ಮೂಲತಃ ಉತ್ತರಕನ್ನಡದ ಸಿದ್ಧಾಪುರದವರಾದ ನೂತನ ಎಂ. ದೋಶೆಟ್ಟಿ ಅವರು ಆಕಾಶವಾಣಿಯಲ್ಲಿ ಕಾರ್ಯಕ್ರಮ ನಿರ್ವಾಹಕರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಇವರ ಏಳಕ್ಕೂ ಹೆಚ್ಚು ಕೃತಿ,ಕಾವ್ಯಗಳ ಸಂಕಲನಗಳು ಲೋಕಾರ್ಪಣೆಗೊಂಡಿದ್ದು, ಇವರ ಅನೇಕ ಬರಹಗಳು ನಾಡಿನ ಹಾಗೂ ಆಂಗ್ಲದ ಹೆಸರಾಂತ ಪತ್ರಿಕೆಗಳಲ್ಲಿ ಪ್ರಕಟಗೊಂಡಿವೆ.
ಇತ್ತೀಚಿನ ಬರಹಗಳು: ನೂತನ ದೋಶೆಟ್ಟಿ (ಎಲ್ಲವನ್ನು ಓದಿ)
- ವಿಂಗಡಿಸಿ ನೋಡು - ಅಕ್ಟೋಬರ್ 23, 2022
- ಆ ರಾತ್ರಿ - ಸೆಪ್ಟೆಂಬರ್ 15, 2021
- ಪ್ರಮಾಣ - ಸೆಪ್ಟೆಂಬರ್ 5, 2021
ಹರಹಿಕೊಂಡ ಕೇಶರಾಶಿಯಲ್ಲಿ
ತೆರೆದ ಭೌತಿಕ ಸತ್ಯಕ್ಕೆ
ಜಗ ತಲೆ ಬಾಗಿತು
ಹೊರ ಹರಿದ ಮಲಿನತೆ
ಕಣ್ಣುಗಳಿಗೆ ನೀಡಿತು ಹೊಸ ನೋಟವ
ನೊಸಲ ಭಸ್ಮ ತ್ರಿಕರಣ ಶುದ್ಧಿಯ ಪ್ರತೀಕ
ಅಂಗೈಯಲ್ಲಿ ಆತ್ಮ ಸಾಂಗತ್ಯ
ಕಿಲುಬು ಇರುವುದು ಕಾಣುವ ಪರಿಯಲ್ಲಿ
ಕಾಮನೆ ಕರಿಯ ತೊಲಗಿಗೆ
ಮರುಳುಗಳಿಗೆ ಸೆರೆಯಾದ ಮರುಳರು
ಮೈ ಮುಚ್ಚುವರು ವಸ್ತ್ರದಲ್ಲಿ
ಅಂದ ಚಂದದ ಬಣ್ಣನೆಗೆ
ಕೈಯಲ್ಲಿ ಮಣಿಮಾಲೆ
ಲೆಕ್ಕದ ನಾಮಕ್ಕಲ್ಲ
ಜಾರುವುದರಲ್ಲಿ ಹಿಡಿಯಬೇಕು
ಅರೆಕ್ಷಣದ ಭಕ್ತಿಯ
ಸ್ಮರಣೆಯಲ್ಲಿ ಸರಿಯಬೇಕು
ಇಹದ ಸರಿದಾರಿ
ಹಾದಿಯಲ್ಲಿ ಹರಿದಾಡಿದ ಹಾದರದ ಕಣ್ಣುಗಳು
ಉಡುವುದಕ್ಕಿಂತ ಬಿಡುವುದೇ ಲೇಸೆಂದು ಕಲಿಸದಿದ್ದರೆ
ಮಂಟಪದವರೆಗೆ ಕಾಲು ಎಳೆಯುತ್ತಿರಲಿಲ್ಲ
ಅನುಭವದ ಅಮೃತದ ಹೊಳೆ
ಕದಳಿಯಲ್ಲಿ ಸೇರುತ್ತಿರಲಿಲ್ಲ.
ಹೆಚ್ಚಿನ ಬರಹಗಳಿಗಾಗಿ
ಮಹಾಸಾಗರವಾದಳು
ಪುಸ್ತಕ ಪ್ರೇಮಿಯ ಸ್ವಗತ
ಪೊರೆವ ತಂದೆ