ಪೊರೆವ ತಂದೆ

• ಲೇಖಕರು
• ಇತ್ತೀಚಿನ ಬರಹಗಳು

ನಿರಂಜನ ಕೆ ನಾಯಕ

ಇವರು ಮೂಲತಃ ಉತ್ತರ ಕನ್ನಡ ಜಿಲ್ಲೆಯವರು. ಪ್ರಸ್ತುತ ಸರಕಾರಿ ಪ್ರೌಢಶಾಲೆ ವಿಟ್ಲದಲ್ಲಿ ಆಂಗ್ಲ ಭಾಷಾ ಶಿಕ್ಷಕರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಸಾಹಿತ್ಯವನ್ನು ಕಲಿತು, ಬೋಧಿಸುತ್ತಿರುವುದರಿಂದ ಸಾಹಿತ್ಯದಲ್ಲಿ ಸಹಜವಾಗಿ ಆಸಕ್ತಿಯಿದೆ . ರಾಜ್ಯಮಟ್ಟದ ಕವನ ಸ್ಪರ್ಧೆಗಳಲ್ಲಿ ಭಾಗವಹಿಸಿ ಬಹುಮಾನ ಪಡೆದಿದ್ದಾರೆ.

ಇತ್ತೀಚಿನ ಬರಹಗಳು: ನಿರಂಜನ ಕೆ ನಾಯಕ (ಎಲ್ಲವನ್ನು ಓದಿ)

• ಪೊರೆವ ತಂದೆ - ಜುಲೈ 8, 2024
• ತರಗತಿ ಕೋಣೆ - ಡಿಸಂಬರ್ 31, 2023
• ಸರ್ವಧರ್ಮ ಸಮನ್ವಯ - ನವೆಂಬರ್ 4, 2023

ಹೆಗಲೇರಿ ಕುಳಿತರೆ ತಾಕುವ ಮುಗಿಲು
ದೇವರು ಕಳಿಸಿದ ಕಾಳಜಿಯ ಕಾವಲು
ತುಂಬುವ ಮಮತೆಯ ಜೀವನ ಬಟ್ಟಲು
ಬಾಗವು ಭಾರಕೆ ನೋವುಂಡ ಕೀಲು

ಗದರುವ ದನಿಯ ಹಿಂದಿನ ಭಾವ
ತೋರನು ಸುಲಭದಿ ಮನದ ನೋವ
ಅಡಗಿದ ಕಣ್ಣ ಹನಿಯ ತೇವ
ಅಪ್ಪ ಕಲ್ಲಾಗಿ ತಾನೇ ಸಮದೂಗಿಸುವ

ಹಾಕುವ ನಾಳೆಗೆ ಭದ್ರ ಅಡಿಪಾಯ
ಅಂಜನು ನೋಡಿ ದೇಹದ ಗಾಯ
ಹತ್ತಿಕ್ಕಿ ಸಾಗುವ ಮನದ ಭಯ
ಸಂಸಾರ ಹೊರುವ ಆತನ ಕಾಯ

ಆಲದ ಮರವಾಗಿ ನೆರಳ ನೀಡುವ
ತೆಂಗಿನ ಮರವಾಗಿ ಆಸೆಗಳ ಪೊರೆವ
ಮಾವಾಗಿ ರುಚಿಯ ಫಲವ ಕೊಡುವ
ತಂದೆ ತಾನು ಕುಟುಂಬಕಾಗಿ ದುಡಿವ