ಆರೋಗ್ಯ ಕ್ಷೇತ್ರದಲ್ಲಿ ಕರ್ತವ್ಯ ನಿರ್ವಹಿಸುತ್ತಿರುವ ಜಬಿ ಅವರಿಗೆ ಕಲೆ ಮತ್ತು ಸಾಹಿತ್ಯದಲ್ಲಿ ಅಪಾರ ಆಸಕ್ತಿ. ಇವರ ಕವಿತೆ,ಗಜ಼ಲ್ ಮತ್ತು ಭಾವಕ್ಕೆ ತಕ್ಕಂತೆ ಬಿಡಿಸುವ ಕಲಾಕೃತಿ ಬೆರಗುಗೊಳಿಸಬಲ್ಲುದು. ಇತ್ತೀಚೆಗೆ ಇವರ ಆಕಾಶವಾಣಿ ಸಂದರ್ಶನವೂ ಪ್ರಕಟವಾಗಿದೆ.
ಪ್ರಕಟಿತ ಕೃತಿ: ಏಕಾಂಗಿಯ ಕನವರಿಕೆಗಳು(ಕವನ ಸಂಕಲನ)
ಪ್ರಕಟಿತ ಕೃತಿ: ಏಕಾಂಗಿಯ ಕನವರಿಕೆಗಳು(ಕವನ ಸಂಕಲನ)
ಇತ್ತೀಚಿನ ಬರಹಗಳು: ಜಬೀವುಲ್ಲಾ ಎಂ. ಅಸದ್ (ಎಲ್ಲವನ್ನು ಓದಿ)
- ಮೈಖೇಲ್ ಜಾಕ್ಸನ್ ಎಂಬ ಲೋಕ ಕಂಡ ಮಾಂತ್ರಿಕ - ಡಿಸಂಬರ್ 21, 2021
- ಪ್ರೀತಿ ಹಂಚುತ ಸಾಗು - ನವೆಂಬರ್ 24, 2021
- ನನ್ನ ಕವಿತೆಗಳಿಗೊಂದಷ್ಟು ಜಾಗ ನೀಡಿ - ನವೆಂಬರ್ 3, 2021
◼️ಚಿತ್ರ ಮತ್ತು ಕವಿತೆ – ಜಬೀವುಲ್ಲಾ ಎಮ್. ಅಸದ್
ಮೋಜಿನ ಕುದುರೆ ಏರಿ
ಮನಸು ಹೊರಟಿದೆ ಸವಾರಿ
ಕಾಣದೂರಿಗೆ ಯಾವ ದಾರಿ?
ಕಾಣಿಸು ಪ್ರಭುವೆ ಒಂದು ಸಾರಿ
ತಂದಾನ ತಾsನನ… ತಾನೇ ತಂದಾsನ…
ಕಂಡದ್ದು ತಪ್ಪಿಲ್ಲಿ
ಕಾಣದ್ದೆ ಸರಿ ಇಲ್ಲಿ
ಕಂಡು ಕಾಣದ ಆಟಕೆ
ದೇವನೆ ಮೂಕ ಸಾಕ್ಷಿ ಇಲ್ಲಿ
ತಂದಾನ ತಾsನನ… ತಾನೇ ತಂದಾsನ…
ಒಳಗೊಂದು ಹೊರಗೊಂದು
ಮುಖವೊಂದು ಮುಖವಾಡ ಹಲವು
ನೀತಿವಂತರಿಗಿದು ಕಾಲವಲ್ಲ
ಸುಳ್ಳೆ ಸತ್ಯವಿಲ್ಲಿ, ಈ ಕಲಿಗಾಲದಲ್ಲಿ
ತಂದಾನ ತಾsನನ… ತಾನೇ ತಂದಾsನ…
ಎಷ್ಟು ಉಂಡರೂ ಹಸಿವಿಲ್ಲಿ
ಉಟ್ಟರೂ ಬೆತ್ತಲೆಯೇ
ಆಲಯದ ದಾಸರೆ ಎಲ್ಲಾ
ಬಯಲಾಗುವವರಾರಿಲ್ಲವಲ್ಲ
ತಂದಾನ ತಾsನನ… ತಾನೇ ತಂದಾsನ…
ಬದುಕಿಗೆ ಕಷ್ಟ ನೂರು
ಹಲವು ಬಂಧಗಳ ತೇರು
ಸಂಕೋಲೆ ಬಿಡಿಸಿ ಹಕ್ಕಿಯಾಗಿ ಹಾರು
ಅನುಭವದಿ ಮಾಗಿ ಹಣ್ಣಾಗು
ತಂದಾನ ತಾsನನ… ತಾನೇ ತಂದಾsನ…
ಬಿಸಿಲಿಗೆ ನೆರಳಿಲ್ಲಿ
ನೆರಳಿಗೂ ಸಾವಿಲ್ಲಿ
ಯಾವ ಜಾತಿ, ಯಾವ ಧರ್ಮ
ಮನುಜರೆಲ್ಲರೂ ಒಂದೇ ಜಗದಲ್ಲಿ
ತಂದಾನ ತಾsನನ… ತಾನೇ ತಂದಾsನ…
ಕೊರಳಿಗೆ ಹಾಡು
ಕೊಳಲಿನ ಜಾಡು
ಜೀವ ಮರಳಿ ಮಣ್ಣಿಗೇನೆ
ಪ್ರೀತಿ ಹಂಚುತ ಸಾಗು
ತಂದಾನ ತಾsನನ… ತಾನೇ ತಂದಾsನ…
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ