ಕನ್ನಡ ಸ್ನಾತಕೋತ್ತರ ಪದವೀಧರೆಯಾಗಿರುವ ಇವರ ಲೇಖನ, ಕವನ, ಹನಿಗವನ ಇತ್ಯಾದಿಗಳು ನಾಡಿನ ಪ್ರಮುಖ ಪತ್ರಿಕೆಗಳಲ್ಲಿ ಪ್ರಕಟವಾಗಿವೆ. 'ಮೌನದ ಮಾತುಗಳು' ಕವನ ಸಂಕಲನ, 'ಹನಿಯೆಂಬ ಹೊಸ ಭಾಷ್ಯ' ” ಹನಿಗವನ ಸಂಕಲನ ಇವರ ಕೃತಿಗಳು.
ಸಾಹಿತ್ಯ ಅಕಾಡೆಮಿಗಾಗಿ “ಕವಿತೆ ೨೦೧೯”ಅನ್ನುವ ಕೃತಿಯನ್ನು ಸಂಪಾದಿಸಿದ್ದಾರೆ.
ಸಾಹಿತ್ಯ ಅಕಾಡೆಮಿಗಾಗಿ “ಕವಿತೆ ೨೦೧೯”ಅನ್ನುವ ಕೃತಿಯನ್ನು ಸಂಪಾದಿಸಿದ್ದಾರೆ.
ಇತ್ತೀಚಿನ ಬರಹಗಳು: ಅಮೃತಾ ಮೆಹೆಂದಳೆ (ಎಲ್ಲವನ್ನು ಓದಿ)
- ವ್ಯಸನ - ನವೆಂಬರ್ 18, 2022
- ಚಿತ್ರ ಬರಹ - ಮೇ 28, 2022
ತನ್ನ ಜಾತಿಯೇ ಮುಂದೆ ಅನ್ಯರು ಹಿಂದೆ
ಮತ್ತೊಂದು ನೀತಿಗೆ ಪರನಿಂದೆ
ಹಿಂದುಳಿಯುವುದೇ ಒಂದು ವರವಿಂದು
ನಿನ್ನೆ ಹಿಂದಿದ್ದುದು ಇಂದು ಮುಂದು
ವೈಟ್ ಕಾಲರ್ ಜಾಬಲ್ಲೂ ಬೆವರಿನ ಕಮಟು
ಜೋಮುಹಿಡಿದ ಬೆನ್ನಿನ ಹೃದಯಕೈ ಒರಟು
ಕೀಲಿಮಣೆ ಕುಟ್ಟುವವರ ಗತ್ತಲ್ಲೂ ಕುತ್ತು
ಪೇಪರ್ ಪೆನ್ನು ಹಿಡಿದವರಿಗೆ ಎಲ್ಲಾ ಗೊತ್ತು?
ಪ್ರಾಣಿಹಿಂಸೆ ಮಹಾಪಾಪ ಅವರನ್ನುತ್ತಿದ್ದರು
ಕುರಿಕೋಳಿಗಳು ಪಾಪ ಇವರಣಕಿಸುತಿಹರು
ಬರೇ ಸೊಪ್ಪು ಸದೆ ಪುಳ್ಚಾರು ಎಂಬ ಕ್ಯಾತೆ
ಗಿಡಮರಗಳಿಗೂ ಜೀವವಿದೆ ಮರೆತೇಹೋಯಿತೇ
ಉತ್ತಿ ಬಿತ್ತಿ ಬೆಳೆವುದೇ ಶ್ರೇಷ್ಠ
ಓದಿ ಬರೆದು ಬೆಳೆವುದೂ ಉತ್ಕೃಷ್ಟ
ವ್ಯಾಪಾರ ವ್ಯವಹಾರ ಅಲ್ಲ ನಿಕೃಷ್ಟ
ನಮ್ಮ ಕಾಯುವ ಯೋಧರು ಸರ್ವಶ್ರೇಷ್ಠ
ಕಾಯಕವೇ ಮತ್ತೊಮ್ಮೆ ಯುಗಧರ್ಮವಾಗಬಾರದೇ
ಬೆಳೆಯಬಾರದೆ ನಾವು ಮೀರಿ
ಶ್ರೇಷ್ಠತೆಯ ವ್ಯಸನ
ಕರೆಗಟ್ಟಿದ ಕನ್ನಡಿಯೊರೆಸಿ
ತೋರಬೇಕಿದೆ
ಕಲೆಯೊಂದಿಗಿನ ಸಹಜ ವದನ…
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ