ತೀರದಲಿ ನಿಂತು

• ಲೇಖಕರು
• ಇತ್ತೀಚಿನ ಬರಹಗಳು

ಸ್ವಭಾವ ಕೋಳಗುಂದ

ಅರಸೀಕೆರೆಯ ಕುರಿತೋದದೆಯುಂ ಸಾಹಿತ್ಯ ಸಂವಹನ ವೇದಿಕೆಯ ರೂವಾರಿ, ಅರಸೀಕೆರೆ ತಾಲೂಕಿನ ಕೋಳಗುಂದ ಗ್ರಾಮದಲ್ಲಿ ವಾಸಿಸುತ್ತಿದ್ದು ಮೂಲತಃ ಕೃಷಿಕ.

ತಾಲ್ಲೂಕು ಕನ್ನಡ ಸಾಹಿತ್ಯ ಪರಿಷತ್ತು, ಅರಸೀಕೆರೆಯ ಗೌರವ ಕಾರ್ಯದರ್ಶಿ.

ಇತ್ತೀಚಿನ ಬರಹಗಳು: ಸ್ವಭಾವ ಕೋಳಗುಂದ (ಎಲ್ಲವನ್ನು ಓದಿ)

• ಬವಣೆಯ ಬೆದರು ಬೊಂಬೆ - ಆಗಸ್ಟ್ 6, 2022
• ತೀರದಲಿ ನಿಂತು - ಜುಲೈ 22, 2022

ಒಂದು ಕಡೆ ನಿನ್ನ ನೆನಪುಗಳು
ಈ ಮುಸುಕು ಮಳೆಯಂತೆ
ಬಿಟ್ಟೂ ಬಿಡದೆ ಜಿಟಿ ಜಿಟಿ
ಕವುಚಿ ಮಲಗಿದರೂ
ನುಸುಳಿ ಇರಿವ ಚೂರಿ ಚಳಿ

ಗಲ್ಲಗೈಯ್ಯಾಗಿ ಕುಕ್ಕ​ರುಗಾಲಲ್ಲಿ
ಕುಳಿತು ಕನಸು ಕಟ್ಟಲು
ಈ ಗೋಳ ಭೂಗೋಳದ ಅಂಚಲಿ
ಅವ ಇಂಚಿಂಚಾಗಿ ತೆರೆ ಸರಿಸಿ
ಮಿಣುಕು ಬೆಳಕು ಮಿಂಚು ಹೊತ್ತಿಸಿದ್ದಾನೆ

ಹಟ್ಟಿಯ ರಂಗೋಲಿಯ ಮಧ್ಯ
ಹೂ ನಗುವ ಚೆಂದಿರನ ತುಂಟಾಟ
ಅದುಮಿಟ್ಟ ಭಾವಗಳ ಪರದಾಟ
ತೂಗಿ ತೊನೆದು ಬಿಟ್ಟ ತೆನೆಯಂಥ​
ನಿನ್ನೊಡನೆ ಕಳೆದ ಗಳಿಗೆಗಳ ಆಟ

ಗಾಲುಗಲ್ಲದ ತುಟಿಯ ಬಯಕೆ
ಓರೆ ಮಾಡಿದ ಕದದ ಹಿಂದೆ ಅವಿತಂತಿದೆ
ಈ ತೋಳು ಎದೆ ಹಾಸು ಕಾಯುತ್ತಲೇ ಇದೆ
ಬರುವ ಇರುವ ಹಾದಿಯ ತಂಬಾ
ನವಿಲುಗಣ್ಣಿನ ಕನಸ ಗಾಯನ