ರಾಜ ಮಹಾರಾಜ

• ಲೇಖಕರು
• ಇತ್ತೀಚಿನ ಬರಹಗಳು

ಮೀರಾ ಜೋಶಿ

ಶ್ರೀಮತಿ ಮೀರಾ ಜೋಶಿ ಮೂಲತಃ ಸವದತ್ತಿ ತಾಲೂಕಿನ ಗುರ್ಲಹೊಸೂರಿನವರುಶಿಕ್ಷಣ..ಬಿ ಎಸ ಸಿ,ಎಮ್ .ಎ ಹೈದರಾಬಾದ್ ಕರ್ಮಭೂಮಿ. ಸ್ವಉದ್ಯೋಗಿ .
ಮಕ್ಕಳನ್ನು ದೇಶದ ಭವಿಷ್ಯತ್ತಿನ ಸಕ್ಷಮ ಪ್ರಜೆಗಳನ್ನು ಮಾಡುವಲ್ಲಿ,ಅವರಲ್ಲಿ ನಮ್ಮ ಸಂಸ್ಕೃತಿ ಹಾಗೂ ದೇಶಭಕ್ತಿಯನ್ನು ಮೂಡಿಸುವ ದಿಶೆಯಲ್ಲಿಬೇಸಿಗೆ ಶಿಬಿರಗಳನ್ನು ನಡೆಸುವಲ್ಲಿ,ಆಸಕ್ತಿ. ಮಕ್ಕಳ ಸರ್ವತೋಮುಖ ಬೆಳವಣಿಗೆಗಾಗಿ, ಸಮಾಜಸೇವೆ ಗುರಿ. ಕವಿತೆ, ಕಥಾ ರಚನೆ ಮತ್ತು ಸಂಗೀತದಲ್ಲಿ ಆಸಕ್ತಿ.

ಇತ್ತೀಚಿನ ಬರಹಗಳು: ಮೀರಾ ಜೋಶಿ (ಎಲ್ಲವನ್ನು ಓದಿ)

• ರಾಜ ಮಹಾರಾಜ - ಜೂನ್ 27, 2021
• ವಸಂತ ಬಂದ ಸಂತಸ ತಂದ - ಏಪ್ರಿಲ್ 13, 2021
• ಮೀರಾ ಜೋಶಿ ಕವಿತಾ ವಾಚನ - ಮಾರ್ಚ್ 13, 2021

ಕುಶಾಗ್ರಮತಿಯರಾಟದಲಿ
ನಾ ಕಾಲಾಳು
ಚತುಷಷ್ಟಿ ಚೌಕಗಳಲಿ ಓಡಾಟ ಇಲ್ಲಿ
ಕಲ್ಲು ಮುಳ್ಳು ಕಣಿವೆ ಪರ್ವತಗಳಲಿ
ಪ್ರಾಣ ಪಣಕಿಡುವೆ ಅಲ್ಲಿ

ಕಪ್ಪಾದರೇನು ಬಿಳುಪಾದರೇನು
ಅಲ್ಲಿಯೂ ಇಲ್ಲಿಯೂ
ನನ್ನವರ ಕಾಪಾಡುವುದೇ ನನ್ನ ಉಸಿರು.

ಉಸಿರಿದೆ ಹೃದಯ ಮಿಡಿಯುತಿದೆ
ಮನ ಹೇಳುತಿದೆ ನೀನು ಸಜೀವಿ
ಅಂತೆಯೇ ಎಲ್ಲರ ಜೀವದ ಅರಿವಿದೆ
ನನ್ನ ಭೂಮಿ ನನ್ನ ಜನ ನನ್ನ ಪ್ರಾಣ
ಮಳೆ ಚಳಿ ಬಿಸಿಲೆನಗೆ ತೃಣ

ಕಾದುವೆ ನನ್ನವರ ಮನೆಗಳಲಿ
ದೀಪ ಬೆಳಗಲೆಂದು
ನಿರ್ಭಯದ ನಿದ್ರೆ ಪೊಂದಲೆಂದು
ನಾನೊಬ್ಬ ರಕ್ಷಕ
ಸ್ವಂತ ಸುಖವೆನಗೆ ಕ್ಷುಲ್ಲಕ

ರುಧಿರದ ಕಣ ಕಣದಲ್ಲಿಯ ಶೌರ್ಯ
ತಡೆಯಿತು ಉತ್ತರದಲ್ಲಿಯ ಕ್ರೌರ್ಯ

ಭಯ ನಿವಾರಿಸುತ ಜಯವ ಗಳಿಸುತ
ಸಾರ್ಥಕತೆಯ ಅನುಭವಿಸುತ
ಗರ್ವದಿಂದ ನೋಡಿದೆ ತನುವಿನೆಡೆಗೆ
ನಿಂತಿದೆ ಒಂದೇ ಕಾಲಿನಾಧಾರದಲಿ
ಭುಜವಾಗಿದೆ ನಿರಾಧಾರ

ಭಯವಾದರೂ ಹೊಸರೂಪವ
ಕನ್ನಡಿಯಲಿ ಕಂಡೆ
ಅದು ಹೇಳಿತು
ನೀನಲ್ಲ ಅಪಾಂಗ ಅತಿ ಸುಂದರಾಂಗ
ಮತ್ತೆ ಗಟ್ಚಿಯಾಗಿ ಹೇಳಿತು
ವಾಜಿಯಲಿ ರಾಜಿಮಾಡದೆ
ಜಯವ ತಂದ ನೀನೇ ರಾಜ ಮಹಾರಾಜ