೇದಿನಲಿ
ತನ್ನೊಳಗಿನ ಸೈತಾನನನ್ನು
ಕೊಲ್ಲುವ ಬದಲು
ಧರ್ಮದ ನಶೆಯಲ್ಲಿ ಧುತ್ತರಾಗಿ
ಅಮಾಯಕರನ್ನು ಕೊಲ್ಲುವ ನಿಮ್ಮನ್ನು
ಅಲ್ಲಾಹನು ಸಹ ಕ್ಷಮಿಸಲಾರನು
ನೆನಪಿರಲಿ….
ಧರ್ಮ ಎಂದರೆ…
ಕೊಲ್ಲುವುದಲ್ಲ ಪಾಪಿಗಳೇ
ಬಾಲಿಸುವುದು, ಬದುಕಿಸುವುದು
ಹಸಿದವನಿಗೆ ನಿಮ್ಮ ರೊಟ್ಟಿಯನು
ಮುರಿದು ಹಂಚಿಕೊಳ್ಳುವುದು
ನೀರು ಕುಡಿಸಿ ದಾಹ ಕಳೆಯುವುದು
ನೊಂದವರ ನೋವಿಗೆ ಮಿಡಿಯುವುದು
ಅವಶ್ಯಕತೆಗಿಂತ ಸಂಪತ್ತು ಹೊಂದದಿರುವುದು
ಯಾರಿಗೂ ಕೆಡಕು ಮಾಡದಿರುವುದು
ಸರ್ವರಿಗೂ ಒಳಿತನ್ನು ಕೋರಿ ಪ್ರಾರ್ಥಿಸುವುದು
ಇತರೆ ಎಲ್ಲಾ ಧರ್ಮಗಳನ್ನು
ಗೌರವದಿಂದ ಕಾಣುವುದು
ನಿಮ್ಮ ಇಸ್ಲಾಂ ಯಾವುದು?
ನಿಮಗೆ ಇಮಾನ್ ಎಲ್ಲಿದೆ?
ಮದ್ದು ಗುಂಡು ಬಂದುಕುಗಳ ಸದ್ದಿನಿಂದ
ಅಕಾಲಿಕ ಯುದ್ಧ ಸಾರುವಿರಿ
ಜನರ ನೆಮ್ಮದಿ ಶಾಂತಿಯ ಕದಡಿ
ನೆಮ್ಮದಿಯ ಭಂಗ ಮಾಡುವಿರಿ
ಅಸಂಖ್ಯ ಮಕ್ಕಳನ್ನು ಅನಾಥರನ್ನಾಗಿಸಿದಿರಿ
ನಿಮ್ಮ ಕಾಮ ವಾಂಛೆಗೆ
ಹೆಣ್ಣುಮಕ್ಕಳ ಅತ್ಯಾಚಾರಗೈಯುವಿರಿ
ನರ ರೂಪದ ರಾಕ್ಷಸರು
ಅಮಾಯಕರ ಕೊಂದು ಸಂಭ್ರಮಿಸುವ
ರಕ್ತಬೀಜಾಸುರರು
ನೀವು….
ಭಯೋತ್ಪಾದನೆಯಿಂದ
ಇಡೀ ಜಗತ್ತನ್ನೇ ನರಕ ಮಾಡಲು
ಹೊರಟಿರುವಿರಿ
ನಿಮ್ಮ ಮತಿಹೀನತೆ ಮತ್ತು ಸ್ವಾರ್ಥಕ್ಕೆ
ನಿಮ್ಮಂತಹ ವಿಕೃತರಿಗೆ
ಎಲ್ಲಿಯ ಸ್ವರ್ಗ?
ಎಲ್ಲಾ ನಿಮ್ಮ ಭ್ರಮೆ…
ನಿಮ್ಮಂಥವರಿಗಾಗಿಯೇ ಇದೆ ನರಕ
ಅಲ್ಲಾಹನು ನಿಮ್ಮನ್ನು ಕ್ಷಮಿಸಲಾರನು
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ