ವ್ಯೂಹ

• ಲೇಖಕರು
• ಇತ್ತೀಚಿನ ಬರಹಗಳು

ರಾಮ್‌ ಕುಮಾರ್‌ ಡಿ.ಟಿ.

ರಾಮ್‌ ಕುಮಾರ್‌ ಡಿ.ಟಿ
ಮೂಲತಹ ಗಣೇಶಗುಡಿ, ಉತ್ತರ ಕನ್ನಡದವರು. ಸದ್ಯಕ್ಕೆ ಬೆಂಗಳೂರಿನಲ್ಲಿ ವಾಸವಾಗಿದ್ದಾರೆ.
ವೃತ್ತಿಯಲ್ಲಿ ಉದ್ಯಮಿಯಾದರೂ, ಇವರ ಹವ್ಯಾಸಗಳು: ಓದುವುದು, ಬರೆಯುವುದು, ಸೈಕ್ಲಿಂಗ್‌...
ಮತ್ತೆ ನಿರಂತರ ಹುಡುಕಾಟ...! ಆ ಹುಡುಕಾಟವನ್ನು ಅವರ ಕವಿತೆಗಳಲ್ಲಿ ಢಾಳಾಗಿ ಕಾಣಬಹುದು.

ಇತ್ತೀಚಿನ ಬರಹಗಳು: ರಾಮ್‌ ಕುಮಾರ್‌ ಡಿ.ಟಿ. (ಎಲ್ಲವನ್ನು ಓದಿ)

• ನನ್ನಲ್ಲೊಂದು ಕಡಲು - ಏಪ್ರಿಲ್ 11, 2021
• ಅಪರಿಚಿತ - ಏಪ್ರಿಲ್ 5, 2021
• ಆದಿ ಮತ್ತು ಅಂತ್ಯ - ಡಿಸಂಬರ್ 30, 2020

ಯಾವುದನ್ನೂ ಹೊತ್ತು
ಕೊಂಡೊಯ್ಯುವಂತಿಲ್ಲ
ಸಾವು ನಿಶ್ಚಿತ..
ಆದರೂ ಕಾದಾಟ..
ನಾನು, ನನ್ನದೆನ್ನುವುದು
ಅತಿ ಪ್ರಿಯ.

ಪರವಾನೆ ಪತ್ರ,
‘ನನ್ನದೆನ್ನುವದ’
ಹೊತ್ತು ಕೊಂಡೊಯ್ಯಲು ದಕ್ಕದು
ಎಂಬ ವಿಷಯವೇನು ಹೊಸತಲ್ಲ!
ಆದರೂ ಪರದಾಟ
ತನ್ನ ಹತ್ತು ತಲಮಾರು ತಿಂದು
ತೇಗಲೆಂದೆ ಬಡದಾಟ…

ಸಹಾಯ ಹಸ್ತದಲಿ,
ಜೀತದ ಆಳ್ವಿಕೆಯ
ಸೊತ್ತೆ ಮೇಲು.
ಆಳ್ವಿಕೆಯ ಹಂಗು..
ಮಂಗನ ಆಟವಾಡಿಸಿತೊ
ನಿನ ಕೈಯಲಿ, ಒಮ್ಮೆ ತಿರುಗಿ
ನೋಡಿ ನೀ ಜಾಣನಾಗ ಬಾರದೆ
ಎಂಬ ತತ್ವವೂ ಹಳೆಯದೇ…

ಯಾರಿಗೂ ತಿಳಿಯದ
ವಿಷಯವೇನು ಇದಲ್ಲ
ಆದರೂ ವ್ಯೂಹದ ರಚನೆಯ
ಒಡೆಯ ತಾನೆ,
ತನ್ನದೆನ್ನುವುದಷ್ಟೆ ಅತಿ ಪ್ರಿಯ!