ಮಿಂಚು ಹುಳ

• ಲೇಖಕರು
• ಇತ್ತೀಚಿನ ಬರಹಗಳು

ರಾಮ್‌ ಕುಮಾರ್‌ ಡಿ.ಟಿ.

ರಾಮ್‌ ಕುಮಾರ್‌ ಡಿ.ಟಿ
ಮೂಲತಹ ಗಣೇಶಗುಡಿ, ಉತ್ತರ ಕನ್ನಡದವರು. ಸದ್ಯಕ್ಕೆ ಬೆಂಗಳೂರಿನಲ್ಲಿ ವಾಸವಾಗಿದ್ದಾರೆ.
ವೃತ್ತಿಯಲ್ಲಿ ಉದ್ಯಮಿಯಾದರೂ, ಇವರ ಹವ್ಯಾಸಗಳು: ಓದುವುದು, ಬರೆಯುವುದು, ಸೈಕ್ಲಿಂಗ್‌...
ಮತ್ತೆ ನಿರಂತರ ಹುಡುಕಾಟ...! ಆ ಹುಡುಕಾಟವನ್ನು ಅವರ ಕವಿತೆಗಳಲ್ಲಿ ಢಾಳಾಗಿ ಕಾಣಬಹುದು.

ಇತ್ತೀಚಿನ ಬರಹಗಳು: ರಾಮ್‌ ಕುಮಾರ್‌ ಡಿ.ಟಿ. (ಎಲ್ಲವನ್ನು ಓದಿ)

• ನನ್ನಲ್ಲೊಂದು ಕಡಲು - ಏಪ್ರಿಲ್ 11, 2021
• ಅಪರಿಚಿತ - ಏಪ್ರಿಲ್ 5, 2021
• ಆದಿ ಮತ್ತು ಅಂತ್ಯ - ಡಿಸಂಬರ್ 30, 2020

ಮಿಂಚು ಹುಳ
ನೀ ಮಿಂಚಾಗಿ ಬಾ…
ನನ್ನೆದೆಯ ಕೊರೆವ ಮಿಂಚು  
ಅದು ಸಾಧಾರಣವಿರದಿರಲಿ
 
ಕಡಿಮೆ ಎನಿಸಿದಲ್ಲಿ
ಗಗನದಲ್ಲೊಂದು ಗೀರಿಚ್ಚಿ
ಮಿಂಚಿನ ಹೆಗಲೇರಿ
ಹೊತ್ತು ತಾ…
ಗುಡುಗು ಗುಡುಗಾಡಿದರೇನು
ನೀ ಹೂಂಕರಿಸಿ ಎಡೆ ಬಿಡದೆ ಬಾ…
ಮಳೆಗೊಂದು ಚೂರು
ನೆನೆದು ಬಾ … ಧರ ಧರನೆ ಮಳೆಬಿಲ್ಲ ಧರಿಸಿ ಬಾ …
 
ಬೆಳಕಾಗುವುದೆ? 
ಭಸ್ಮಿಸುವುದೆ? ನನ್ನೀ ಅಂತರಂಗವ? 
ಬೆಂಕಿ ಒಳಗಿನದಾರುವುದೆ?
ತುಸು ನೊಡೋಣ ಬಾ…
 
ಹುಡುಕಾಟ ನನ್ನದು
ಕಿಚ್ಚಿನದಲ್ಲ, ಮಿಂಚಿನದು
ಕಿಡಿ ಆರದಿರಲಿ ಒಂತಿಷ್ಟು
ಬಂದು ಒಳ ಹೊಕ್ಕು ಒಮ್ಮೆ…
ನಿನ್ನನೆ ನೀ ಕಂಡು
ಬೆರಗಾಗದಿರು ಅಷ್ಟೆ!