ಆರೋಗ್ಯ ಕ್ಷೇತ್ರದಲ್ಲಿ ಕರ್ತವ್ಯ ನಿರ್ವಹಿಸುತ್ತಿರುವ ಜಬಿ ಅವರಿಗೆ ಕಲೆ ಮತ್ತು ಸಾಹಿತ್ಯದಲ್ಲಿ ಅಪಾರ ಆಸಕ್ತಿ. ಇವರ ಕವಿತೆ,ಗಜ಼ಲ್ ಮತ್ತು ಭಾವಕ್ಕೆ ತಕ್ಕಂತೆ ಬಿಡಿಸುವ ಕಲಾಕೃತಿ ಬೆರಗುಗೊಳಿಸಬಲ್ಲುದು. ಇತ್ತೀಚೆಗೆ ಇವರ ಆಕಾಶವಾಣಿ ಸಂದರ್ಶನವೂ ಪ್ರಕಟವಾಗಿದೆ.
ಪ್ರಕಟಿತ ಕೃತಿ: ಏಕಾಂಗಿಯ ಕನವರಿಕೆಗಳು(ಕವನ ಸಂಕಲನ)
ಪ್ರಕಟಿತ ಕೃತಿ: ಏಕಾಂಗಿಯ ಕನವರಿಕೆಗಳು(ಕವನ ಸಂಕಲನ)
ಇತ್ತೀಚಿನ ಬರಹಗಳು: ಜಬೀವುಲ್ಲಾ ಎಂ. ಅಸದ್ (ಎಲ್ಲವನ್ನು ಓದಿ)
- ಮೈಖೇಲ್ ಜಾಕ್ಸನ್ ಎಂಬ ಲೋಕ ಕಂಡ ಮಾಂತ್ರಿಕ - ಡಿಸಂಬರ್ 21, 2021
- ಪ್ರೀತಿ ಹಂಚುತ ಸಾಗು - ನವೆಂಬರ್ 24, 2021
- ನನ್ನ ಕವಿತೆಗಳಿಗೊಂದಷ್ಟು ಜಾಗ ನೀಡಿ - ನವೆಂಬರ್ 3, 2021
ನನ್ನ ಕವಿತೆಗಳಿಗೊಂದಷ್ಟು
ಜಾಗ ನೀಡಿ
ನಿಮ್ಮ ಮನದ ಅಲಮಾರಿನಲ್ಲಿ
ಪ್ರೀತಿ ಕರುಣಿಸದಿದ್ದರೂ ಸರಿಯೇ
ಜಾಡಿಸಿ ಹೊರ ಹಾಕದಿರಿ
ಅವು ಕಂಡ ಸತ್ಯವನ್ನೇ ನುಡಿದಿವೆ
ನ್ಯಾಯದ ಪರವಾಗಿಯೇ ನಿಂತಿವೆ
ಶೋಷಣೆಯ ವಿರುದ್ಧವೇ ಸಿಡಿದೆದ್ದಿವೆ
ಪ್ರಶ್ನಿಸುತ್ತಲೇ ಗುಡುಗಿವೆ
ಉತ್ತರಿಸುತ್ತಲೇ ನಡೆದಿವೆ
ಒಲಿದಿವೆ, ಮಿತಿಮೀರಿವೆ
ತಡವರಿಸಿವೆ, ತಲ್ಲಣಿಸಿವೆ
ಅಲೆಮಾರಿ ಫಕೀರನಂತೆ
ಹೆಜ್ಜೆ ಹಾಕಿವೆ…
ಚಲಿಸುವ ಕಾಲಕ್ಕೆ ಹೆಗಲಾಗಿ
ನಾಳೆಗಳ ಭವಿಷ್ಯತ್ತಿಗೆ ಬೆಳಕಾಗಿ
ಭರವಸೆಯಲಿ ಉತ್ತು
ಕನಸುಗಳ ಬಿತ್ತು
ನಗುವಾಗ ನಕ್ಕು
ಅಳುವಾಗ ಅತ್ತು
ಸಹಕರಿಸಿವೆ…
ನೋವಿಗೆ ಮಿಡಿದು
ನಲಿವಿಗೆ ತುಡಿದು
ಭಾವಗಳಿಗೆ ಮಣಿದು
ಸದ್ದು ಮಾಡಿವೆ
ಸದ್ದಿಲ್ಲದೆ ಮಲಗಿವೆ
ಬುಸುಗುಟ್ಟಿವೆ, ಬಯಲಾಗಿವೆ
ಎಲ್ಲವೂ ಆಗಿ,
ಏನೂ ಅಲ್ಲದೆ ಉಳಿದಿವೆ
ನನ್ನ ಮನದ ಕನ್ನಡಿಯ
ಪ್ರತಿಬಿಂಬಗಳಾಗಿ
ನಿಮ್ಮವೇ ಕವಿತೆಗಳಾಗಿ…
ಅವುಗಳಿಗೊಂದಷ್ಟು
ಜಾಗ ನೀಡಿ
ನಿಮ್ಮ ಮನದ ಅಲಮಾರಿನಲ್ಲಿ
ಹೆಚ್ಚಿನ ಬರಹಗಳಿಗಾಗಿ
ರೆಕ್ಕೆ ಇದ್ದರೆ ಚೆನ್ನಾಗಿತ್ತು
ಇದು ಅದಲ್ಲ
ರಾಧೇಭಾವ